عرض للطباعة
السلام عليكم
مش عارف حد شاف الحلقه دى ولا لأ من توب جير
بس الراجل بهدل كيا و ريو بالاخص مع الاعتذار لملكها
ايضا لم تسلم منه هيونداى
شكلها فيرنا بس اسمها اكسنت
يمكن العربيات الى اختبرها محركتها مختلفه
لكن يبقى المبدأ ثابت
كمان اتريق على اسامى عربيتنا :rfds:
قال على عربيتنا "زباله" :whtauwant:
واننا بنشتريها علشان حاجات رخيصه :B4_237:
حد ياخدلنا حقنا :fdsa:
[youtube]http://www.youtube.com/watch?v=LE23umpdYX4[/youtube]
ياعم ده مش عاجبه بى امات وعربيات فى مرسيدس
وبعدين هو لو جه مصر هيبوس ايده وش وظهر لو عرف يجيب عربية فيات 128
الجزء الثانى
خش بقى على الجين تو
شويه واعده
البيكانتو كلام وحش اوى
وجعتنى اوى اوى كلمه ان كلفت فولكس فاجن مبلغ علشان حبه انجكتورز لمحركها الديزل وبالفلوس دى كيا كانت عملت عربيتيين
الجيتز
كويسه بس غاليه زى الاوروبى
ايه الى يخلى حد يشتريها
اخيرا..
قال..
مفيش ولا عربيه كوريه او ماليزيه كويسه
ومش عارف اقول ايه للمنتجين أننا بعد كل ده ملقناش عربيه عدله
وكمان عملو عرييه من التلاجات والغسلات
وقالو دى احسن من العربيات الكورى
واسرع من الريو :stink[1]:
[youtube]http://www.youtube.com/watch?v=Nh40h3wb7QM&feature=related[/youtube]
نفس الكلام هيتعاد زاى باقى المواضيع الى عن توب جير
فعلا دا بهدل العربيات خالص
بس معاه حق
احنا لو اختبرنا ريو زى اللى جربها دى موتورها 1300 هانقول فيها العبر
ولو جربنا فيرنا 1500 ديزل برضه هانقول عليها بلاوى
دا الفيرنا ال 1600 اللى عندنا مابتسلمش من حد :)
بس شفت وهو بيقول عليها Hyundai Accident :) :)
الفيديو دا قديم وبيختبر موديلات قديمه
ياترى بيقول ايه دلوقتى على السيراتو او الكروز او الالنترا مثلا ؟
احلى حاجه في الراجل ده انه كوميدي جداااااااا, انا ضحكت جداا على تعبيراته و كلامه... بس تحس انها مسرحيه... بس مسح بكل الكوري و الماليزي الأرض...ّّ!!!!!!!
هو ميعرفش على سبيل المثال, النيوسيراتو عامله مبيعات في امريكا اد ايه؟؟؟؟؟؟؟؟؟؟
ما شافش ريفيوهات و انطباعات الناس عنها؟؟؟؟
اسمحلي اقولك ان (انا كورنيكوفا) نجمة التنس الفردي المعروفه جداا (قصصها كتير) تملك كيا سييد, و دي تعرف تجيب المازيراتي و الجاجوار و البنتلي مستريح قوي يا باشا...
شوف يا باشا, تقييم السيارات من وجهة نظر (جيرمي كلاركسون) لا ينطبق على ظروف مصر ابداااا, لأنه بيقيم السياره بالسرعة القصوى و التجميع و صوت الموتور و جودة التصنيع جوه و بره و خلافه.... و طبعا ده على حسب ظروف الطرق هناك
تعالى عندنا بقى...
%80 من الناس مستحيييل تجري بالعربيه او تتجاوز 80 - 100كم\س
ناس كتيييير مش فارق معاها صوت موتور عالي او واطي
ناس كتيييييييييير قوي مش فارق معاها التجميع و الجري في كام ثانيه او دقيقه حتى
بعض الناس مش بيفرق معاها الشركه المصنعه او بلد المنشأ (كلها عربيات و خلاص)
ناس كتييييييييييييييير جدااااا بقى مش بيفرق معاها التقفيل و جودته و جودة المواد المستخدمه (كراسي و بيبان و تابلوه و مساند و خلافه)
%60 من السيارات في مصر ما بين كوري و ماليزي بمختلف انواعهم
يعني سيبك من كلامه بما اننا عايشين في مصرنا الحبيبه (ام الدنيا)...
بس خاليني اقولك ان الراجل ده (تقييييل) قوي بره, يعني في ناس بتتابع كل كلامه بل و بتعمل بيه, و في ناس قبل ما تشتري تشوف هو رأيه ايه و على هذا الأساس يشتري (و مش ناس عاديه بس, منهم ناس مشهوره بردو بتعمل برأيه)...
سيبك من الكلام ده و خليها على الله يا باشا...
الراجل ده عجييييييييييييب
بس للاسف مبقتش اقدر اتابعه
الراجل بيتكلم من منطلق مستوى معيشتهم
ومن نوعية ومستوى العربيات المستخدمة هناك
لو احنا عايشين فى نفس الوضع والبلاد كانت افكارنا هتتغير
ماهو مش معقول بعد ما يجرب سيارات لكبار المصنعين لازم لازم
يطلع بنتيجة متشابهة ,عمرك ما هتاكل طبق فول وتطلع بنتيجة
مقاربة لطبق كباب .!!!!!!! :fdsa:
هههههههههههههههههههاقتباس:
المشاركة الأصلية كتبت بواسطة ahmed_su
بس انا عايز اعرف هو ماقيمش السيراتو ليه
اللي هي الشكل القديم
زي اللي مع حضرتك
اعتقد العربيه ده كفيله انها تغير فكرته الي حد ما عن الكوري
هههههههههههههههههههه :)اقتباس:
المشاركة الأصلية كتبت بواسطة ahmed_su
بس معلش .. فلنفترض انك ذواقة ..
و قالولك دوق طبق الفول دة .. هل هتقولهم ايه القرف دة .. دة طبق الكباب احسن ؟؟
لا .. هتقولهم دة اوحش من طبق الفول الفى المطعم الفلانى ..
هل وصل القصد ؟؟ :)
معلش الموضوع قلب اكل فجأة :)
لسه ماجوش فى سيره مأجور و بيكره المسلمين و العرب و الكوريين و محور الشر :)اقتباس:
المشاركة الأصلية كتبت بواسطة kareemhisham
ههههههههههههههههههههههههه :POINTI~2[2]:اقتباس:
المشاركة الأصلية كتبت بواسطة human12
و انه منفسن من شركات سيارات معينة :C_laugh[1]:
انتا بعشق البرنامج ده بس زي ما قالوا الاعضاء ان ده واحد مقضي حياته بيسوق و يختبر عربيات زي ال SLK و الBMW و الفولفو و البوجاتي و اللامبورجيني و الفيراري و الحاجات الحلوة دي و يجي يختبر عربية عادية بموتور 1300 سي سي اكيد مش هتعجبوا امال لو جرب عربية من العربيات الصيني هيقول عليها ايه (مع الاعتذار لملاكها)
و بعدين ماهي العربية اللي بيعملوا بيها فقرة Reasonable price car اوبترا نفس الاوبترا اللي نازلة عندنا في مصر مع بعض الاختلافات في الموتور وسائل الامان و كدة عاااادي
كلامكم كله تمام
بس ده لايمنع انه معايريه صح
يعنى المعاير الى قتل بيها العربيات الكورى والماليزى مش من تأليفه مثلا
انما معاير لازم احنا هنا منرضاش بأقل منها
طبعا سامعكم...بهيس انا
بس يمكن نعرف نقيم و نرفض زيه بعد 10 او 20 سنه
عايزين نعرف رأيه فى التوك توك:36_1_1[1]:
اقتباس:
المشاركة الأصلية كتبت بواسطة baskota
التعليق دا ضحكني بصوت عالي بتاع دقيقتين :pointi~2[2]:
و مش نعرف رأيه و بس - كمان نخلي "ستيج" السواق المجهول الهويه بتاعهم يسوقه في التراك و نقيس المده
انا كنت بحب البرنامج ده جداُ و كنت متابعه و مفوتش حلقة , لحد ما جت حلقة اللادا , اتكلم على كل حاجة فيها و تاريخها و اخيراً ان اتوقف انتاجها فى العالم كله و حتى البلد المصنعة و بتنتج على يد مصريين بيركبو جمال بيان , او كلمة شبيها تريقة علينا , من سعتها مشفتش و لا حلقة تانى
اقتباس:
المشاركة الأصلية كتبت بواسطة m2die4
دا اللي قالوا بالحرف
"“The Lada Riva is still being built today under license in Egypt. Imagine that, a 40 year old Italian design, improved by the Russians and now built by a bunch of Egyptians. I can't think of anything worse than that!”
كلام لاذع بس للاسف حقيقي
حتى لو حقيقى يضايق و حتى لو هى دى طريقته فى التعليق على ايه سيارة متوصلش ان يستهزء بشعب , عصبنى بصراحة و مشفتش ولا حلقة من ساعتها , قديمة الحلقة اصلاً نوعاً مااقتباس:
دا اللي قالوا بالحرف
"“the lada riva is still being built today under license in egypt. Imagine that, a 40 year old italian design, improved by the russians and now built by a bunch of egyptians. I can't think of anything worse than that!”
كلام لاذع بس للاسف حقيقي
لو كل الناس فى العالم ماشية بمنطق حضرتك دة ..اقتباس:
المشاركة الأصلية كتبت بواسطة m2die4
كان زمان البرنامج فلس ..
لو عايز تضايق يبقى اضايق من اللى بيعملوا العربيه ديه لسه و اللى بيجيبوا عربيات صينى يجمعوها فى مصر و يقولوا صناعه سياراتاقتباس:
المشاركة الأصلية كتبت بواسطة m2die4
هوه ده التهزئ للشعب بس اللى بيقوله ده كلا مؤدب جدا
لا مش موضوع يفلس او لا كل ما فى الامر محبتش طريقة الكلام , التعليق على عربية بيكون للضحك لان هو متأكد ان الشركة ممكن تصنع احسن , بس لما يعلق على شعب عايز يوصل لايه ؟اقتباس:
لو كل الناس فى العالم ماشية بمنطق حضرتك دة ..
كان زمان البرنامج فلس ..
احنا بنصنعها لان فى ناس لسه بتشتريها و مش كل الناس عايشة نفس المستوى , عندك كل حاجة من البى ام للصينى المتجمع , معدش قال اشترى , انا معيش غير ثمن صينى اشتريها معايا ثمن البى ام اشتريها , لكن واحد من بلد تانيه يعلق علينا لا معلش , هو البرنامج للسيارات مش علشان يقول الكلام ده , و فى الاول و الاخر دى وجهات نظر , افتكر بس حاجة لو افترضنا انك قبلتو مرة على الحقيقة و سلمت عليه و قلت انا مصرى تكون عارف انت فى نظرو ايه و حيعملك ازاىاقتباس:
لو عايز تضايق يبقى اضايق من اللى بيعملوا العربيه ديه لسه و اللى بيجيبوا عربيات صينى يجمعوها فى مصر و يقولوا صناعه سيارات
هوه ده التهزئ للشعب بس اللى بيقوله ده كلا مؤدب جدا
غريب قوى موضوع الجيتز دةاقتباس:
المشاركة الأصلية كتبت بواسطة normal
ايه الحلو اللى فيها يعنى
ماهى نفس المواتير و نفس الخامات و نفس كل حاجة
هو بجد الناس زعلانه فعلا من الكلام.....ياجدعان كبروااااااااااااااااااااا ااااااااااااااااااااااااا احنا مش فاضيين للدرجه دى
هيونداي اكسدنت
قوية بصراحه
يخرب بيت دماغو
حد يعرف اذا كان قيم النيو سيراتو ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
لأ مقيمهاشاقتباس:
المشاركة الأصلية كتبت بواسطة atrees
تقريباً بعد الى شافه من الكورى و الماليزى
خلاه يبطل يتابع أخبارهم :)
أعتقد الراجل ده والبرنامج مدفوع الاجر خصوصا الحلقة ده من بعض الشركات اللي مبيعتها قلت عشان يأثروا على رأي الناس ويقللوا شوية مبيعات السيارات الكورية المرتفعة في العالم كله .
وكلامه كله تهريج وسخرية ولا يصلح ان نخاطب بهذا الاسلوب اللي مفهوش اي شيء من الحقائق والاحصائيات و .. وكله بيندرج على ضعف الأداء والرفاهية فقط ..
وعموما يمكن الحلقة ده قديمة اوي ومكنتش هيونداي - كيا وصلت للمجد اللي هي فيه دلوقتي . ده تلاقيه هيموت من الغيظ . هيونداي حاليا الرابعة عالميا يعني بينها وبين فولكس فاجن اللي هو طالع بيها السما ده شوية . ولسه ...
بلاش نظرية المؤامرة دي مدفوعله ايه بس هو مصري ولا البرنامج مصري!!!اقتباس:
المشاركة الأصلية كتبت بواسطة tarekabosdera
فعلا العربيات الكورية و الماليزية تعبانة و الناس بتشتريها عشان رخيصة و حكاية ان هيونداي الرابعة عشان سعرها الرخيص مش جودتها
راجل حقاني جدا و بعدين طيب ماهو قال الجيتز كويسة بس تمنها زي البولو فأكيد الل هيشتري هجيب فولكس واجن مش هيونداي كلام منطقي جدا
بس بجد أكتر حاجة ضحكتني "Hundai Accedent" مسخرة هههههههههههههه
اقتباس:
المشاركة الأصلية كتبت بواسطة baskota
ههههههههههههههههههههههههه هه
و الله ما قادر امسك نفسى من الضحك
فيديوهات جامدة و موضوع زى العسل
يا جماعة الراجل ده مش عاجباه الـM5 حلم 90% من الشباب المصرى و قال عليها كلام يسم البدن و انا فاكر انو اتريق فى حلقة على ممثل كان عنده سكودا أوكتافيا. الراجل ده و البرنامج خصوصاً بيتجاهل موضوع السعر خالص إلا فى فقرة معينة resonable price car و زى ما احد الأعضاء قال قبل كده انه جاب الاوبترا.
بخصوص موضوع المصريين و الله انا سافرت دول كتير و بجد أصغر مشاكلنا حتكون مع top gear العالم كله واخد عننا نفس الفكرة يعنى مفيش منتج فى العالم عليه صنع فى مصر حتى القطن خلاص مبقاش ينتج و لا بيتصدر، معندناش حاجة اسمها صناعة أصلاً لا ثقيلة ولا خفيفة يبقى مستنيين الناس تقول علينا إيه، بدل ما نزعل و تقول انهم عملاء و خونة المفروض نصلح العيب اللى فينا و ساعتها هما حيعرفوا غلطتهم.
بخصوص الهيونداى و الفيرنا و الكلام ده، فى حاجة محددة الناس لازم تعرفها انك تشترى عربية 121 حصان بتجرى و بتعمل كل حاجة ب100000 فى حين ان عربية بنفس الإمكانيات ده لو من VW أو BMW حتكون على الإقل بضعف الثمن ده، مش عشان احنا شطار و بنعرف نضحك على التجار بس عشان احنا مستعدين نضحى بحاجات بتنزل من سعر العربية أوى يعنى أكيد انا مش حروح اشترى فانتازيا ب 200000 لمجرد ان الناس تقول انى راكب سكودا و كمان هورس باور اقل بمراحل من الفيرنا مثلاً. فطبيعى جداً انو واحد حياته كلها فى العربيات متعجبوش العربية ده عشان هو بيتجاهل عامل السعر و جزء مهم اوى فى الثقافة المصرية انو العربية الاحسن اللى بتجرى أسرع، الثبات و الفرامل و الأمان و توفير البنزين و التقفيل و كل الحاجات ده ليها وزن عنده بس مالهاش وزن عندنا و ده بسبب اللى قرر ان العربية اللى الحاج BMW بيكسب منها 1000 ج لازم هو يكسب منها 2500 ج.
طيب ما كيا رخيصة وترتيبها متأخر . وسوزوكي رخيصة وترتيبها متأخر . و دايو كذلك وغيرهم كتير . اشمعنة هيونداي . كلامك مش منطقي خالص . وبعدين اطلع على التقارير العالمية وانت تعرف يعني ايه هيونداي حاليا .اقتباس:
المشاركة الأصلية كتبت بواسطة hondawy_2008
ده رئيس شركة هوندا اللي انت راكبها قال قبل كده في حديث صحفي ( هيونداي تمثل اكبر خطر لنا )
هيونداي الافضل كقيمة مقابل المال المدفوع وكذلك تكاليف التشغيل منخفضة على مر السنين .
ده لو الواحد قطعة غيار باظت في عربية هوندا وعايز تغيرها لازم تبيع فدانين ارض عشان تجبها .
الناس بتدور على العربية اللى جودتها عالية وفي نفس الوقت تكاليف التشغيل منخفضة . عشان كده ترتيب هوندا متأخر وهيفضل متأخر طالما قطع غيارها بالأسعار ده .
على فكرة انا بتكلم من خلفية ان عندنا في البيت عربية هوندا . مش كلام هجومي .
أختزلت تأخر مبيعات الهوندا فى أن قطع غيارها غاليه!!اقتباس:
المشاركة الأصلية كتبت بواسطة tarekabosdera
طيب ايه موقف الالمانى الى ممكن تبعله بدل فدانين 10
بعيدا عن الموضوع ليه حضرتك دائما محسسنى ان شعارك
الدين الوطن هيونداى :)))
حوار ودى على فكره :)
موضوع سكر بصراحة وعاجبني
بس يا ريت كل الاعضاء يكونوا فاهمين كويس انه لولا اختلاف الازواق ومستوي الدخل والثقافة العامة لشعب او لاخر لبارت السلع
احنا كمصريين طول عمرنا ركيبة وفاهمين كويس من اوائل القرن البائد واحنا عارفين الامريكي والاوروبي والحاجات التوب دي ولكن مع ارتفاع الاسعا المستمر المدعوم بانخفاض قيمة العملة المحلية وارتفاع الجمارك بالاضافة لاحتكار القلة في سوق السيارات فالشعب مجبر انه يشتري منتجات بعينها علشان امكانياته والمتوفر له في السوق وخلافه ولكن لو الدنيا الضلمة دي اتغيرت انا اراهن ان الشعب المصري هتختلف اختياراته في كل شئ مش بس العربيات لا في كل انواع السلع (احنا شعب نزيه يا جماعة بس فلوسه علي اده)
ويوم ما ده يحصل في ماركات هتختفي من السوق زي ما هيا مسيطرة هذه الايام (يعني لما تلاقي الجولف مثلا ب 100 الف جنيه والهيونداي بقت ب 60 الف تفتكر هتشتري ايه)
وعموما اتمني اعيش لحد ما اشوف ارض مصر اتحررت من الجمارك ومن الاحتكار ومن التكتوك