انت موضوع الهزه ده عندك يا ابو أدم ؟
عرض للطباعة
أيوة يا يا اخى عندي
بس يظهر تعببير (( هزة )) دة لما ا ستخدمناه كان غلط
هى مش هزة فى 2-3 سم افقى مثلا
احنا بنتكلم فى كام مم 2 -3 مم و مش مستمرة ...
وشكلها كدة فعلا من قوة الماتور زي ما الراجل صاحب الموضوع قال
جزاه الله خيرا
كلام جميل ياريت الناس فعلا تهتم بيه وتعمله
انا عن نفسى الهزة عندى موجودة على السلانسيه وكمان والعربية ماشية ... بس على السلانسيه بشوفها بعينى وواضحة بالنسبالى واوقات بتكون زايدة واوقات بتكون معقولة ومش عارفة احكمها امتى بتكون كده او كده ... انما والعربية ماشية طبعا ما بشوفهاش لانى ببقى سايقة لكن بحسها فى ايدى وكل ما السرعة بتزيد احساسى بيها بيزيد ( بتبقى زى vibration كده )
بس على فكرة بقى كلام المهندس ان الهزة بتاعة الفتيس دى موجودة علشان متبقاش موجودة فى جسم العربية نفسه ... انا بقى عندى هزة فى جسم العربية كمان زى العربيات القديمة بس طبعا مش بنفس الدرجة فى القوة يعنى بس حساها كويس ومضيقانى (بحس بيها فى ظهر الكرسى وفى رجلى اللى على ارض العربية ... وسيادة العقيد خالد قاللى انه ركب عربية واحد زميلنا هنا ومكانش عنده القصة دى )
على فكرة انا كنت بسوق لادا ومع ذلك الملحوظات دى مضيقانى بصراحة
ال rpm بيكون على 0.6 ... يعنى فوق شرطة النص بحاجة بسيطة
طيب الهزة اللي في جسم العربية دي من ساعة ما استلمتي العربية و لا ظهرت دلوقتي
بصراحة الكلام دا بالنسبة لي غريب لأن اللوجان بتاعتي و هي عالسلانسية هادية جدا داخل الصالون و ناس كتير بتبقي راكبة معايا و تفتكر ان العربية مش شغالة من هدوء الصالون عالسلانسية
اي نعم انا متفق مع الناس ان صوت الموتور بيبقي مسموع داخل الصلون بعد 3000 ار بي ام و اللي بتبقي سرعة 100 في النقلة الخامسة و دي طبيعة العربية و خلاص اتعودنا عليا
اما حكاية هزة الفتيس دي برده مش موجودة عندي بس انا فاكر في مرة شفت عربية لوجان سيدان و انا بعمل صيانة لعربيتي في و فعلا لاحظت فيها هزة بسيطة في عصاية الفتيس
هو انا مش عارف ليه عندي احساس ان موضوع هزة عصاية الفتيس دا هيكون سببه حاجة بسيطة زي كاوتشة او بنز من اللي بيثبتوا العصاية في الفتيس
ربنا يسهل الحال و بتوع الصيانة يقدروا يعرفوا سبب الهزة دي و يحلوها و بكدا العربية
أنا مش عاوز افتى على قد معلوماتى المتواضعة خاصتا أنى ما عنديش خبرة كبيرة فى ميكانيكا الانجكشن
اعتقد أن الموضوع ده يا اما
ضبط تاكيهات
او العربية عاوزه تعلى سنه عشان كده كنت باسأل العربية على السلانسية بيبقى عدد لفات الماتور كام
او الكهرباء مأخره شويه وعاوزه تتقدم سنه (اعتقد فى عربيات الاسبراتير بيقدمش ومش عارف اللوجان منهم ولا لأ )
حد مأيدنى فى الكلام ده ولا الكلام مش مظبوط
وأن شاء الله مشكلة هيكون حلها بسيط
- انا اتكلمت مع صديق لىّ عنده اللوجان الرومانى وعامل بيها اكتر من 10000 كيلو وقالى موضوع الهزة دية مش موجودة عندى نهائياً وقالى يمكن المشكلة دية ظهرت فى اللوجان المغربى فقط ؟ يا ريت حد يفيدنا هل الهزة دية فى المغربى فقط فعلا واللا فى الرومانى ايضاً
- وركبت مع صديق اخر لسه مستلم شيفورليه افيو زيرو وحطيت ايدى على الفتيس لقيت فيه هزه خفيفة جدا ولما قولتله ايه ده قالى انه اصلاً ما كانش واخد باله من الموضوع ده وانها مش مشكلة اصلاً ..
للاسف مش كل الناس بتفهم الشفافية والمصدقيه اللى يتكلمو بيها