مساء الخير ....
بصراحة يا جماعة أنا مش عارف ايه سبب الأختلاف ده كله على الاسبيرانزا وال m11 .... أنا من ملاك m11 والعربيه معاى بقالها حوالى شهى ونص... وبصراحة العربية عاجبانى جدا وكل يوم بيزيد اقتناعى بيها أكتر من الأول .. يا جماعة أنا عايز الناس اللى بتهاجم الاسبيرانزا يسألوا نفسهم سؤالين : الأول: كام عربية اسيبرانزا ماشية فى شوارع مصر.. مش معقولة كل الناس دى انضحك عليها, احنا شعب مابيسكتش ولو فى حاجة وحشة هتلاقى كله بيتكلم ويصرخ.. السؤال التانى: مش أبوالفتوح ده هو اللى عمل اللانوس وخلى شعب مصر كله يحلف بيها و يقتنع انها من أحسن العربيات.. أنا رأيى الشخصى ان الراجل ده مابيهزرش ومستحيل يغامر بأسمه فى حاجة فاشلة..
أخيرا يا جماعة كل واحد مقتنع بحاجة يعملها.. اللى معاه اسبيرانزا ( وبالذات القمر m11 ) ربنا يباركله فيها واللى مش عاجباه يشترى اللى يريحه .. وربنا يوفقنا كلنا..
د/ أحمد درهوس