اقتباس المشاركة الأصلية كتبت بواسطة abdo_general مشاهدة المشاركة
يا دكتور احمد صدقني بجد
بالي بيحصل في البلد دي
كتر خيرها انها جت علي قد كده

انت مش شايف كم السرقة ازاي

البلد مافيهاش مجال عدل
كله بايظ

وبجانب دا
معلش في ناس كتير ما بتحبش الكلمة دي
بس انا شايفها صح

العيب فينا كشعب برضه
شعب استهلاكي وسلبي

واستهلاكي بشكل بشع

وعندنا حاجة جامدة اسمها الفشخرة

يعني كله باصص لغيره

اتخيل لما تشوف زبال ماسك n95

وتشوف المناطق العشوائية كلها عليها اطباق دش من فوق

القاهرة بقيت بلد الالف مئذنة والمليون دش

صدقني انا مش مضايق الا اني شايفالناس دي قد ايه بتعذب نفسها

لما شركات المحمول تقول ان رساسل المعايدة بتاعت العيد الصغير تكلفت 45 مليون جنيه

صدقني والله فشخرة

بره هما تخطو الجزء دا من زمان
اكيد هو في كل بني ادم حته فشخرة بس مش بالشكل دا ابدا

وسرقة والحكومة بايظة ومافيش شرطة عدلة

والزراعة باظت والله
دا احنا اساسنا بلد زراعي وعندنا ارض والله مش موجودة في كل العالم

بجد كتر خير البلد انها لسه فيها نفس

قلبت علينا المواجع

انا عارف ان المصريين عندهم داء الفشخره
بس الموضوع فعلا زايد أوي علينا
الناس من حقها تشوف نفسها شويه ..طالما شغالين وطالع عينهم

اقتباس المشاركة الأصلية كتبت بواسطة borgelharm مشاهدة المشاركة
يا جماعة المشكلة في النظام زي ما (برايز) قالها في آخر مشهد في فيلم ثقافي. النظام عندنا مش مظبوط لان النظام هو القادر علي تغيير سلوكيات المصريين . و مشكلة النظام عندنا ان الناس اصبحت لا تثق فيه و ده عيب النظام نفسه اللي وصل الناس للمرحلة دي
النظام زرع في المصريين اللامبالاه و الانامالية و كل واحد يكبر دماغه و عيش نملة تاكل سكر و كل الاقاويل السلبية اللي اصبحت شائعة و اصبحت تمثل لغة الحوار للمصريين
ضاعت مننا المعاني اللي تنمي عزة النفس و القوة و العلم
و في النهاية ماحدش حيغير النظام المصري الا المصريين لان النظام ده طالع من الشعب ده و الاناء ينضح بما فيه -يعني لو احنا كويسين و بنحب بعض حنفرز نظام شبهنا و لو كنا غير كده برضه حيكون النظام شبهنا
لازم احنا نتغير و ما تستهونش بنفسك و تقول يعني انا اللي حغير الكون اكيد طبعا انت و انا و هو و هي اللي حنغير نظامنا
يعني يجب علينا اننا ما نستسلمش للسلبية و الفساد اللي حوالينا و نربي نفسنا و عيالنا زي ما ربنا قالنا و مالناش دعوة بالبلاوي اللي في المجتمع دلوقتي لان تغيير المجتمعات ده بياخد سنين عشان يتم مش حيتم بين يوم و ليلة و لازم نحب بعض لان ده فرض علينا و نحب بلدنا حب حقيقي و نتقي الله في حيانتا كلها و اعتقد ساعتها ربنا حيرضي عننا و يكرمنا ان شاء الله

محمد فهمي
العيب في النظام

كلام تمام