الموضوع: بخصوص كاسيت الافيو

شوف ياسيدي الفاضل انا زهقت من الموضوع دة ودوخت السبع دوخات علشان احل الموضوع دة واخيرا توصلت لحل مناسب .لما اشتريت الافيو لم اجد مكان لمشغل الاسطوانات خصوصا ان التسجيل
(بل تي ان) يعني جزء من ديكور التابلوة زر التشغيل في حتة وقلب الشريط في حتة تانية غير التسجيلات الاخري اللي ممكن تخلعها وتحط مكانها مشغل اسطوانات .ذهبت لادريان في المهندسين قال لي هانركب سي دي تشارج وهانلعب في وش التابلوة (وطبعا احسن حاجة في الافيو هو التابلوة)وهايكلف الكلام دة كلة 3500 جنية طبعا لغيت الفكرة دة ونزلت اشتريت ديسك مان خارجي مشغل للاسطوانات واخذت الباور من ولاعة السيارة واشتريت شريط لتحويل الصوت من الديسك مان الي سماعات السيارة وكل دة علشان ماالعبش في تابلوة السيارة وفي الاخر فشل برضة الشكل العام مش ولابد دة غير ان الديسك مان مش كويس كل مرة بيقطع في الاغاني (بالرغم من الصوت ممتازجدا)
ولغيت اكلام دة لحد ما لقيت (ام بي ثري) علي شكل ولاعة السيارة بياخد الباور من السيارة تلقائي ويحول الصوت من خلال الشريط السابق والشكل العام مش بطال وطبعا احمل علية الاغاني من جهاز الكومبيوتر والاغاني اللي انا عاوزها .

هذة حكايتي مع مسجل الافيو ...والمرة القادمة هاحكي لك حكايتي مع الفوانيس الشبورة بتاعة الافيو

شكرا ياباشا
على المعلومات الجامده دى و فى انتظار موضوع الفوجات لان اخويا معاه افيو وعايز يظبطها

بكام ال Mp3 و منين اشتريته ولك كل الشكر.
ولا تنسى موضوع الفوج لايت

متشكر يا اخي على الرد لكن انا شفت فعلان وش ممكن يركب عليه الكاسيت و هذه صورته في المرفقات

لا كاسيت الافيو ليس به فتحت Aux

بالنسبة الي Mp3 هو علي شكل ولاعة السيارة ويدخل في نفس مدخل الولاعة وبة زراير للتحكم فية وكذلك معاة ريموت شكلة ظريف يعني ممكن تتحكم فية عن طريقين وثمنة 100 جنية دون الفلاش ميموري واللي بة فلاش ميموري داخلي ثمنة 225 جنية وانا افضل الفلاش ميموري الخارجي اللي ممكن تحمل علية افلام كاملة وتشاهدها من خلال شاشة تركبها في السيارة.بالنسبة لحكايتي مع الفوج لايت لما اشتريت الافيو وهي الكوري2007 لم تكن ليها اي كماليات في السوق فقررت اركب اي فوانيس شبورة والسلام بس رجعت في كلامي لاني لقيت ان شكلها هايكون سيئ جدا لحد مانزلت النسخة المصرية ولقيتها نازلة بفوانيس الشابورة(الافيو الاوتوماتيك)فذهبت للتوكيل وسئلت عنها فقالو ثمنها 800 خنية وبالتركيب هاتعدي ال1000 فقلت لية غالية كدة قالو السعريشمل(الفانوسين+السلك(� �لضفيرة)+لمبة المؤشر(داخل التبلوة)+عصا الاشارات الجديدة(مرفق بها زر تشغيل الفوج لايت)ولما سئلت عن الفانوسين فقط قالو ثمن الاثنتن460 دون المرفقات وهم موجدين عند توكيل ابو رواش بس انا سئلت (بطاح ) اللي في التوفيقية قال لي انها هاتنزل عندة قريب بنصف هذا الثمن وطبعا انا هاركبها بمعرفتي وزرها هايكون زر الاسبير اللي بجانب المسجل (علشان الشكل العام)....
وبالنسبة لمكان شراء الmp3 في وسط البلد من عند العجيل والمحلات اللي جنبة

طب هو فيه حد فعلان ركب الوش ده ؟