عرض للطباعة
انا عملت حادثة من اسبوع الحمد لله جت سليمة غيرت فانوس امامى شمال وسمكرت الرفرف والاكصدام المشكلة دلوقتى انى جبت فانوس صينى والنور بتاعو ضارب لفوق شوية مش فارش على الطريق قدامى وطبعا كل اللى جاى فى وشى بيضايق من النور بتاعو حد عنده فكره ازاى ممكن اوطى النور اخليه تحت شوية ؟ ولو حد يعرف سعر الفانوس استيراد عشان انا مش مقتنع بالصينى ده خالص
نسيت اقول نوع العربية لانسر بومة 2007
ليه حاجة اسمها رجلاش
عندك اتنين
واحد يمين وشمال وواحد فوق وتحت
بتعمل الرجلاش وانت قايد الواطى مش العالى
ممكن تظبطه
تقرب من حيطه
تعلم قدام اللمبة
تبعد شوية تقريبا 10 متر
تظبط الرجلاش بحيث ان مركز النور يكون مكان ما علمت
ده اللى فاكرة
شكرا على الرد يا باشا بس الرجلاش ده مكانه فين يعنى ورا الفانوس عند اللمبة وبيتظبط ازاى
إفتح الكبوت هتلاقيها جنب الفانوس وبتتلف بمفك عادة غالبا (معرفش مكانها بالظبط في اللانسر بس هتلاقيها بسهوله)
انا حاولت ادور دلوقتى ماوصلتش لحاجة بكره الصبح ان شاء الله فى النور ابقى اشوفها
والف شكر على الرد
لو الفانوس اللى عندك مش اصلى هتلاقيها فى ارخم مكان ممكن , فى الفانوس اليمين هتبقى على الشمال من تحت وفى الفانوس الشمال هتبقى على اليمين من تحت ومش هتعرف تجيبها بمفك لازم يكون معاه مفتاح 13 وتزنق ايدك وتحركها
لو ملكش خلق للحاجات دى روح لكهربائى يعملهالك اسهل لأن فعلا مكانها رخم قوى قوى , لما طلبت اعملها فى التوكيل المهندس قالى بعد الصيانه مش لاقيين الريجلاش بتاع الفانوس ولما رحت لكهربائى يعملها بقا عمال ينفخ وطلع من هدومه على ما ظبطها
ربنا يطمنك :) هاروح اعملها النهارده ان شاء الله بعد الشغل
أمال الرجلاش بتاع الفانوس الأصلي حتبقى فين ؟