هجاويك
1_ لو طلع لك عفريت في يوم هاتعمل ايه؟
هحاول اتصاحب عليه واتعرف عليه اكتر و اكيد انا هعجبه
2_ لو حسيت ان في عفريت موجود في المكان اللى انت فيه هاتعمل ايه؟
بصراحه هشغل قران طبعا او هقرا ذكر او هستغفر ربنا و هستعيذ بالله كده يعنى
3_ لو حد قالك انك ملبوس هاتتصرف ازاي؟
اقوله ربنا يهديك ويشفيك
4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟
هطلع اجرى
5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟
برضه هجرى
6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟
مش هبص ورايا لانى بعمل كده فى الناس
7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟
هدخل تحت البطانيه واشغل قران وانام احسن
8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟
هقف فى البلكونه للصبح
9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟
هحاول اسيبها و اذا ما قدرتش هحاول اتكيف وخلاص
10_ اشتريت عربيه وطلع ان واحد كان مقتول فيها؟
هبيعها
11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟
ولا حاجه هعمل ايه يعنى هشيله بالفوتوشوب
12_ قالولك ان البيت ده مسكون تعالا ندخله هاتدخل ولا لا؟
لا
13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟
مش هدخل اصلا
14_ احكي لنا عن موقف مع العفارين حصل لك وعمرك ماتنساه؟
وانا صغير كنت فى السعوديه و كان البيت كبير و فيه غرف كتير بس كان فيه غرفه دايما بالليل تلاقى الشباك بتاعها بيخبط و بيحصل عليه صوت مرعب
المهم قرايب كانوا بيخوفونى منه وانه عفاريت وكده ومع الوقت بدات اتعود على الصوت بس لما كبرت عرفت انه المعيز هى الى كانت بتخبط فى الشباك
15_ شفت حد ملبوس قبل كده؟
لا
16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟
عادى منا متعود على كده
17_ تقدر تروح بيت مسكون وتقعد فيه لوحدك يوم كامل؟
لا
18_ سمعت قبل كده اصوات خوفتك ؟ امتي ؟ وفين؟
منا قلت فوق
19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
يا عم احنا ساكنين فى بيت خاص بينا مالناش دعوه بحد
20_ تقدر تروح الاماكن دي بالليل لوحدك ومن غير اى وسيله اتصال بالناس :_
1_ المقابر لا
2_ جبل في منطقة بعيده لا
3_ تبقي في مركب في عرض البحر لا
21_ انت خواف بنسبه كام في الميه؟
لا انا الثبات الانفعالى عالى جداا ومش بخاف او بتخض بسهوله
22_ ايه رايك في الصوره دي
دي اخر صوره تم التقاطها في19 ديسمبر سنة 2003 في قصر هامبوتن المسكون ؟
جميله و كانت تبقى اجمل لو كانت الوان
23_ ايه اكتر فيلم رعب بتحبه؟
السفاره ف العمارة :POINTI~2[2]:
المفضلات