سفرية للقاهرة مليئة بالمفاجآت ... لكن الحمد لله
طبعا الحمد لله علي كل حاجة
انا كنت مسافر اوصل والدتي من اسكندرية للمطار واللي حصل بقي كالتالي
بدات السفر يوم السبت علي 3.30 الفجر وطبعا شبورة مالهاش حل ما تشوفش اللي قدامك لكن الحمد لله ربنا ستر لحد ما وصلت للمحور وبعدها الدائري كان في حتة حادثة كبيرة جدااااا بس في الاتجاه التاني مش اتجاهي يعني وكانت عربية مقطورة دخلت في الحواجز اللي بتفصل الطريقين وكانت محملة حجارة والحجارة واقعة علي الارض ... ( نركز في الحتة دي عشان هنرجع لها تاني)
والطريق وراها كله واقف وبين كل عربيتين 3 تلاقي عربيتين لابسين في بعض بسبب المقطورة دي
المهم وصلنا المطار وكل حاجة وطلعنا تاني علي الدائري عشان كنت رايح اكتوبر اوصل اخويا
وحنا راجعين ماشي زي الفل والدنيا نهار الاقي مرة واحدة علي الدائري حتة حجارة كبيرة من اللي كانت واقعة من الحادثة اللي شوفتها وانا رايح الحجارة دي في نصل الطريق هوب اخدتها في الجنب الشمال وستر ربنا ان الحجارة كانت ضعيفة واتفتت وستر ربنا ان العربية اللوجان فعلا عالية
روحت ركنت علي جنب ووبصيت اول حاجة وانا ببص لقيت العجلة الشمال اللي من ناحيتي فسسسسسسسس علي الارض والجنط اتعوج الفوج لايت منور بس وهو بره العربية يعني شاسيهاته اتكسرت الكارتير اللي في العجلة اتقطع من اوله الوصلة اللي بين الكارتير والاكصدام اتكسرت
المهم قعدت مسكت الكوريك اول مرة استعمله اجيبه يمين اجيبه شمال لحد ما وصلت معاه لحل
انه ما ينفعش يتحط من قدام لازم من الجنب المهم غيرت الكاوتش ومشينا الحمد لله الموتور والكلام ده كله والصاجة باعة الموتور وجسم العربية مفيهوش حاجة
رجعت وانا راجع اسكندرية وديتها التوكيل لحد ما بتاع التامين ينزل ويعاين
بقي
واديني مستني المقايسة
انا نزلت معاهم في الورش تحت اللي فهمته هي الحاجات اللي قولتها كلها هتتغير بالاضافة تقريبا للمقص لانه تقريبا اتعوج
بكره هتكون خلصت المقايسة وخدوا 500 جنيه من تحت حساب التصليح عشان يعملوا المقايسة
ولو مصلحتش عندهم هتروح ال 500
الحمد لله انها جت علي كده وجت تحت العربية عشان لو جت في العجل متهيالي كانت قلبت
الحمد لله علي كل حاجة واديني مستني التصليح
