مهزله كاميرات اشارات المرور الجديده

**GMakram** · 27-12-2009 02:18 PM

يا جماعه انا ساكن فى مصر الجديده ومن يومين كنت راجع من شغلى ماشى من الخليفه المأمون ورايح على اشاره روكسى اللى عند سينما روكسى,الاشاره دى بتشتغل اليكترونيا متثبت فوق الاشاره كاميرات وفيه شاشه صغيره بتعد دقيقه او دقيقه ونص وتفتح,وفى حاله اى حد كسر الاشاره تقوم الكاميرا مصوراه وبيبان الفلاش بتاع الكاميرا واضح اوى وهو بيصور,فى اليوم ده كانت الشاشه اللى بتعد الدقايق عطلانه وكان بيقوم العساكر بفتح وغلق الاشاره,المشكله ان كانت الكاميرات شغاله عادى يعنى العسكرى بيفتح الاشاره تقوم الناس تمشى وتشتغل الكاميرات بقى تصوير لما تقول يا بس,انا شفت الناس اللى قبلى بيتصوروا وشفت الكاميرا وهيا بتصورنى وانا بعدى من الاشاره,طب التصوير ده كله ايه مصيره؟هيرموه فى الزباله ودى طبعا حاجه استبعدها عن وزاره الداخليه الموقره فى بلدنا,ولا الناس الغلبانه هتدفع لأن محدش طبعا هيعرف يثبت ان الاشاره كانت بايظه؟
بجد اللى بيحصل فينا ده حرام
تقبلوا تحياتى جميعا

**evoo90** · 27-12-2009 02:24 PM

المشاركة الأصلية كتبت بواسطة gmakram

يا جماعه انا ساكن فى مصر الجديده ومن يومين كنت راجع من شغلى ماشى من الخليفه المأمون ورايح على اشاره روكسى اللى عند سينما روكسى,الاشاره دى بتشتغل اليكترونيا متثبت فوق الاشاره كاميرات وفيه شاشه صغيره بتعد دقيقه او دقيقه ونص وتفتح,وفى حاله اى حد كسر الاشاره تقوم الكاميرا مصوراه وبيبان الفلاش بتاع الكاميرا واضح اوى وهو بيصور,فى اليوم ده كانت الشاشه اللى بتعد الدقايق عطلانه وكان بيقوم العساكر بفتح وغلق الاشاره,المشكله ان كانت الكاميرات شغاله عادى يعنى العسكرى بيفتح الاشاره تقوم الناس تمشى وتشتغل الكاميرات بقى تصوير لما تقول يا بس,انا شفت الناس اللى قبلى بيتصوروا وشفت الكاميرا وهيا بتصورنى وانا بعدى من الاشاره,طب التصوير ده كله ايه مصيره؟هيرموه فى الزباله ودى طبعا حاجه استبعدها عن وزاره الداخليه الموقره فى بلدنا,ولا الناس الغلبانه هتدفع لأن محدش طبعا هيعرف يثبت ان الاشاره كانت بايظه؟
بجد اللى بيحصل فينا ده حرام
تقبلوا تحياتى جميعا

فى اى وقت تقدر تنزل تصور الشاشه وهى عطلانه انزل وماتترددش ثانيه واحده عشان تضمن حقك بعد كده لو لقيت مخالفات ويستحسن تنزل تستعلم عن مخالفاتك من دلوقتى ماتستناش لحد التجديد وساعتها ماحدش هايفتكر ولا يعرف دى بتاعه ايه وهتدفعها برضه انا لو منك انزل اصورها وعلى الاقل احتفظ بالصور ..

**kemoelord** · 27-12-2009 02:27 PM

المشكله يا جماعه بجد والله ان التخلف كل يوم بيزيد والسلبيات كمان بتزيد ده الواحد كل يوم بيسمع عن مهازل ومصايب ,ده غير الحرق الي كل يوم بيقرفونا بيه والواحد صدره بااااااااااااااااااااااظ . الله يحرقهم وياخدهم مطرح ما هم قاااااااااااااااعدين ويلعنهم

**zaza_lanos** · 27-12-2009 02:37 PM

هو ده العادى
فوضى بقى

امال الحكومة هتجيب فلوس منين علشان الفشخرة

**KoDaK_Gti** · 27-12-2009 02:43 PM

المشاركة الأصلية كتبت بواسطة zaza_lanos

هو ده العادى
فوضى بقى

امال الحكومة هتجيب فلوس منين علشان الفشخرة

انت مش ناوى تهدى بردو ؟؟؟ اخرتك وحشة يا ابظبظ

**Michael_Lanos** · 27-12-2009 02:47 PM

ابن خالتى اتصور ولما راح دفع المخالفات لقى ماخلفه واحده تصور بالكاميرا ب 501 جنيه
حرام كده

**Karim_Mohy** · 27-12-2009 02:54 PM

كان في احد المسئولين في احد البرامج سالوه عن موقف عربية الاسعاف لو ولقفة في الاشارةة فقال الكلمة الاولي لرجل المرور بالرغم من تصوير الكاميرات والناس ملهاش ذنب........وانهم بيقوموا بتصفية الصور دي من المخالف من اللي مش مخالف...( ده علي كلامه )

**أشرف العدوي** · 27-12-2009 03:30 PM

انا رأي ان كل الكاميرات هجس
انا اتصورت على المحور حوالي 5 مرات منهم مرة بالتصوير البطئ يعني اول ما خدت بالي من الرادار كنت قبليه بحوالي 5 متر روحت مهدي و طبعاً ملحقتش اجيب 90 راح مصورني بعد ما عديت بحوالي 5 متر بردو و انا سعرتي تقريباً 60 او 70
و الاربع مرات كانوا ما بين 100 كم / ساعة و 110
الكلام ده من قبل رمضان الي فات
لسة مجدد من اسبوع و ما فيش شلن مخالفة
غير 3 مرات ركن في الممنوع في شارع مصدق

الكلام ده حصل معايا فعلاً و الله أعلم إذا كانت الردارت الي بفلاش دي بايظة و لا اشتغالة و لا حد تاني لبسها مش عارف

صحيح الخمس مرات دول علشان كان بالليل فخدت بالي اني اتصورت
في مرات كتير بسرح الصبح بس مش فاكر كام مرة

**zaza_lanos** · 27-12-2009 04:52 PM

مخلفاتى فى سنة ومابمشيش بالعربية كتير 750 علشان اربع مخلفات

قلة ادب

والفلوس بتخلص كل حاجة وسلامات يا كمبيوتر

-

الموضوع: مهزله كاميرات اشارات المرور الجديده

LinkBack

أدوات الموضوع

عرض

مهزله كاميرات اشارات المرور الجديده - انشر الموضوع فى :

-

-

-

-

-

-

-

-

المواضيع المتشابهه

كاميرات اشارات المرور وهمية و غير مركبة بشكل صحيح

امتحان اشارات المرور

اشارات المرور وارشاداته

اشارات المرور فى اليابان

قانون المرور مهزله

الكلمات الدلالية لهذا الموضوع

المفضلات

المفضلات

ضوابط المشاركة