عرض للطباعة
يا جماعة انا بنوتة وابيض فى المواصلات ما عدا مواصلات الجامعة طبعا وعايزة اركب حاجة تودينى حدائق القبة وترجعنى .. ويا ريت لو مواصلة واحدة
لكن لو مفيش .. عادى اركب مواصلتين او اكتر
ولو حد بس عارف اذا الاتوبيس المكيف 796 بشرطة بيروح حدائق القبة ولا لأ
لأنى كنت بركبة من اربع سنين من ايام الجامعة يعنى وكان بيلف بيا الكورة الأرضية وانا مش قادرة افتكر اذا كان بيعدى على حدائق القبة ولا لأ
ضرورى الله يخليكم متبخلوش علية فى الرد
اهلا وسهلا فى المنتدى
ممكن تحددى منين فى مدينة نصر ومنين فى الحدايق
في ميكروباص 82
أو 81
هو افضل حاجة ميكروباص السابع ودة موقفه عند محطة مترو الحدائق و نهايته عند شبراوى السابع
في ميكروباص (62) من رابعه بيعدى على الحدايق و هو في طريقه الى الزاويه الحمرا
هتركبيه هيكون جي من اول عباس و رايح على امتداد رمسيس
أحسن حاجة....أي سيرفيس لغاية ألف مسكن و بعد كده واحد تاني لحدائق القبة....أحسن ميت مرة من زحمة الميكروباص....
مدينة نصر من عباس العقاد او رابعة او اى حتة فى طريق النصر مش مشكلةاقتباس:
المشاركة الأصلية كتبت بواسطة a.saad
لكن فى الحدائق لسة هسأل فين بالظبط
ممكن تقولى منين اركبة فى مدينة نصراقتباس:
المشاركة الأصلية كتبت بواسطة egyptianmafia
دة حل كويس عشان مش هبدل .. ومشكور على الرداقتباس:
المشاركة الأصلية كتبت بواسطة momohsen
و دة بردة مناسب لية وقريب من عباس بس لسة هتأكد هنزل فين فى حدائق القبةاقتباس:
المشاركة الأصلية كتبت بواسطة aboelsoud
بردة حل مناسب .. بس ان شاء الله مشوارى جمعة او سبت ويا رب تكون المواصلات فاضيةاقتباس:
المشاركة الأصلية كتبت بواسطة egyptianmafia
81 و 82 ممكن تركبيهم من عند مكرم عبيد عند حديقة الطفل اتجاه سيتي سنتر....
مشكور اخ egyptian
المكان فى حدايق القبة هو مترو الدمرداش
لا انتى كدة عايزة تتوهى ونطلع ندور عليكى
:36_1_34[1]:
هتاخدى اى ميكروباص
غمرة او رمسيس ودول كتير جدا فى مدينة نصر
او خدى اى مينى باص برده غمرة او رمسيس
لو خدتى حاجة مكتوب عليها الحدايق هتركبى تانى مترو الانفاق محطتين
بس نصيحة
لو هتعدى الشارع اللى عند المترو عدى بكوبرى المشاة
السلام عليكم
مشكورة كل الناس اللى ردت
المكان فى حدائق القبة كان سكة دير ملاك اللى متفرع من مصر والسودان
الحمد لله انا رحت بالعربية واخدت كبرى الفنجرى وبعدين كوبرى القبة ونزلت على مصر والسودان علطول
حبيت بس افيد عشان لو حد عايز يروح
مشكورة مرة تانية كل الناس اللى ردت علية