الموضوع: استفسار عن حدائق الاهرام.....!!!؟؟

بالنسبه لحدائق الاهرام السكن فيها انااشوفه احسن من القاهره الجديده والتجمع الخامس

اولا لانك تعتبر داخل البلد موقعها مش وحش بالنسبه لاكتوبر ولا الطريق الدائرى والطريق الصحراوى تعرف تتحرك

لكن فيه مشكله ان ميدان الرمايه دائما زحمه بسبب مدخل طريق اسكندريه الصحراوى وميكروباصات الفيوم
ومدخل ش فيصل والهرم ومنطقه التجنيد
دى او عيب بس ماهى كل الطرق برضوه زحمه
ثانى شى فى حدائق الاهرام قله الخدمات فى الداخل فى البوابه الاولى واللى هى تعتبر اكبر كثافه لانها جاهزه عن البوابتين اللى بعدها
مفيهاش غير مول واحد
ومول كله محلات تشطيب وحدادين والحاجات دى

لو انت ساكن بعيد عن البوابه لازم يكون معاك عربيه ملهاش مفيش طريقه تنقل جوه غير التوك توك

الاسعار بتبداء من 1000 الى 3000 على حسب قرب المكان من البوابه بيكون اغلى من اللى جوه

كمان هى حاليا تخوف بالليل لان كل واحد فى حاله واغلب الشقق مش مسكونه


لكن باختصار كاستثمار او كسكن مستقبلى موقعها تحفه واسعارها هايله
وكفايه اشكال العمارات كلها واجهات حلوه ومداخل شيك

المشاركة الأصلية كتبت بواسطة emadno1

طيب ممكن حد يقولى اسعار الايجارات هناك كام و لو عاوزاشترى شقة صغيرة فى حدود 100 متر تعمل كام فى منطقة ساكنه

اااقل سعر تقدر توصله فى اللو سيزون بتاع العقارات الان 850:950 ااقل من كده صعب وهتكون على قمه الهضبه

نسيت اقولك
بص بالنسبه للاجراءات
بتاخد معاك محامى واولا بتطلع على عقود ملكيه الارض للبايع
وثانيا بتطلع على رخصه المبانى وبيكون فيها عدد الادوار المصرح بها هتعرف ساعتها انت بتشترى دور مخالف ولا لاء

وبعدين تطلع على العقد والمحامى يراجع البنود كويس واللى مش عاجبك اتكلم معاهم فيه
بعد كتابه العقد لو انت هتقسط بتاخد العقد الابتدائى وترفع تانى يوم دعوه صحه توقيع على البايع
عشان تثبت فى المحكمه البيع
ولما تخلص اقساطك تاخد عقد بيع نهائى وانت حر تسجل شهر عقارى او ترفع دعوه صحه ونفاذ

طب معلش يا جماعة انا خالي في الكويت و كنت بسالو علي فيلا هتاك حد يعرف الاسعار ايه ظروفها واكون شاكر ليه ؟؟؟؟؟؟؟؟؟؟؟

الرحاب و مدينتى أسعارهم نااااااااار

الشقة ال160 متر فى مدينتى عاملة 970 الف جنيه "شاملة إشتراك النادى :) " !!!

السعر ده تقسيط على 10 سنين

انا كنت هناك الأسبوع اللى فات..

بص يا سيدى.

دفعة حجز حوالى 58 الف
دفعة تعاقد حوالى 54 الف بعد ثلاثة أشهر من الحجز
قسط شهرى 2200 تقريباً وده يبدأ تدفعه بعد الحجز مباشرة مش بعد التعاقد.
قسط سنوى 54 الف (كل سنة على عشر سنين!)
دفعة إستلام حاجة وخمسين الف

وفيه دفعة صيانة 34 الف "دى بقى بتتحط وديعة فى البنك والعائد بتاعها للمصاريف العامة للمدينة انارة وحدائق وأمن و......"

الحسبة تقريبا تحت المليون بحاجة بسيطة.

المهم إن فى مراحل إتقفلت خلاص.