-
معلش يا جماعة استفسار
السلام عليكم ورحمة الله وبركاته
انا معايا اوبل 1997 فيكترا 1600
اللى حصل النهاردة غريب شوية ومالقيتش حد فاهمله من الصنايعية
لما بلف الدريكسيون على اخره مابيردش تانى يعنى لو داخل على يوتيرن لازم ارد انا الدريكسيون بايدى هو ميردش لوحدى زى العادى بتاعها
ده ممكن يكون عيب ايه
مع تحياتى للجميع
-
حضرتك فحصت الطرمبه البور ؟
هل هناك تسريب زيت
-
اه فحصها النهاردة الميكانيكى وقالى مافيهاش حاجة
وبعد كده قلى المساعد فيه حاجة فكه قالى كوز المساعد بايظ
غيرته برده نفس الحكاية
مع الشكر للرد والاهتمام
-
يعني فحصت الطرمبه والزيت البور ومفيش مشكله !!؟ غريبه ولا ايه ياجماعه
نشوف الشباب هنا
-
شوف حاله الكبالن بس هي تاثيرها ضعيف
-
اكشف على الزوايا وحالة الكاوتش
-
-
الدريكسيون تقيل معاك ؟؟؟
العربيه فيها كاوتش فاتح أو قافل أو فيها أى مشاكل فى العفشه ؟؟؟
-
3 اسئلة تجاوب عليهم
1- البور ناعم كالعادة ولا اختلف
2- زواية العربية عملة اة
3- اخر مرة لعبت فى العفشة امتة
-
-
معلش اسف للتاخير
الباور ناعم وكويس
اخر مرة لعبة فى العفشة من حوالى اسبوعين وكانت كويسة
بالنسبة للزوايا مضبوطة مافيهاش مشاكل لانى انا رصصت وضبطت زوايا
بس برده نفس العيب
اسف مرة اخرى فى التاخير على الرد
تحياتى
-
يعني فحصت البيض ودا كله وبرضه نفس المشكله!!!!!
-
لا انا مفحصتش البيض انا فحصت المساعدين والطنابير والحاجات دى لكن مجاش جمب البيض
-
خليه يخف شوية على علبة الدركسيون ( قله ياخد بوش العلبة ) و هتلاقى بيضة مش كويسه
-
بس ده اكيد زوايا مفتوحه.. و ممكن يكون زيت الباور زياده عن اللزوم فاهتلاقيه مضغوط جامد .. شوف زيت الباور ممكن يكون زايد عن اللازم ومخلي الدريكسيون مخنوق
-
ممكن يكون بيض المقصات أو الزوايا
-
اكشف على باقى العفشة وحالة الكاوتش
-
Content Relevant URLs by
vBSEO 3.6.0 PL2