الف سلامة عليك و ما تخافش البلد كلها عندها سكر
عرض للطباعة
الف سلامة عليك و ما تخافش البلد كلها عندها سكر
متقلقش انا عندي السكر من خمس سنين و الدنيا ماشيا كويس
أنت بس حتحاج تظبط الاكل باعك و حتاخد شويه أدويه غالبا مش انسوليين علشان ده بيكون للحالات المتقدمه بس
لو في أستفسار انا تحت أمرك
انا مش عارف أقولكو كلكو أيه ربنا دايما يخلينا فى عون بعض ومسانده بعض
أنا الحمد لله مش خايف ولا زعلان دى اراده ربنا وانا الحمد لله راضى
هو بس كل الموضوع أنى محتاج حد يدلنى على دكتور كويس اتابع معاه
وفى نفس الوقت لو حد من اخوانى عنده نفس المشكله يقولى نظام الأكل أيه على ما أروح للدكتور
الف سلامة عليك انا عندى 34 سنة وجالى السكر من سنة نصف تقريبا .. الخلاصة متقلقش ان شاء الله خير على فكرة انا لما عرفت كنت بدخل الحمام 30 مرة فى اليوم وحسيت بزغللة فى عنية وخاصة وانا سايق بالليل واطرافى كانت بتنمل وعارف لقيتة كام 590 ؟؟؟؟؟؟؟ تخيل لدرجة ان ناس قاللولى انا لازم استخدم انسولين ... المهم اول حاجة تعملها تحليل سكر فى معمل محترم " البرج او المختبر " سكر صايم وفاطر وهيموجلبين سكرى "معدل السكر خلال الثلاث اشهر الماضية " وطبعا الطريقة هيقولولك عليها فى المعمل علشان توفر الوقت روح المعمل وانت صايم من 6 الى 8 ساعات عالطول وهناك هيقولولك تعمل اية ؟ المهم دلوقتى تقلل السكريات شوية مش تمنعها ولازم لازم تعمل شوية مجهود او رياضة حتى لو تمشى شوية على اساس انك تحرق شوية السكريات اللى عندك وانشاء اللة النتيجة تبقى خير الاكل عادى بس بكميات قليلة وركز على المشوى اليومين دول لحد لما تطمئن وابقى قولى عاملت اية ؟ انا من الهرم " حدائق الاهرام" واعرف دكتور ممتاز جدا فى ميدان الجيزة استاذ دكتور فى القصر العينى هبقى اجبلك بياناتة وارقام تليفونة ان شاء الله ...وربنا يشفينا جميعا ..السلام عليكم :120105~352:
تروح عند محكمة الجيزة
تدى ظهرك الى المحكمة
فى برج امامك هيكون على الناحية الاخرى من الطريق
اسم الدكتور
محمد احمد عيسى
سكر وغدد صماء
لانك لازم تحلل غدة درقيه وان شاء الله
يكون سكر موقت او خلل بسيط فى الهرمونات
الف سلامه عليك
روحت للدكتور النهارده كل اللى عملو ادانى ورقه فيها عده انظمه غذائيه وبدائلها أمشى عليها مع المشى يوميا نص ساعه بدو توقف مع أخذ قرص أماريل قبل الفطار
مطلبش تحاليل او اى حاجة ؟؟؟؟
حضرتك لو هتخرج عن النظام الغذائي المحطوط حاول تمشى اكتر او هات اى جهاز رياضى فى البيت تلعب عليه