استفسار بسيط عن سخونة من عند دواسة البنزين.
بعتذر لو الموضوع مكرر بس انا مشفتوش الحقيقة ,, بس انا ظهرت عندي سخونة عند دواسة البنزين وبحس بيها عند رجلي جامد ... ياتري يكون سببة اية وللعلم الموضوع ده لسة جديد مفيش اسبوع.
وحاجة تانية بس دي قديمة شوية , اول اما اشتريت العربية كانت الحرارة صيف او شتا بيبقا الموئشر بيبقي قبل النصف بـملي ... بس من حوالي سنة كدة بقت العربية حرارتها تقل اوي في الشتا وخصوصا لو انا بجري علي طريق سريع الصبح بدري او الفجر , مع اني ببقي مسخن العربية تمام قبل ما اطلع ,, وبيني وبينكم ناس كتير بتتريق عليا لمل اشتكي ان العربية بتبرد ويقولولي هو في حد في الدنيا يشتكي ان العربية بتبرد ,, علي اساس ان الشكوي العامة والمتعارف عليها هي السخونة مش البرودة,,,, وانا شخصيا شايف ان الحراره القليلة بتقلل سحب الماتور بشكل ملحوظ وتزيد من استهلاك البنزين بنسبة كبيره ,,,سألت الميكانيكي وبعد ما اتريق شوية قالي ان ده حساس حرارة موجود في الماتور وعشان نغيره محتاج يوم كامل شغل ,, وقالي اقتراح كوميدي جدا هو اني احط كرتونه قدام الريداتير زي بتوع البيجو الاجره كدة :36_1_1[1]:
بالنسبة للعربية فهي لانوس 2 موديل 2001 هاف اوبشن تقريبا بحالة الزيرو الحمد لله.
معلش انا طولت عليكم ياريت اللي يعرف ومتأكد من الحل يرد عليا , شكرا.