نويت إن شاء الله أشتري سيارة دوجان في حدود من 25 إلى 30
فانصحوني أي موديل أفضل وما هي ميزات الموديلات لكن في حدود إمكانياتي
فما رأيكم
وأريد نصيحتكم ببيان عيوب هذه السيارة وهل هي أفضل أم فيات تمبرا لأني محتار جدا بينهم
أنتظر ردكم
عرض للطباعة
نويت إن شاء الله أشتري سيارة دوجان في حدود من 25 إلى 30
فانصحوني أي موديل أفضل وما هي ميزات الموديلات لكن في حدود إمكانياتي
فما رأيكم
وأريد نصيحتكم ببيان عيوب هذه السيارة وهل هي أفضل أم فيات تمبرا لأني محتار جدا بينهم
أنتظر ردكم
السلام عليكم
اخى العزيز نصيحه من اخ مجرب
اوعا تشترى العربيه دى
انا كان معايا دوجان كنت انا تانى يد بعد اول مالك لها فابريكه برا وجوه وحاجه لووز بس مش هاحكيلك انا اتمرمط ازاى مع العربيه دى ودى كانت شكوى كل الناس الى اعرفهم وركبوا الدوجان او الشاهين ازاى؟؟؟ اقولك العربيه استهلاكيه لقطع الغيار بسرعه رهيبه يعنى تغير المساعدين الى ادام تلاقى الى ورا ضرب على ما تغير الى ورا تلاقى الى ادام ضرب تخلص تلاقى الماكنه بتنفخ على ماتظبط الماكينه تلاقى العفشه سابت والله كانت مأساه على الرغم من ان استعمالى ليها زى مابيقولو استعمال طبيب بمشى كل يوم بيها 33 كم رايح واركنها طول النهار و33كم راجع وادخلها الجراج بس للأسف الى اكتشفته بعد كدا ان رخص قطع غيار العربيه دى مش ميزه لأن مالهاش اعتماديه وبعدين العربيه دى خشنه يعنى تروح بيها مشوار ترجع ايدك واقفه وعضمك واجعك ودماغك وجعاك من صوت الماكينه
انا عارف ان البدائل صعبه فى حدود السعر الى معاك بس والله لو تصبر شويه على نفسك وتجمد كمان شوية فلوس وتركب اى حاجه كورى هايكون احسن ليك مليون مره والله اعلم
شكرا جزيلا أخي الكريم على هذه النصيحة
طيب ايه رأيك أنت والإخوة في فيات تمبرا هل فيها نفس المشاكل أم هي أفضل لأنها في حدود ما معي أو أكثر قليلا
طيب ايه متطلباتك في العربية عشان الاعضاء تعرف ترد ؟؟؟؟
التمبرا احسن من الدوجان او الشاهين من جميع الجوانب
التمبرا ..انعم واهدى واحدث وكمالياتها اكتر وشكل انسيابي اكتر ودفع امامي ..(الدوجان والشاهين ..دفع خلفي ..الكارونه ومشاكلها ) وقطع غيارها اغلى منهم لكن اكتر اعتماديه
اوعى تنسى الكرونة وما أدرااااك
طلباتي في السيارة:
- أنها تكون مريحة وتكون قوية ويكون سعرها لا يزيد عن 30 ألف.
- وعملها هيكون 5 أيام في الأسبوع للذهاب للعمل والعودة والمسافة ذهابا وعودة حوالي خمسين كيلو وأغلبها في وسط البلد العتبة والتحرير لذلك أحتاج سيارة متينة.
- تكون قطع غيارها مش غالية.
- تكون موديل التسعينات إن أمكن.
- تكون مريحة في السواقة.
- تكون عائلية.
وبصراحة أنا محتار بين أنواع كثير، أريد أولا أن ترشحوا لي نوع يتناسب مع السعر المعروض وفيه هذه الإمكانيات ومش مهم أي نوع المهم أنها تكون متينة ، مع ذكر أي موديل من هذا النوع لأن موديل النوع الواحد تختلف باختلاف الموديل
وما هي مميزات هذا الموديل
شكرا جزيلا على هذا الموقع لأني بصراحة أول مرة اشتري سيارة ومحتار جدا في هذا الموضوع ومش عارف أركز على نوع واحد ناس رشحوا لي 131 ، والبيجو 504 ، بس دي موديلاتها السبعينات وأوائل الثمانينات وأخاف تكون خلاص عجزت
وناس رشحوا لي اللادا لكن قالوا مشاكل الأكس بيتكسر وشكلها مش ظريف
والشاهين والدوجان قالوا فيها مشاكل
وناش رشحت لي التمبرا
وبصراحة أنا محتار ومش قادر آخذ قرار دون استشارتكم وأنتم أهل الخبرة
في راي الشخصي ..المواصفات اللي حضرتك طالبها دي تتلخص في عربيتين اتنين هما
اولا .التمبرا .. موديل من 91 الى 99 تقريبا وبتعمل من 27000 الى 35000
ماتور قوي (1600-1400 سي سي )
في منها بكماليات وبدون ..وغالبياتها بتبقى تكييف وباور وزجاج كهربا ..وفيه بعضها تكييف وعدادات ديجيتال
سواقتها مريحه وقعدتها مريحه وعائليه ..وقطع غيارها غاليه شويه (يستحسن انك تسال عنها بنفسك )
ثانيا : الاكسيل ..من 94 الى 98 وبتعمل برضه من 28000 الى 34000 تقريبا
ماتور 1500 ..تكييف وباور وزجاج
ماتور 1300 ..تكييف فقط تقريبا
مريحه ..وقطع غيارها ارخص من التمبرا ..
وربنا يوفقك
اقتباس:
سواقتها مريحه وقعدتها مريحه وعائليه ..وقطع غيارها غاليه شويه (يستحسن انك تسال عنها بنفسك )
غالية و معمرة و متوفرة ولا غالية و مش موجودة و بتستهلك بسرعة زى باقى الفيات ؟؟؟؟؟
و شكراً