الــــشـــــبـــــــورة ! *فيديو*

متفهموش إيه طلعها في دماغي أقضي عيد ميلادي في الساحل!

المهم سافرت و كان يوم جميل و راجع بقي .. خلصت طريق وادي النطرون زي الفل .. دخلت طريق إسكندرية .. مفيش 40 كيلو و هجمت الشبورة!!! الحتت اللي معمولة جديدة في الطريق الوضع كان كويس .. الرؤية كانت منعدمة بس كنت بلمح عين القط بتلمع و لو لقيتها بتلف أفهم إن فيه ملف و ألف معاها .. المشكلة بجد بقي كانت في التحويلة!!! كذا تحويلة و محدش كان بيشوف بتبتدي إمتي و تخلص إمتي خاصة إنها بتبتدي و تخلص بملفات حادة .. و يا تخش في اليافطة يا في الرصيف إنت و نصيبك طول منا ماشي سامع ناس بتخيش .. و وصلنا مدخل 6 أكتوبر عالصحراوي انا مشفتوش أصلاَ فا فضلت مكمل .. واحد جنبي كان فاكر إنه المدخل لسة موجود و إحنا كنا عديناه خلاص .. و قام هوب طالع عالرصيف .. انا كان معايا كاميرا الفيديو قلت حلو اما أصورهالكم .. طبعاَ هي لسة مستمرة لسة واحد صاحبي مكلمني الصبح بيقولي إلحقني يا محمود انا مش شايف مراتي جنبي في العربية

المهم انا كان عاجبني الجو أوي مع الضلمة و المزيكا و الشبورة كانت تجربة سواقة حلوة و يوم جميل .. كنت حاسس إن سايق في فيلم :D .. و انصح كل الناس تسافر إنهاردة تستمتع بالشبورة بس اللي عايز يعيش بلاش.

أسيبكم مع الفيديو (هتلاحظوا لوحديكم إنعدام الرؤيا تماماَ في نصه كدة)..

YouTube - Fog - Cairo Alex Road 25th of Dec, 2009

شكرا اخوى جزاك الله وايانا كل خير وبدأت منذ قليل بوادئ شبوره برده زى امبارح فارجو اخذ الحيطه والحذر

الله على جو الشبورة لما البخار يطلع من الفم و الشوارع تحس انها مسحورة كده :)

بحب الجو ده اوى :)

اقتباس:

---

المشاركة الأصلية كتبت بواسطة terrible_darsh

الله على جو الشبورة لما البخار يطلع من الفم و الشوارع تحس انها مسحورة كده :)

بحب الجو ده اوى :)

---

أجمد جو يا درش .. متتخيلش جمال الإحساس !

صبااااااح الروقان تحس انك ماشى فى لوس انجلس :d

انت معندكش فانوس شوبره ولا ايه ياباشا اعتقد ان الرؤيه كانت هاتبقي افضل من كده بكتيييييير يعني

انا بسافر كتير زقازيق و مناطق زراعيه و الشبوره بتبقي اتقل من كده بس فانوس الشبوره الصراحه بيعمل شغل جامد عموما ربنا يسترها معانا جميعا و هيا فعلا بتبقي سواقه ليها طابع خاص كده و جو ظريف
و بالمناسبه التراك اللي كان شغال ملائم بردوا للجو

يارب يحفظكم جميعا من خطر الطريق

كان نفسى أصور اللى شفته امبارح لكن كنت لوحدى
اللى فى الفيديو صعب طبعا لكن اللى شفته امبارح كان أسوأ جدا خصوصا ان الطريق فردى رايح جاى ومافيش لا عواميد نور منورة ولا خطوط بيضاء على الأرض وطبعا ولا عيون نملة حتى ولا حتى رصيف
أظن دى بقى مش تبقى لوس أنجلوس خالص دى بالكتير House of the DEAD

اقتباس:

---

المشاركة الأصلية كتبت بواسطة Dr Ahmed Abdelghany

كان نفسى أصور اللى شفته امبارح لكن كنت لوحدى
اللى فى الفيديو صعب طبعا لكن اللى شفته امبارح كان أسوأ جدا خصوصا ان الطريق فردى رايح جاى ومافيش لا عواميد نور منورة ولا خطوط بيضاء على الأرض وطبعا ولا عيون نملة حتى ولا حتى رصيف
أظن دى بقى مش تبقى لوس أنجلوس خالص دى بالكتير House of the DEAD

---

لأ ده كدة رعب فعلاَ يا دكتور :3mla:
house of the dead جداَ :120105~352:

انا كنت لوحدي برضه كنت بصور و انا سايق و ده اللي حسسني بالجو

و وليد معنديش للأسف فانوس شبورة .. شكراَ للجمارك.

ونسيت أقولك إن فى الفيديو بتاع حضرتك فيه عربيات ونس
فى الفيديو بتاعى اللى مصورتوش 70% من الطريق مكنتش شايف ولا كان حواليا أى كائن حى فمابالك بعربية يعنى كمان Alone felbantaloon
ولما لقيت عربية أمشى وراها المنيل كان فاتح النور العالى ومش شايف أكتر منى وعمال يمشى فى خطوط زجزاج وخلانى أخاطر وأعديه وأمشى لوحدى أحسن بدل ما ألبس أنا فيه

هههههههههههههه لأ انا كان فيه ناس تونسني كتير يا دكتور و كانوا كلهم بيخبطوا في بعض :d و كان فيه عربية عريس و عروسة و متزوقة و بتاع و جيت جنبيهم قعدت أعمل كلاكس الفرح لقيتهم مشغلين قرأن بصوت عالي و العروسة بتعيط :d

كمان المشكلة مينفعش تركن لأن ممكن واحد ميشوفكش و يخبط فيك و متضمنش الشبورة هتخلص إمتي!

ياباشا انا كنت فى المحور امبارح و كانت الشبورة جمدة اوى لدرجة ان مش شايف 5 متر قدامك و الناس كلها مشغلة العالى و الانتظار و كانا مشين السرعة حوالى 50 60 كياو
وكانت شبة الى موجود فى الفيديو

حمد لله على السلامة ليك محمود و دكتور أحمد
ده رعب بجد
انا معاك ان الجو ده بيبقى شكله حلو.... بس لما تروح و تحس بالأمان
إنما فى لحظتها أعتقد انه مش لطيف خالص

بس هل فعلآ فوانيس الشبورة بتكون مفيدة فى الظروف دى؟

اقتباس:

---

المشاركة الأصلية كتبت بواسطة motorizer

لأ ده كدة رعب فعلاَ يا دكتور :3mla:
House of the dead جداَ :120105~352:

انا كنت لوحدي برضه كنت بصور و انا سايق و ده اللي حسسني بالجو

و وليد معنديش للأسف فانوس شبورة .. شكراَ للجمارك.

---

شكرا للجمارك هههههههههههههههههه :pointi~2[2]:

كان فعلا يا محمود جااامدة جدا وخاصة في الفجر وكمان كانت جوا البلد وماكانش حد شايف متر قدامع في بعض المناطق

ربنا يسترها علينا جميعا

اقتباس:

---

المشاركة الأصلية كتبت بواسطة MoToRiZeR

أجمد جو يا درش .. متتخيلش جمال الإحساس !

---

وما تتخيلش جمال الحوادث الى ممكن تحصل فى جو زى ده :khd:

هو الجو ده طبعا جميل بس فى البيت وانت واقف جنب الشباك وماسك مج نسكافيه فى ايدك مش وانت سايق :colsmil:
حمدالله على سلامتك

اقتباس:

---

المشاركة الأصلية كتبت بواسطة amr mokhtar

بس هل فعلآ فوانيس الشبورة بتكون مفيدة فى الظروف دى؟

---

اه فعلا ياباشا مفيده اوي طبعا لانها بتبقي تحت مستوي الدخان فبيبقي الضوء موضح الطريق قدامك و الشبوره تحس انها منوره بس من تحت غير لما يكون النور في مستوي الدخان فالضوء يتعكش و ماتوشوفش حاجه خالص
انا شخصيا حتي لو العربيه مافيهاش شبوره بركبه للظروف اللي زي دي لان شغلي بيخليني اسافر كتير و اي وقت بغض النظر عن الجو حالته ايه و ساعات بسوق في حتت زي ماتقول كده قلب الشبوره نفسها يعني مره انا فاكر كنت في حته كده خير الله ماجعله خير يميني و شمالي زرع وانا ماشي علي حذي ترعه و قادامي حوالي 5 كيلوا عقبال ماوصل للاسفلت و الشبوره نزلت عليا وانا في المكان دا بس لولا الفانوس الشبروه الحمد لله مكنتش طلعت و روحت كانت لانوس 2004

الله يباركلك شكرا على الفيديو بجد دا احسن جو بحبو او الشتا عما لما الدنيا بتمطر

شكراااااااااا

ده انت كنت رايق قوي يا محمود
لا اللي انا شفته كان رعب رعب
طريق مزدوج ...العواميد مش شغالة
مفيش اي علامات ولا خدمات على الطريق
وخالي تماما من العربيات
انا لما قررت اني ارجع استنيت كتير على مالقيت عربية
امشي وراها وللاسف الباشا كان طافي النور ومش عارف هو ماشي ازاي

انت مجنننننننوووووووووووووووو وون كنت تركن فى الماستر تريح لحد ما الشبورة تخف ولا حاجة مجنننوووووون :))))))))))

احلى جو تحس انك سائق طيارة فوق السحاب كنت على الزراعي قبل كدة وكانت الشبورة جمدةكنت ماشى لحد لما حسيت ان سايق والعربية عليها الغطى وفتحت الازاز لقيت الشبورة دخلت العربية مكنتش شايف الى جنبي ركنت في اول استراحة وقعدنا لحد ما صلينا الفجر لولا لما عرفنا نمشي فعلا يوم عمري ما هنساه

شكراا على الفيديو

هي الاغنية اللي شغالة كانت اية ؟

ربنا يسترها علينا جميعا

مرة كنت على طريق مصر اسماعيلية ونزلت برضة شبورة
وكانت عملة زى متكون ماشي فى ستاير شوية تشوف وشوية لا وبعد حوالى كيلو دخلنا فى شبورة الرؤيا انعدمت تمام ركنا برة الطريق فى الرمل جوة شوية بعيد عن الطرق والناس كلها خافت لحد يجى يخيش فيهم فنزلت من عربيتها ووقفوا يحكوا مع بعض.لمدة حوالى سعتين عقبال ما الروسا ابتدت توضح وكملنا السير تانى
بس احلى حاجة كنا مشين حوالى 20 عربية مع بعض وكل شوية العدد فى زيادة

شكرا يا محمود باشا علي الفيديو بس انا اسف ما قدرتش اكمله عشان مزيكا الهارد ميتال الجامده,دي مين ده صحيح؟النسخه المصري من مارلين مانسون؟
bemo,ire

هوة مين الباشموهندس الى بيغنى دة
وسؤال خارج الموضوع معلش
هية العروسة كانت بتعيط لية
علشان الزفة باظط

الباشمهندس اللي بيغني أهوه
http://www.babylonberlin.de/petersempel/lemmy.jpg

موسيقار الأجيال lemmy kilmister
و الأغنية إسمها in the name of tragedy

و اللي في الأخر بتاعة أوزي أوزبورن إسمها breaking all the rules

العروسة بقي كانت بتعيط خايفة :D حاجة صعبة برضه الواحد يتقلب يوم فرحه ولا حاجة .. و مكنش ينفع نركن علي فكرة لأن لو وقفت .. واحد مش شايفك و إنت راكن هييجي يخيش فيك أكيد! تكملة الطريق هي الخيار الوحيد.

طيب متيجى نطلع رحله على الزراعى علشان تستمتع ههههه

تخيل لما تدخل بلدكم فى وسط النور وتلاقى الناس عماله تقولك حاااااسب حااااااسب الميدان تقوم واخد يمينك تلاقى برضو ناس بتزعق حاااااااااسب حااااااااااسب دخلت البنزينه ههههههههه

ولا لما تقف جنب الشجره اللى على رصيف بيتكم وتركن وبعدين تنزل تلاقيه مش بيتكم هههههههههه

متعه متعه يعنى

انا مسافر انهارده باليل من سوهاج للقاهره صحراوي شرقي يا تري ايه الوضع من اول طريق الكريمات لحد ما اوصل للقاهره هل الجو هيبقي مناسب ولا ايه الوضع هيبقي
ارجو الافاده