شكرا جزيلا لاسلوبك الراقى فى التعليق و عموما (الجواب بيبان من عنوانو)
عرض للطباعة
هى الحوادث كلها عيوب سيارة ولا اية . انا راى دة عيب سواق لامؤخذة
و للعلم المشكلة كلها بالنسبة ليا أن لما الناس كانت بتسألنى على العربية كنت بشكر فيها (من كلام الأخوة فى المنتدى) و بنصح بيها و بدلو على الموضيع البتقيم العربية, لكن تخيلت لو حد جابها و بعد الشر حصلوا حاجة يا ترى هيبقى ذنبو فى رقبتى ولا لأ و هيبقى أنا استهترت بنصيحتى ليه ولا لأ, مع العلم ان ناس كتير يأخذوا قرار الشراء بناء على المواضيع هنا فى المنتدى و عشان كده لازم التقييم يكزن موضوعى يعنى مزايا نناقشها و عيوب بردو نناقشها و نستفسر عنها و نشوف موقفها من الصحة.
و هو حضرتك شايف ان الصور اللي حضرتك حطتها و مش كاتب أي تفسير أو أي كلام عنها يعتبر تقييم موضوعي؟؟؟؟؟؟؟؟؟
و لو حضرتك مش متابع ...فيه وفد من المنتدى راح يشوف القصة دي في التوكيل ...و أعتقد ان ده ممكن يتسمى تقييم موضوعي :
http://www.nilemotors.net/Nile/113335-a.html
http://www.nilemotors.net/Nile/112814-a.html
المنطقة الى مخبوطة فيها العربية مفيش فيها رصيف على اليمين عشان الطريق كلو على اليمين عربيات ..... انا عايز اعرف ايه الى حصل عشان انا فعلا متردد فى شراء العربية دى :whtauwant:
حضرتك صاحبى اشترى high line auto ومستريح جدا معاها ومحافظ عليها وماشية كويس ومشتكاش من حاجة وانا متابع معاة وقولتلة على موضوع الحدفة شمال قلى مفيش عندو مش عارف لانوا لسة جايبها بقالوا شهرين الفكرة بقى حضرتك لما تجيب العربية هات الجنوط 16 افضل بلاش الاكبر علشان العفشة والتخبيط اللى بيحصل للى قاعدين ورا وطبعا الطبيعى اللى بيحصل فى اى عربية مركبة جنوط 17 وياخد نقرة او حفرة بسرعة 100/120 دا اكيد حيبهدل العفشة وحيكسر المقص لاكن مش معقول ان والعربية ماشية كدة فى الشارع يروح المقص مكسور لوحدة العيب كلة فى الجنوط الكبيرة دا لو بتقارن مابينها وبين النترا
ما هو أنا مقلتش اى كلام عشان لا اعتبر بفتى و لأنى وضحت أنى مشفتش الحادثة, و لأن الشاف و حكى اتهاجم من طوب الأرض و اعتبروه مفسد فى الأرض, و لما الردود استفزتنى قلت وجهة نظرى عن الحادثة و ان غريب اوى ان حادثة تعتبر مبهدلتش عضم العربية من اليمين و سمعت فى الصدر بس لدرجة مش مأسوية بردو تعمل كده فى المقص بس بردو اللع أعلم ده صور اتعرضت نظرا ان فيه كلام على موضوع المقص على الخصوص, و قلت يمكن فيه متخصص فى تفسير الحوادث يشرحلنا.
و بصراحة أنا مش متابع المواضيع بانتظام و معرفش موضوع الوفد الراح التوكيل, بس أهو أحد العربيات الممكن يتم الاستفسار عنها بردو, و صدقنى أنا من الشايفو من الهجوم هحاول فعلن أوصل لصاحب العربية من باب الفضول على الأقل.
و الموضوع مش مجرد جدال و خلاص لأن مثلا فيه الميجان و الاشاعات الطلعت عليها أنا لقيت اصحاب العربية فى المنتدى وصفوا عيوب الصناعة ووصفوا المميزات فالهيشترى هيقدر يحكم أنى أهم بالنسبة له (و على فكرة رغم الكلام العليها أنا كنت قربت أجيبها بس النصيب, خصوصا ان العيوب من الممكن تداركها و متاذيش كثير), لكن لما نتكلم على شكوك فى مقص فده لو ثبت او مثبتش يبقى عيب قاتل و منوعدش نهاون و نهاجم و نكدب البيحكى وقائع (و مش بتكلم على نفسى انا بتكلم على المواضيع السابقة)
انا عايز اقول حاجه بس صغيره اوى
انا من سنه كنت فى زهراء المعادى و صديقى معاه ميجان 2007 العربيه عومت منه و دخل فى رصيف الكوبلن و العجله كلها و نص المقص طارو (جريو بعيد كده) و هوه حاول يرد تانى العربيه زحفت وقفت على الناحيه التانيه بالعافيه بالهاند بريد ادام عمود نور بالظبط
ده معناه ان من السرعه العربيه تقدر تخبط فى رصيف و يكسر المقص و العربيهتزحف بعديها و ممكن تتقلب كمان مش تزحف بس
ملحوضه بس انا كنت قاعد جمبه
حمد الله علي سلامتك :120105~352:
التحليل من الصورة اكيد مش هيوضح حاجة لأن لازم حد يشوف الحادث او علي الأقل يعاين العربية و يعرف فيها ايه باظ بعد الحادثة
و بردوا لازم الناس تتأكد لأن كتير من السيارات بتتسحب من اكبر الشركات زي تويوتا و فورد و bmw و اودي علشان فيها عيب في السيارة فلازم المتابعة بس مش من صور الحوادث بل يحاولوا مراسلة الشركة الأم و متابعة المنتديات الأجنيبة المهتمه بالسيارة لو المشاكل هناك ظاهرة بردوا ام لا