الموضوع: صوت تزييق مجننى فى اللوجان

المشاركة الأصلية كتبت بواسطة asimo

انا مشترى العربية وعامل بيها 600 كم وبدات اسمع صوت تزييق ناحية الجانب الشمال وبيزيد الصوت مع زيادة السرعة وانا مش لاقيلة تفسير وكل ما اسمعة بيجننى انزل ابص على العربية ملاقيش حاجة افيدونى اعمل اية

نفس المشكلة اللى عندى تماما , انا اول مرة اكتشف فيها المشكلة دة كنت ماشى على 130 على الدائرى وبرضة الصوت كان طالع من الجنب الشمال ورا, وكنت مفروض اروح صيانة الالف علشان الموضوع دة بس راحت عليا نومة وباذن الله على صيانة ال 5000.بس الغريب ان الصوت ساعات بيكون مسموع وساعات تانية لأ.

المشاركة الأصلية كتبت بواسطة mostafabakry

بص يا سيدي

انا كان عندي حاجة زي كدا و هي صوت تزييق بيظهر لما العربية بتكون ماشية و مش لازم تكون ماشي علي مدق لا دا كمان بيظهر و العربية ماشية علي طريق متسفلت كمان
انا معاك ان الصوت دا بيعصب اللي سايق
لو الصوت اللي عندك هو نفسة الصوت اللي كان عندي يبقي بسيطة و الحل عندي

انت هتبص علي الباب الشمال اللي جنبك و تشوف الجزء اللي بيعشق في كالون الباب عشان يقفل و الجزء دا اللي متثبت في قايم العربية هتلاقية عليه شوية تراب عامل زي الطين كدا
هتجيب منديل ورق او حتة قماشة نضيفة و تنضفه كويس
و تعمل نفس الحكاية دي في كالون الباب نفسه من جوا بس بحرص
بعد كدا ممكن تجيب بصابهك حتة شحم بسيطة و تمشيها علي االصباع اللي الكالون بيمسك فيه
و بس
انت ممكن تعمل كدا للأبواب الأربعة و تريح دماغك
و تقولنا عالنتيجة و ان شاء الله هيكون الصوت زي ما بقولك كدا

أنا كمان حجرب الموضوع دة وبأذن الله يحل المشكلة.

المشاركة الأصلية كتبت بواسطة ahmed a.maksoud

هو صوت تزييق و لا صوت صفارة واطية قوى و بتبان قوى وأنت جنب رصيف ؟؟؟

أنا مش عارف احدد بالضبط بس تقريبا بتزيد وانا جمب الرصيف ودة طبيعى لانى لما بطلع الدائرى بكون لازق فى الرصيف على اخر الشمال.لما بقفل الازاز مبسمعش حاجة ابدا.

ايه الحلاوة دة تزييق وعصايه فتيس ترتعش وال يقولك عدى على التوكيل يعنى سؤال هى الناس بتشترى الزيرو لترتاح من هم العربيات والورش وهنا بدل الورش روح للتوكيل ولما تروح يقلك احجز ميعاد انا مش فاضى لك . ياجماعه خليكوا فى العربيات المجربه المتوفرة فى الشارع

المشاركة الأصلية كتبت بواسطة raedegypt

ايه الحلاوة دة تزييق وعصايه فتيس ترتعش وال يقولك عدى على التوكيل يعنى سؤال هى الناس بتشترى الزيرو لترتاح من هم العربيات والورش وهنا بدل الورش روح للتوكيل ولما تروح يقلك احجز ميعاد انا مش فاضى لك . ياجماعه خليكوا فى العربيات المجربه المتوفرة فى الشارع

طب نورنا كده وقلنا نشترى أيه بلاش تبخل بخبرتك
يعنى أيه العربيات المجربة الى نخلينا فيها
ملحوظة : محدش بيروح التوكيل ويقلولوا احجز انا مش فاضى حجز التوكيل بالتليفون

اللانوس وتحذير من احد ملاكها وشوف الناس قايله ايه
http://www.facebook.com/group.php?v=...id=43289999558

وادى النيو سيراتو الى ماليه شوارع مصر
http://www.nilemotors.net/Nile/109619-a.html

يا استاذى الفاضل اى عربية لازم بيكون ليها بعض المشاكل بس المهم أنها حالات فردية