ازاى اعرف درجه كبس الموتور انا عربيتى لانسر 99
عرض للطباعة
ازاى اعرف درجه كبس الموتور انا عربيتى لانسر 99
روح اي بنزينة فيها كشف علي الموتور و هي تقولك
زى ايه مثلا
زي شيل في الهرم
موبيل باب اللوق
شيل موبيل روكسي
موبيل صلاح سالم
حضرتك ساكن فين؟؟
عايز نوع بوجيهات كويس انا عربيتي 124 فيات
ngk
بس مش عارف فيه منه لعربيتك ولا لا
اسال فى التوكيل
23934102
25168172
24327564
22016684
23917679
أختبرت كبس الموتور ولا لسه ؟؟؟
متابع ...
لسه والله انا كنت مشغول اليومين اللى فاتو نالمولود الجديد
درجة الكبس بتتقاس ازاى ؟ من الشكمان ولا من فك البوجيهات ؟
مبرووووووووووووك
بورك في الموهوب وشكرت الواهب ورزقت بره وبلغ اشده
كبس الموتور
تتعرض محركات الأحتراق الداخلى مع التشغيل وعمليات التقادم بسبب العمر الأفتراضى لحدوث أخفاق ونقصان فى كفاءة حبك لغرف الحريق أما لحدوث تفويت من بين الشنابر والشمايز.....أو من خلال مجموعه بلوف رأس سلندر المحرك.......ويلزم عند الأحساس بوجود أختلال فى آداء المحرك وبالذات عند ظهور دخان كثيف خارج من خلال منظومة الشكمان.....أو مع وجود أستهلاك زائد لزيت تزييت المحرك بدرجه ملفته للنظر وغير معروف سبب زيادة هذا الأستهلاك قياس درجة ونسبة الحبك لغرف الحريق.....وعدم الأستمرار فى تشغيل المحرك لعدم تدهور حالته وعلى الأقل نتدارك الوضع بتغيير طقم شنبر وعمل روديه لمجموعة الصبابات لرفع كفاءة درجة الحبك .....وذلك لعدم فقد المحرك كلية............* ونظرا لأننا فى منتدى سيارات ....سنتناول سويا الخطوات التى تتم أثناء التجربه لمحركات البنزين...................* بالنسبه للمحركات ذات الحقن الألكترونى ...وعند عقد العزم على أجراء الأختبار يتم الآتى......................... من المهم قبل الشروع فى أجراء الأختبار فصل حساس الكرنك فى البدايه لمنع حدوث ضخ للبنزين وخلافه الى غرف الحريق أثناء الأختبار.......وكذلك لتبطيل عمل ملف الأشعال الألكترونى ( البوبينا )....* طبعا قبل فصل الحساس يلزم الوصول بدرجة حراره مياه التبريد للمحرك الى الحراره الطبيعيه للتشغيل العادى ولتكن 85 درجه مئويه......................*أيضا يجب أن تكون البطاريه قبل فصل الحساس فى حالة أقصى شحنه كهربيه لها (وسنعرف السبب لاحقا ).................خطوات الأختبار1-أجعل بوابه وضع الخانق على أقصى وضع فى درجه الفتح للبوابه............2-قم بفصل وأخراج جميع شمعات الأشتعال (البوجيهات )3- ضع قليل من زيت المحرك على أوجه البساتم بأستخدام مزيته عاديه (حوالى 3 رشات ).........4- ضع عداد قياس ضغط داخل كل فتحه من فتحات البوجيهات ................5-أختبركل غرفة حريق (أسطوانه ) بادارة المحرك بأستخدام المارش ...وأجعل كل أسطوانه تعمل من 4-5 أشواط من أشواط الكبس (الشوط الثانى فى دورة الحريق ).........compression stroke ........6-يجب أن تكون أقل قراءه لعداد ضغط أى أسطوانه حريق لا تقل عن 70% من أعلى قراءه لنفس الأسطوانه أثناء الأشواط (من 4-5 أشواط كبس ).....المنوه عنها عاليه............7-يجب أن تكون أيضا أقصى قراءه لأى عداد ضغط لاتقل عن 100 رطل /بوصه (6.89 بار).....لأى أسطوانه من الأسطوانات الأربعه..............حنيجىء بقه دلوقتى لدراسة القراءت بتاعة عدادات الضغوط اللى حصلنا عليها أثناء أجراء الأختبار علشان نتعرف على حالة المحرك بتاعنا.....وكفاءة حبك غرف الحريق له.........أولا : أذا كنا لاحظنا أن الضغط على العدادات يصل بأقصى سرعه وبدون أى فاصل زمنى بسيط الى مرحلة بناء سريعه للضغط مع الوصول للقيم المقننه والمذكوره عاليه أو أكبر منها.......مع كون القراءه مقبوله فان هذا دليل على أن درجة حبك الغرف جيده ولا يلزم أجراء أعمال صيانه مثل تغيير شنبر أو روديه حاليا.........ثالثا : أذا كان الضغط على العدادات قليل فى البدايه (أول شوط ضغط )...ولا يوجد أمل فى أرتفاع الضغط فى الأشواط التاليه ولايرتفع الضغط بطريق ملحوظه ....فان هذا دليل على وجود تفويت ملحوظ من منطقة الصبابات ......ويلاحظ أنه من الصعب بل وغير ممكن تحسين قراءة العدادات فى هذه الحاله بوضع نسب من زيت المحرك على أسطح البساتم (لأن التفويت من عند الصبابات وليس من بين الشنبر والشميز ).....................*ثانيا : أذاكان الضغط قليل فى البدايه ويوجد فاصل زمنى ملحوظ للوصول الى أرتفاع فى الضغط على العدادات....ولا يصل الضغط الى القيمه المذكوره عاليه على الأقل (6.89 بار )...فان هذا دليل على وجود أخفاق فى جوده حبك الشنابر ويلزم تغيير طقم شنبر...........ويمكن الأستدلال أيضا والتأكيد على أن السبب صحيح بأضافة قليل من زيت المحرك على سطح البساتم والتجربه مره ثانيه (على أساس أن الزيت سيغلق الخلوص بين الشنبر والشميز الى حد ما ) وبالطبع ستتحسن قراءة العدادات......
الكلام ده منقوووووول مش انا اللي كاتبة للامانة
من فترة كده كنت بدور في موضوع كبس الموتور ولاقيت اخ من اعضاء المنتدى كاتب الموضوع ده واخدتة عندي على ملف ورد وللاسف مش فاكر مين العضو ده
بكرر مرة تانية الكلام ده منقول للامانة وبشكر الاخ اللي كاتبة
والف مبروك على المولود الجديد وربنا يجعلة ذرية صالحة ان شاء الله
صاحب الموضوع هو الباشمهندس سمير عياد..
حد يعرف اي بنزينه من اللي caysersosaih ذكرهم في مشاركته بتقيس الكبس بنفس الطريقه اللي في مشاركة aomran ؟؟
ممكن تروح بنزينة ال fbi اللى فى طريق المطار
مساء الفل يا جماعه الموضوع ابسط من كده بكتير و فى طريقه اخرى متحتاجش كل الاجراءات ديه و لا اجهزه ضغط و لا يحزنون مع احترامى الى المهندس الىكاتب الموضوع
1- لو العربيه مش بطلع دخان خالص من الشكمان بخلاف الى احنا عارفينه الى هو دخان ابيض شفاف كان براد مياه سخنه على النار و هذا طبعا فى بدايه الدواره و خصوصا لو الجو بردحتروح فى مكان فاضى و من وضع الثبات تجيب اخر الاولانى فى الر بى ام ثم التانى ثم التالت حتى 100 كيلو و يكون معاك استوب وتش لو العربيه جابت من 0 الى 100 فى خلال 15 ثانيه فيما اقل اكدلك ان موتور السياره بتاعك فوق الممتاز اما اذا اخدت وقت اطول من ذالك مابين 15 \30 ثانيه يبقى متوسط اما بعد كده هو ادنى من المتوسط و على ما اعتقد ان التجربه دى سهله و بسيطه لاى شخص :biggrin2:
شكرا علي الافاده
ايه ياباشا الجمال ده ؟
ده مكانش حد غلب بقه على كدة
هو مش كل عربية ليها تسارع غير التانية ؟
وفي عربية وهي سليمة بتجين من 0 ل 100 في 9 ثواني وعربية تاني بردة وهي سليمة بتجيب من 0 ل 100 في 15 ثانية ؟
والموتور لوخفيف في العربية اللي فيها 9 ثواني هتعمل 11 ثاني مثلا يبقى إيه رأيك كدة ضمن أنهي تصنيف من بتوعك
وده كلة بفرض تثبيت سواق واحد محنك في التسارع بجميع أنواع السيارات وبينقل الغيار في لمح البصر وعارف أخر كل غيار كام علشان لاينقل بدري ولا يحرك على الغيار وقت زيادة بدون تسارع
يعني ممكن نشوف حته واسعة زي اللي إنت بتقول عليها ونجيب اللي إسمة ستيج بتاع توب جير وكل عربية عايزين نشوف موتورها أخبارة إيه نيجبها ونديها لستيج ويغيرلها زيت وفلتر وطقم كهرباء وفلتر هواء وبوجيهات ويظبط الموتور ويركب العربية كام ييوم علشان ياخد عليها ويشوف ايه أخر كل غيار وبعد كدة يعمل إختبار التسارع بتاعها ويقولنا النتيجة؟!
على فكره انا بعمل كده فى عربيات صحابى و كمان الى بيقصدنى فى الموضوع ده و بنعرف اذا كان خفيف و لا لا او زاى متقول عندى احساس بالمواتير لان انا شغلتى صاحب محل كماليات فى اسكندريه و بنعرف من غير اجهزه ولا حاجه من خلال الشكمان الربى ام صوت الموتور استهلكها للزيت فلتر الهوا و وضعه و شرحه فى فلتر البنزين و حساس الهوا كل هذا
متابع...............