فكرة مشروع الملاكى الجماعى
السلام عليكم
والله يا جماعة هى فكرة تقريبا موجودة الواحد كل يوم وهو نازل رايح الشغل بشوف الناس واقفين على محطات الاتوبيس مش عارف دول مابيصعبوش على الحكومة وانا لوقت قريب جدا كنت كده طيب لو كل واحد معاه عربية وخد اتنين او تلاتة فى طريقه لشغله او مدرسته مجانا ممكن وعلى فكرة فى ناس بتعملها بس بالفلوس بس انا بفكر انها تكون بالمجان او اجر رمزى جدا جدا عشان مصاريف السيارة فهل حد عنده تصور ان يكون مثلا مشروع هدفه التعاون وليس الربح ونسميه مثلا مشروع الملاكى الجماعى مش عارف حاسس ان انا باحلم صح وعلى فكرة انا جربته بس فى حاجة تعقد ايلى بتوصله بيعتبرك شغال عنده ومع الوقت بيبقى حق مكتسب مش خدمة طيب ايه الحل لو حد عنده تصور ياريت يقوله واسف على اطالة
