أنا أشتريت عربية بروتون جين 2 ملاكي أسكنرية مرور مصطفى كامل ق.م وكان فيها توكيلين غير بتاعي المهم اللي أنا أشتريت منوا واحد زميلي(هو صاحبي من 8 سنين) المهم أنا أشتريتها منوا في شهر 10 اللي فات وكان أخر الرخصة شهر 12 وأنا و هو من القاهرة فقلتللوا خلاص مفيش مشكلة طلاما أنت عارف ان العربية معلهاش مخالفات حتى 6-2009(شهادة المخالفات اللي أشترا بيها صاحبي) خلاص مفيش مشكلة وعلى العموم أديك عارف لما أجي أجيب شهادة المخالفات والبيانات علشان أنقل العربية أديك عارف أني هجيب شهادة مخالفات وأتفقنا على كدا(وبردوا هو لسا لي فلوس عندي) المهم أنا فعلا روحت لنفس المكان اللي منوا نفس شهادة المخالفات اللي أشترا بيها صحبي (مرور مصطفى كامل ق.م لأن صاحب العربية المالك الأول ضابط بحري) فعلا روحتلهم وقلت عايز شهادة مخالفات للعربية دي وأدي التوكيلات والعقد المسجا اللي بأسمي تضاربت الأقاويل بين الموظفتين اللي في نفس المكتبواحدة تقول العربية دي ملفها عندنا(فحص فني-بيانات-نقل ملكية-.......) لكن مخالفتها فالنيابة العسكرية هنا ملهاش مخالفات والست الطيبة التانية ردت قالتلها لأ إذاي دا عندنا كل حاجة للعربية دي المهم الست الأولى كانت شخصيتها أقوى وقالتلي لا ملكش مخالفات عندنا روح النيابة العسكرية(على الرغم أني حاولت أقنعها أن من نفس المكان طلعت شهادة مخالفات قبل كدا قلت خلاص مجتش على المشوار دا يعني جيت من القاهرة وهستكلف أروح المشوار دا يمكن يكون السيستيم أتغير و الموظفة الأولى أتعملها Update والست التانية لسة) وعليها روحت النيابة العسكرية أسأل على المخالفات رئيس النيابة طلع الملف بتاع العربية وإذ فجأة قالي ولا صندوق الدنيا أتفتح وصولات وصولات كلها مخالفات فوق ال 30 مخالفة فـ 100 :150 جنية يعني فحدود 4000 جنية طبعا هو ما حسبهمش قالي تقريبا هتخلص نحسب ولا هتفكر قولتلوا طبعا أنا شاري العربية من شهرين و مخالفتها دي قبل كدا بكتر وكنا جايبنلها شهادة مخالفات فـ 6-2009 فاضية قاللي هات اللي عندك ونشوفوا كانت الساعة بقت حواللي 2.30 فقلت لأ الموضوع عايز فضى و روأاان قولتوا لا نعلق الموضوع لغاية ماشوف الورقة اللي معايا بتاعت مخالفات 6-2009 ورجعت فعلا بصيت على الورقة لقيتها خارجة من عند نفس الست اللي قالتلي ملكش حاجة عندنا المهم رايح انا يوم السبت اللي جاي أحاول أعمل نقل للمخالفات دي لصاحبها إستنادا أن ملكيتي للعربية بعد فترة المخالفات بس خوفي أن الجيش يقوللي ماليش فية لازم تتدفع أه ههحاول من ناحية ومن ناحية تانية أروح للست اللي قالتلي لأ بالشهادة القديمة وأقنعها أن نطلع واحدة تانية ذيها بس الخوف من حاجة لو الورقة دي طلعت ونقلت الملف الجيزة هيعملوا فيها ناصحين وينخربوا على مخالفتها على كورنيش أسكندرية ولا هيبعتوا الملف بس لأن لو جابوا الللي عليها هنا في الملف هتبقى مشكلة ياريت لو حد عندوا رأي يفيدنا بية