لو سمحتم ياشباب المنتدى عايز أعرف رأيكم إية فى الريجاتا وهل هى أحسن ولا الـــ 131
عرض للطباعة
لو سمحتم ياشباب المنتدى عايز أعرف رأيكم إية فى الريجاتا وهل هى أحسن ولا الـــ 131
الاثنين قريبين من بعض الى حد ما - بس انا ارشحلك الريجاتا لاتها تكنولوجيا احدث بالتأكيد .. وعموما اكثر واحد هيفيدك فى الموضوع ده إستاذنا الكبير المهندس / سبعاوى
ألف شكر ليك ياأستاذ إمام ... وأتمنى من م / سبعاوى أنه يفيدنى فى الموضوع ده ........................... أرق وأطيب تحياتى للمنتدى الجميل وأعضاءه واحد واحد
131 أحسن طبعا
لو ال 131 نضيفه جدا و مش محتاجه مصاريف و ايطالي او الماني يبقي ال 131 احسن
ا وعي من التركي علشان مش قد كده خالص و خصوصا الموديلات القديمه.
اما لو مفيش يبقي الريجاتا موديل عالي و تكون 85 حصان و سليمه جدا جدا خصوصا الشاسيهات
بلا جدال الريجاتا بشرط الحالة النظيفة
الريجاتا اوسع بكتير من ال131 سواء بالنسبة للصالون او الشنطة ونظرة واحدة الى صالون وشنطة دى ودى هتخليك تدرك الفرق ، محركها التكولوجيا بتاعته احدث (over head cam) نظام الجر بتاعها اكفأ وارخص واكثر توافرا من ال131، (فتيس ال131 تمنه مش اقل من 1500 جنيه، والكورونا بتاعتها لوحدها مش اقل من 2000 جنيه فى حين ان فتيس الريجاتا بالكورونا بتاعته على بعضه بحوالى 1000 جنيه) ، كل قطع غيار الريجاتا موجودة جديدة ايطالى او المانى مع استناءات بسيطة جدا بعكس ال131 اللى لها حاجات كتير مش هتلاقيها غير استيراد،
فرق الأداء واضح جدا بين الريجاتا وال 131 ، الريجاتا ثابتة وراسية جدا فى السراعت العالية بالمقارنة ب131 ، الى جانب ان محرك الريجاتا ال 85 حصان العادى لو حالته نظيفة بيوصل بيها لسرعة ال160 بدون صعوبة فى حين ان الكلام ده بعيد عن احلام معظم ال131 اللى موجودة حاليا، ده غير ان صوت محرك الريجاتا احسن بكتير من صوت ال131
وفى النهاية برستيج الريجاتا احسن من برستيج ال 131، وموديلاتها اعلى
انا رأييى تخليك فى الريجاتا
بجد بجد أنا مش عارف أشكرك إزاى يابشمهندس سبعاوى على ردك الجميل والمقنع دى وبرده بشكر الأخوه اللى شرفونى بالرد وبشكر أجمل منتدى فى الدنيا .... أنا أقتنعت بكلام م/ سبعاوى وإن شاء الله ربنا يوفقنى أعثر على عربية ريجاتا تكون حالتها جيدة .... مرة تانية ألف شكر ياجماعة