الفرنسيين عاملين مظاهرة عشان حصار غزة
بسم الله الرحمن الرحيم
ازيكم يا جدعان عاملين ايه
واحشنى والله
نزلت انا وزميلتى :36_3_18[1]: الاهرامات وركبنا الجمل طبعا بعد رعب شديد من الجمل تقريبا عشان اول مرة اركبه وهى تصوت جامد انا لازم انزل يعنى لازم انزل من هنا لهنا بالعافية لما رضيت :whtauwant:
وانا مروح والدنيا زى الفل الدنيا واقفة وقفة سودا وما يعلم بيها الا ربنا ايه يا جدعان فى ايه قال ايه قال ان الفرنسييين هما عاملين مظاهرة قدام سفارة فرنسا ببص لاقيتهم ماسكين اعلام فلسطين ونازلين هتفات طبعا ما تفهمش حاجة من اللى بيقولوه
الفرنسيين دمهم اتحرق على اخونا الفلسطنين واحنا بنفكر نرص حجر الشيشة بطريقة متقدمة ومتطورة
انا كده كده بحترم الشعب الفرنسى من زمان
نبص بقى على الامن المصرى وجماله اكتر من 27 عربية امن مركزى واكتر من 200 جندى مصرى من بتوع الامن متكدرين قدام السفارة وامن الدولة عمال يشتبه فى اى حد رايح وجاى ويوقف العربيات ومعاهم اسلحة زى الاسلحة بتاعت فيلم Iron man المشكلة بقى يا عينى ان اللى جاى من الكيت كات والوراق (عاصمة جهنم) وقسم امبابة كله واقف من ميدان الجيزة لحد مستشفى حميات امبابة ...
لب الموضوع بقى زنب الناس اللى واقفة دى ايه ؟؟
شاركونا الرأى
اخوكم يوسف