مصيبة التيجو...غيرت الدينامو فى أقل من 5000 كم..!!!!!

البداية كانت من هنا من منتدى الأسبرانزا لما شفت شكر الناس فى التيجو...
و لقيت والدى عايز عربية عالية و مايكنش قطع غيارها غالية ...وشكلها و امكانيتها تكون معقولة..
قمت زى الشملول عملت دراسة للسوق و لقيت الحل الوحيد هو التيجو فى رينج الأقل من 100ألف..
سافرت و جيت وسافرت تانى وجيت لقيت أبويا اتعرض لموقف ...أقل ما يمكن وصفة بانة موقف يحسر الواحد على فلوسة و اخلامة فى عربية نضيفة..كل بيطير فى الهوا...!!!

والدى راجع اخر النهار من أرضنا اللى فى القنطرة...و هيطلع على طريق العريش...هووووب العربية فصلت...اتارى الدينامو فاصل ...و لمبة الدينامو ما نورتش.....!!!

تخيلوا راجل مهندس كبير فى السن لما يلاقى العربية ضلمت علية و هوا على طريق العريش اللى النقل والأجرة طاير علية....!!!!

مهزلة و مهانة..!!!!
والدى اضطر انة يجيب بطارية بالغالى من الحرامية اللى بيستغلو الظروف ...و يشحن التانية...لغاية ما وصل القاهرة...!!

لسة المهزلة الأكبر جاية..!!!

البهوات بتوع أبو الفتوح بيجمعوا فى العربية و عاملين فيها أكبر شركة فى مصر..ما عندهمش الدينامو...
كانت النتيجة ان العربية فضلت فى التوكيل(الغير محترم) 12 يوم...
و عارفين عملوا اية الناس معدومة الضمير..!!
نتيجة زعيق و عصبية والدى المهندس العجوز.... و بعد الخناق.....
فكوا من عربية جديدة الدينامو بناعها...و ركبوه عندنا...و عملو صيانة للدينامو القديمة...و كتااوت..و ركبوها فى تيجو تانية...لصاحب نصيبها......!!!

حد شاف حاجة كده بالذمة.....!!!!

لأ و اية شوية عبال معمصين موقفينهم فى التوكيل..انا يا مهندس كهرباء...أقف و أقول و أنفذ..أحسن من أى واحد فيهم...!!

على فكلرة انا معايا هوندا سيفيك...و بصراحة رغم سلبيات الفطيم(القليلة) بالنسبة للتوكيلات دى..يعتبر مدرسة...فى الشغل و الأدب و حسن الأستقبال..و الدراية الفنية....

سامحنى يا والدى اذا كنت وررطتك فى التيجو..!!

فين ياجماعة الردود...فين الناس اللى كلامها...خلانى أرشح التبجو لوالدى...!!!؟؟؟؟
ومن فضلكم...سيبكم من كلمة ...حالات فردية....
عشان كده الحاجة فردية هتشتكى من طريقة استخدامكم لكلمة فردية...!!!

أول مرة أشوف الموضوع ده

سؤال لحضرتك و بدون إساءة فهم (أرجوك) و بعيدا كل البعد عن التشكيك و لكن ليطمئن قلبي ...

عرفت إزاي إنهم عملوا صيانة للدينمو القديم و ركبوه في عربية تانية ؟

أكرر رجائي بعدم إساءة الفهم ، الغرض من السؤال إزاي الواحد يلاحظ الموضوع ده .

شكرا لعرض التجربة المريرة .

معلش قدر الله وما شاء فعل قول الحمد لله على كل حال وربنا يعوضكم امين:ask:

اقتباس:

---

المشاركة الأصلية كتبت بواسطة col. Eng. Khaled

أول مرة أشوف الموضوع ده

سؤال لحضرتك و بدون إساءة فهم (أرجوك) و بعيدا كل البعد عن التشكيك و لكن ليطمئن قلبي ...

عرفت إزاي إنهم عملوا صيانة للدينمو القديم و ركبوه في عربية تانية ؟

أكرر رجائي بعدم إساءة الفهم ، الغرض من السؤال إزاي الواحد يلاحظ الموضوع ده .

شكرا لعرض التجربة المريرة .

---

لأنهم هما(أبو الفتوح) عرضوا على والدى كده....و لما والدى رفض ...وطلب تنهم يركبوا دبنامو جديد...جابولوا الدينامو دة...و عرف منهم ان الدبنامو تم صيانته و تركيبه فى تيجو تانية...!!!

لا حول و لا قوة إلا بالله العلي العظيم

حمد الله على سلامة الوالد

اقتباس:

---

المشاركة الأصلية كتبت بواسطة col. Eng. Khaled

لا حول و لا قوة إلا بالله العلي العظيم

حمد الله على سلامة الوالد

---

الله يخلبك يا خالد بيه...انا بس كل اللى غايظنى انى كنت فاكر انى جبتله عربية تحفظلة كرامتة و تريحة....
قامت بهدلتة و وريتة ليلة ما شفهاش مع ال 128 اللى من 1988..!!!!

قدر الله وما شاء فعل
معلش هون على نفسك
الانسان مش بيتعلم بالساهل
بس ازاى معاك هوندا واقتنعت بالتيجو؟؟؟؟؟؟؟؟؟؟؟

معلش قدر الله و ماشاء فعل
و حمد الله على سلامة الوالد

انا برده كانت لمبة الدينامو بترعش و اما روحت مركز الصيانة اللى فى اسماعلية قالولى انه عايز يتغير و يعد حوالى 3 أسابيع قالولى انه وصل فرحتلهم و غيرته و الحمد لله شغال كويس
هو يمكن فعلا بعض اللى بيشتغلو فى التوكيل معندهومش خبرة اوى بس يمكن الى اتعاملت معاهم كانو محترمين و التزمو بتغييره بواحد جديد

اقتباس:

---

المشاركة الأصلية كتبت بواسطة baskota

قدر الله وما شاء فعل
معلش هون على نفسك
الانسان مش بيتعلم بالساهل
بس ازاى معاك هوندا واقتنعت بالتيجو؟؟؟؟؟؟؟؟؟؟؟

---

والدى كان محتاج عربية فى المتوسط بتاع التيجو...و مفيش أى عربية من المعروض كانت هتوفى بالمطلوب...
انها تكون عالية عن الأرض..و أسعار قطع الغيار فى الهادى....
والدى بيحمل فى العربية حاجات كتير من مستلزمات الأرض...مع أى عربية تانية من اللى فى نفس متوسط السعر..كانت هتوطى و تموت على الأرض......

الف سلامة علي الوالد و الحمد لله انها جت علي قد قطعة غيار و اديها اتغيرت في التوكيل و في الضمان
انا مش هقولك حالات فردية (مع انها فعلا حالات فردية لأني معايا العربية تمام الحمد لله و اعرف ناس معاهم بقالها 30 و 40 الف كم و ماشية زي ممتازة)
انا بس ليا تعليق صغير جدا: لو كانت السيفيك عملت العملة دي معاك....هل كنت ستهاجم الهوندا بنفس الحماس و الغضب؟
اسمحلي اجاوب بالنيابة عنك........مستحيييييييل
أحنا بنشتري الاسبرانزا و احنا متحفزين لأي مشكلة و مكشرين عن انيابنا(في عقلنا الباطن) لأي مشكلة قد و اعيد "قد" تحدث
فاذا حدثت اقل مشكلة نهاجم و نثور و نقول صيني!!!!
علي اي حال........نصيحة لك ان تبيعها و تشتري شيروكي او اي عربية "انضف و اقوي!!!" و تحمل فرق السعر او جيب مستعمل (و يا ريت تسأل اهل الشيروكي عن مشاكلها و قطع الغيار المستمرة التي تحتاجها,و للعلم انا ركبت شيروكي زمان فترات متقطعة و طلعات جبل و غيره و عارف) و متكونش صيني لأنك لن تتعامل ابدا بحيادية مع هذه السيارة طالما انك بهذا التحفذ ناحيتها

و ربنا يوفقك و يبارك لك في اي سيارة تختارها و يبارك في السيد الوالد

اخوك

العيب مش من العربيه
العيب من اللي بيجمع العربيه
و الله توكيلات عايزه الحرق

اقتباس:

---

المشاركة الأصلية كتبت بواسطة mantoros

الف سلامة علي الوالد و الحمد لله انها جت علي قد قطعة غيار و اديها اتغيرت في التوكيل و في الضمان
انا مش هقولك حالات فردية (مع انها فعلا حالات فردية لأني معايا العربية تمام الحمد لله و اعرف ناس معاهم بقالها 30 و 40 الف كم و ماشية زي ممتازة)
انا بس ليا تعليق صغير جدا: لو كانت السيفيك عملت العملة دي معاك....هل كنت ستهاجم الهوندا بنفس الحماس و الغضب؟
اسمحلي اجاوب بالنيابة عنك........مستحيييييييل
أحنا بنشتري الاسبرانزا و احنا متحفزين لأي مشكلة و مكشرين عن انيابنا(في عقلنا الباطن) لأي مشكلة قد و اعيد "قد" تحدث
فاذا حدثت اقل مشكلة نهاجم و نثور و نقول صيني!!!!
علي اي حال........نصيحة لك ان تبيعها و تشتري شيروكي او اي عربية "انضف و اقوي!!!" و تحمل فرق السعر او جيب مستعمل (و يا ريت تسأل اهل الشيروكي عن مشاكلها و قطع الغيار المستمرة التي تحتاجها,و للعلم انا ركبت شيروكي زمان فترات متقطعة و طلعات جبل و غيره و عارف) و متكونش صيني لأنك لن تتعامل ابدا بحيادية مع هذه السيارة طالما انك بهذا التحفذ ناحيتها

و ربنا يوفقك و يبارك لك في اي سيارة تختارها و يبارك في السيد الوالد

اخوك

---

اقتباس:

---

المشاركة الأصلية كتبت بواسطة romeo_6887

العيب مش من العربيه
العيب من اللي بيجمع العربيه
و الله توكيلات عايزه الحرق

---

مفيش رد على الأستاذ Mantoros غير كما رد الأخ Romeo....
وبلاش نخش فى مقارنات هوندا و غير هوندا...عشان حضرتك عارف ان ده مش هيحصل...
أنا معايا تيجو و مازلت مقدر اختيارى...
أرجو ان حضرتك ياأستاذ Mantoros بدل ما تتفنن فى الردود الساخنة...الدفاعية....
تتناقش فى كيفية رفع كفائة الوكيل....
دايما أى سلعة غير مشهورة...الشركة بتاعتها بتسندها بالعم الفنى و العمالة المدربة مش بتوع قص و لزق...
و علشان أوريك انى باقى على التيجو بتاعتى أكتر من ناس كتير...!!
أنا نزلت التوفيقية النهاردة و جبت أسعار قطع الغيار و خد عندك يا أستاذ ..يا مشارك يا أيجابى فى منتدى أسبرانزا....و أرجو ان ربنا يسامحنى على أى سوء ظن منك لما تقرا الرد بتاعى:

سير الكاتينة--,225 جنية(يغير عند 65 ألف كيلو)
سير الدينامو--75 جنية
فانوس أمامى--375 جنية
مراية يمين أة شمال --250 جنية
شبكة امامية --175 جنية
فانوس خلفى 175 جنية
ظفر الأكصدام الخلفى--100 جنية
فلتر الزيت أو الهواء--35 جنية
مساعد أمامى (طقم بة 2)--450 جنية
دينامو كامل---700 جنية
مارش كامل 425 جنية

كل اللى فوق chery أصلى مفيش حاجة متوافقة و متظبطة...

للمنفعة العامة....و شكرا

اقتباس:

---

المشاركة الأصلية كتبت بواسطة boodimania

مفيش رد على الأستاذ mantoros غير كما رد الأخ romeo....

---

اقتباس:

---

المشاركة الأصلية كتبت بواسطة boodimania

وبلاش نخش فى مقارنات هوندا و غير هوندا...عشان حضرتك عارف ان ده مش هيحصل...
أنا معايا تيجو و مازلت مقدر اختيارى...
أرجو ان حضرتك ياأستاذ mantoros بدل ما تتفنن فى الردود الساخنة...الدفاعية....
تتناقش فى كيفية رفع كفائة الوكيل....
دايما أى سلعة غير مشهورة...الشركة بتاعتها بتسندها بالعم الفنى و العمالة المدربة مش بتوع قص و لزق...
و علشان أوريك انى باقى على التيجو بتاعتى أكتر من ناس كتير...!!
أنا نزلت التوفيقية النهاردة و جبت أسعار قطع الغيار و خد عندك يا أستاذ ..يا مشارك يا أيجابى فى منتدى أسبرانزا....و أرجو ان ربنا يسامحنى على أى سوء ظن منك لما تقرا الرد بتاعى:

سير الكاتينة--,225 جنية(يغير عند 65 ألف كيلو)
سير الدينامو--75 جنية
فانوس أمامى--375 جنية
مراية يمين أة شمال --250 جنية
شبكة امامية --175 جنية
فانوس خلفى 175 جنية
ظفر الأكصدام الخلفى--100 جنية
فلتر الزيت أو الهواء--35 جنية
مساعد أمامى (طقم بة 2)--450 جنية
دينامو كامل---700 جنية
مارش كامل 425 جنية

كل اللى فوق chery أصلى مفيش حاجة متوافقة و متظبطة...

للمنفعة العامة....و شكرا

---

اولا شكرا علي اسعار قطع الغيار و لعلم حضرتك انا قبل ان اشتري السيارة لزوجتي كنت قد عملت بحث كامل عنها و اعرف جيدا كل اسعار قطع الغيار
و انا فقط لم يعجبني صيغة و لمحة السخرية مني في كلام حضرتك و اعتقد ان مداخلتي لك لم يكن فيها اي استهزاء او استفزاز لك بل كانت بكل حب و اخوية و أكره ان يكون ردك بهذا الشكل!!!
و انا لم اقول ان السيارة تجميعها تحفة....انا اقول و قلت مليون مرة ان السيارة ممتازة كصناعة و موتور و عفشة و امكانيات مع سعر رائع...اما التجميع فهو مشكلة محلية و لو حضرتك ركبت البي ام الالماني و المصري و المرسيدس كذلك ستجد ان هناك فرق واضح بينهم (للأسف) فهذه ليست مشكلة الاسبيرانزا وحدها بل هي مشكلة محلية في جودت صناعاتنا و تقفيلنا في مصر كلها
و انا شخصيا اشتريت من ابو غالي لأني كنت عميل قديم عندهم في سيارتي السوبارو و حتي سيارتي البي ام لهم يد فيها و لهذا فهم ممتازين و التيجو معهم ايضا و هم اكثر من ممتازين.
و واضح ايضا ان اسعار قطع الغيار للتيجو جيدة جدا جدا و شوف اسعار الياباني و قارن

علي اي حال ربنا يكرمك في سيارتك و تحافظ عليها و ربنا يديكم خيرها و يبعد عنكم شرها
و أعدك بعدم التواصل مرة أخري في اي مداخلة لحضرتك لأنه يعز علي نفسي طريقة ردك علي

و شكرا و ربنا يا رب يكرمك و يكرمنا جميعا

أخوك

اقتباس:

---

المشاركة الأصلية كتبت بواسطة mantoros

اولا شكرا علي اسعار قطع الغيار و لعلم حضرتك انا قبل ان اشتري السيارة لزوجتي كنت قد عملت بحث كامل عنها و اعرف جيدا كل اسعار قطع الغيار
و انا فقط لم يعجبني صيغة و لمحة السخرية مني في كلام حضرتك و اعتقد ان مداخلتي لك لم يكن فيها اي استهزاء او استفزاز لك بل كانت بكل حب و اخوية و أكره ان يكون ردك بهذا الشكل!!!
و انا لم اقول ان السيارة تجميعها تحفة....انا اقول و قلت مليون مرة ان السيارة ممتازة كصناعة و موتور و عفشة و امكانيات مع سعر رائع...اما التجميع فهو مشكلة محلية و لو حضرتك ركبت البي ام الالماني و المصري و المرسيدس كذلك ستجد ان هناك فرق واضح بينهم (للأسف) فهذه ليست مشكلة الاسبيرانزا وحدها بل هي مشكلة محلية في جودت صناعاتنا و تقفيلنا في مصر كلها
و انا شخصيا اشتريت من ابو غالي لأني كنت عميل قديم عندهم في سيارتي السوبارو و حتي سيارتي البي ام لهم يد فيها و لهذا فهم ممتازين و التيجو معهم ايضا و هم اكثر من ممتازين.
و واضح ايضا ان اسعار قطع الغيار للتيجو جيدة جدا جدا و شوف اسعار الياباني و قارن

علي اي حال ربنا يكرمك في سيارتك و تحافظ عليها و ربنا يديكم خيرها و يبعد عنكم شرها
و أعدك بعدم التواصل مرة أخري في اي مداخلة لحضرتك لأنه يعز علي نفسي طريقة ردك علي

و شكرا و ربنا يا رب يكرمك و يكرمنا جميعا

أخوك

---

اسف على أسلوبى ...بس ده كان رد فعل لكلام حضرتك ..لما قلت...انى ابيع عربيتى ز أشوف عربية تانية أنضف و أقوى...!!
فكان ردى زى ما حضرتك شفت...
أنا كنت عايز أوصل لحضرتك انى متحمس للتيجو زيك..و مش هقول و زيادة...لأن تحمسك هوه اللى زيادة عنى..
المهم نرجع للكلام الموضوعى و هو ان ولا الوكيل ولا مراكز الصيانة بالمستوى المطلوب....
و الشكاوى اللى بتتبعت للشركات الأم...بتيجى بأثر ايجابى على المنتج النهائى سواء فى صورة السلعة أو خدمة ما بعد البيع...
أبلغ مثال هوه البريليانس frv نتيجة لردود أفعال و مراسلات المشترين تم علاج الكثير من الأخطاء عن طريق البفارية.....
المهم أرجو انى ما أخسرش اى حد و ما أخسرش د.شامل ...
و لازم الكل ياخد باله من ان الكلام المكتوب ممكن يوصل انطباعات غير صحيحة...
و دى حقيقة بركز عليها فى المداخلات المكتوبة على أى منتدى...
وربنا يستر طريقنا..
و شكرا

شكرا على الاسعار واانا ليا سؤال لحضرتك ولدكتور شامل قريبى ناوى يشترى التيجو بس محتار لان فى كلام عن ان العفشة وحشة بتحتاج تربيط مستمر وبها مشاكل اخرى ياريت اعرف منكم مشاكلها وشكرا

اقتباس:

---

المشاركة الأصلية كتبت بواسطة mohamed.mostafa

شكرا على الاسعار واانا ليا سؤال لحضرتك ولدكتور شامل قريبى ناوى يشترى التيجو بس محتار لان فى كلام عن ان العفشة وحشة بتحتاج تربيط مستمر وبها مشاكل اخرى ياريت اعرف منكم مشاكلها وشكرا

---

بص يا سيدى ..من واقع التجارب و المشاهدات..المشاكل القليلة اللى حصلت مع الأعضاء:
1-مشكلة قطع مشترك البنزين عند اصطدام أى جسم غريب بأسفل صدر العربية..و دى حسب نصيبك و بتحصل لعربيات كتير غير التيجو..مادام مفيش صاجة حماية من تحت
2-مشكلة الدينامو ..و دى بعد البحث..و السؤال من تحت لى تحت عند أبو الفتوح..اتضح انها موجودة فى دفعة معينة ..و الدليل اختلاف part no للدفعات التالية بالنسبة للدينامو و الكتاوت بتاعتة.
3-مشكلة ترييح الأبواب ..و دى مشكلة تقفيل..و يمكن معالجتها بسهولة.
4-صعوبة فى فتح تنك البنزين و ده فى قليل من وحدات الدفعة الأولى بس...

حكاية العفشة دى ولا أنا ولا أبويا عانى منها رغم اننا أبلغ مثال لأختبار الحكاية دى..لأن والدى بيروح بيها الأرض كتير..و مدخل الأرض زى مبيقولوا معضعض ...و مدق بطول 5 كيلو بيروحو و ييجية فى اليوم مش أقل من 4 مرات...
الخلاصة..العفشة تمام..و محلات قطع الغيار قالولى ان مساعديها غاز..يمكن ده يكون سر النعومة الغريبة اللى بحس بيها وى انا بعدى بيها فوق المطبات و فلنكات السكك الحديد.

بالنسبة لتربيط العفشة..فمفيش عربية بتتجمع فيكى يا مصر الا و لازم كل فترة تتأكد و تربط عفشتها...

شكرا لحضرتك على المعلومات وربنا يباركلكم فيها ان شاء الله

معلش قدر الله و ماشاء فعل
و حمد الله على سلامة الوالد

بس هنقول إيه.....عربية تقفيل مصري صناعة صينية.....

الصينى لايوفر الجودة المطلوبة مقابل سعر مقبول""
عربيات استهلاكية غير معمرة اشكالها جميلة هى دى سياسة الصين فى التسويق
ليه نزعل بقى لما نلاقى كل يوم مشكلة؟؟ونقول كارثة والكلام الكبير دة؟؟؟

اقتباس:

---

المشاركة الأصلية كتبت بواسطة pharonicking

الصينى لايوفر الجودة المطلوبة مقابل سعر مقبول""
عربيات استهلاكية غير معمرة اشكالها جميلة هى دى سياسة الصين فى التسويق
ليه نزعل بقى لما نلاقى كل يوم مشكلة؟؟ونقول كارثة والكلام الكبير دة؟؟؟

---

وحضرتك اية مشكلتك يعنى انت متدايق لية اننا زعلانين وصاحب الموضوع بيقول كارثة والكلام دة انا مش فاهم اية المخزى من مشاركتك العضو متدايق من موقف حصل مع عربية والدة وداخل يحكية عادى وقطعة غيار واتغيرت فى التوكيل زى اى عربية

على فكرة الغالي تمنه فيه و يعتبر رخيص براحة البال و الجودة اللي بيدهالك و الرخيص غالي بقرفه و مشاكله

متزعلش مني مروحش أجيب عربية صيني و أنا مستني منها أداء عربية ياباني أو ألماني مينفعش

اقتباس:

---

المشاركة الأصلية كتبت بواسطة hondawy_2008

على فكرة الغالي تمنه فيه و يعتبر رخيص براحة البال و الجودة اللي بيدهالك و الرخيص غالي بقرفه و مشاكله

متزعلش مني مروحش أجيب عربية صيني و أنا مستني منها أداء عربية ياباني أو ألماني مينفعش

---

انا مستنتش منها أداء اليابانى أنا معايا اليابانى..و عارف الألمانى ....
أنا اخترت المنتج متوافق مع التطبيق ...و قريب من السعرالمطلوب....
أنا لو فلوسى زيادة و مش فارق معايا التقسيط و المعاملا الربوية بتاعة البنوك ..كنت دخلت فى نيسان اكس ترايل ولا فولكس تيجوان...!!!

المشكلة إن الناس بتفتكر إن إللى بيشترى عربية صينى
إستخسر فى نفسه و كان يقدر يشتر عربية بربع مليون جنية بس اسرخص على روحه و جاب عربية صينى.... و كل واحد يقول خليك فى اليابانى أو الألمانى
أو الأمريكانى .
يا جماعة الخير إللى يقدر يشترى يابانى و لا ألمانى عمره ما بيبص على عربيات صينى أصلا
و إللى بيشترى صينى ما يقدرش على تمن الكورى حتى مش اليابانى و الأروبى بس
الموضوع موضوع قدرات مادية لشريحة فى السوق العربيات الصينى بتمثلها الإختيار المناسب
مفيش داعى كل شوية حد قول (ياما حذرنا و ياما نصحنا)
إللى بيحب اليابانى أو الأوربى و يقدر يدفع تمنه ربنا يباركله
بس يسيب الغلابة إللى بيركبوا الصينى فى حالهم.

اقتباس:

---

المشاركة الأصلية كتبت بواسطة h_shahin

المشكلة إن الناس بتفتكر إن إللى بيشترى عربية صينى
إستخسر فى نفسه و كان يقدر يشتر عربية بربع مليون جنية بس اسرخص على روحه و جاب عربية صينى.... و كل واحد يقول خليك فى اليابانى أو الألمانى
أو الأمريكانى .
يا جماعة الخير إللى يقدر يشترى يابانى و لا ألمانى عمره ما بيبص على عربيات صينى أصلا
و إللى بيشترى صينى ما يقدرش على تمن الكورى حتى مش اليابانى و الأروبى بس
الموضوع موضوع قدرات مادية لشريحة فى السوق العربيات الصينى بتمثلها الإختيار المناسب
مفيش داعى كل شوية حد قول (ياما حذرنا و ياما نصحنا)
إللى بيحب اليابانى أو الأوربى و يقدر يدفع تمنه ربنا يباركله
بس يسيب الغلابة إللى بيركبوا الصينى فى حالهم.

---

مش مقياس ان الواحد مش معاة تمن الكورى حتى ولا اليبانى علشان يجيب صينى بالعكس لان العربيات الصينى بتبتدى من 50 الى 130 الف واللى بيشترى عربية مثلا زى التيجو بسعرهاا يقدر يجيب كورى لاكن هو مقنع بالصينى ليلبى احتيجاتة واللى متوفر فية كماليات بنفس السعر مش حتكون فى الكورى

اقتباس:

---

المشاركة الأصلية كتبت بواسطة h_shahin

المشكلة إن الناس بتفتكر إن إللى بيشترى عربية صينى
إستخسر فى نفسه و كان يقدر يشتر عربية بربع مليون جنية بس اسرخص على روحه و جاب عربية صينى.... و كل واحد يقول خليك فى اليابانى أو الألمانى
أو الأمريكانى .
يا جماعة الخير إللى يقدر يشترى يابانى و لا ألمانى عمره ما بيبص على عربيات صينى أصلا
و إللى بيشترى صينى ما يقدرش على تمن الكورى حتى مش اليابانى و الأروبى بس
الموضوع موضوع قدرات مادية لشريحة فى السوق العربيات الصينى بتمثلها الإختيار المناسب
مفيش داعى كل شوية حد قول (ياما حذرنا و ياما نصحنا)
إللى بيحب اليابانى أو الأوربى و يقدر يدفع تمنه ربنا يباركله
بس يسيب الغلابة إللى بيركبوا الصينى فى حالهم.

---

اتفق مع حضرتك ان من أهم الاسباب اللي تخلي الواحد يركب صيني هو المبلغ
بس في حاجة تانية انا ممكن ادفع في عربية صيني 75 أو 80 ألف مع إن ممكن الاقي كوري وبكرر كوري بس لا في يباني ولا أوروبي ولا أمريكي بالسعر ده
نيجي بقة ايه اللي يخلي الصيني في كفة أرجح
أولا الناس ماشفتش منه مشاكل كبيرة مختلفة عن أي عربية تانية يعني زيه زي أي عربي يبقى أيه اللي يخليني ماشتريهوش
ثانيا عربية زي الأكسنت مثلا مع احترامي الكبير ليها وأعجابي الشديد بيها بس الوكيل شايل منها كل حاجة حتى المرايات الكهرباء والوسائد الهوائة وأنا دافع تمنهم مع العربية ده الانزار بتاع العربية السلكة بتاعته باينة من فوق التابلوة شكلها وحش جدا دا انا لو مركب الانزار في محل الاكسسوارات هايكون متقفل أحسن من كدة وبفرض أن ده بيحصل في الصيني - أشك في ذلك - يبقى برضو مفيش سبب معين يخليني أشتري الصيني
ثالثا العمر الافتراضي لسة ماحدش يعرف عنه حاجة بس إلى الان العربيه عاملة 3 و 4 سنوات ولسة موجودة وشغالة مع المحافظة عليها
وآسف على الاطالة

اقتباس:

---

المشاركة الأصلية كتبت بواسطة mohamed.mostafa

مش مقياس ان الواحد مش معاة تمن الكورى حتى ولا اليبانى علشان يجيب صينى بالعكس لان العربيات الصينى بتبتدى من 50 الى 130 الف واللى بيشترى عربية مثلا زى التيجو بسعرهاا يقدر يجيب كورى لاكن هو مقنع بالصينى ليلبى احتيجاتة واللى متوفر فية كماليات بنفس السعر مش حتكون فى الكورى

---

+11111111111111

ربنا يعوض عليك
بس غير المشكلة دي العربية عاملة ايه؟؟؟؟؟؟؟؟؟؟

اقتباس:

---

المشاركة الأصلية كتبت بواسطة mohamed.mostafa

وحضرتك اية مشكلتك يعنى انت متدايق لية اننا زعلانين وصاحب الموضوع بيقول كارثة والكلام دة انا مش فاهم اية المخزى من مشاركتك العضو متدايق من موقف حصل مع عربية والدة وداخل يحكية عادى وقطعة غيار واتغيرت فى التوكيل زى اى عربية

---

اولا انا معنديش مشكلة لانى معنديش عربية صينى ولا بدافع عنها
ومش مدايق خالص لانكم زعلانين اللى يزعل هو حر"" هو صاحب العربية واللى بيشيل اربة مخرومة"""
العضو مضايق """انت شايف انه عادى وان القطعة اتغيرت فى التوكيل عادى
طب لما هو عادى العضو بيقول ليه كارثة لما هو عادى
يظهر انك بتشوف كل حاجة عادى
انت عندك عربية صينى"""