لا تعليق ....!!!!

**lovedbaby** · 29-12-2009 02:12 AM

هما عملو كدة لأنهم مش عاجبهم كلام الراجل اللى قدامهم اللى المفروض على كلامهم انه راجل وطنى ومفيش زيه فى العالم كلو و ... و.... و......
يعنى بيقلو من قيمة الراجل ومن قيمة البرنامج ومن قيمة نفسهم

**Eng_Mostafa_89** · 29-12-2009 04:54 AM

المشاركة الأصلية كتبت بواسطة lovedbaby

أنا آسف مرة تانية الصورة تانى

لا تعليق ......

ههههههههههههههه
دة ماسك الكارت بالمقلوب

**Egyzizo** · 29-12-2009 08:41 AM

لأ .. كده صورة مش هتنفع محتاجة نشوف الموقف نفسه علشان نعرف تحكم ، بس بينى وبينك طالما فيه اجماع منهم على تغطية الوجه يبقى أكيد الموقف يستاهل ..

**nab!l** · 29-12-2009 09:09 AM

مش فاهم حاجة

**ahmed4000** · 29-12-2009 10:04 AM

ايوه طيب هو قال ايه اصلا علشان يضحكوا كده
بصراحة مش حقدر اقول حاجة لغاية لما نعرف كانوا بيقولوا ايه

ومعلش مين اصلا خالد غريب وهو احبط ازاى اغتيال السادات؟ هو مش مات برده؟

**adel1414** · 29-12-2009 10:28 AM

المشاركة الأصلية كتبت بواسطة Terrible_DaRsH

هما عملوا كدا ليه يعنى ؟ برنامج زبالة و انا اخدت قرار متفرجش عليه قيا ريت حد يقول هما عملوا كدا ليه ؟

**lovedbaby** · 29-12-2009 10:32 AM

المشاركة الأصلية كتبت بواسطة Egyzizo

لأ .. كده صورة مش هتنفع محتاجة نشوف الموقف نفسه علشان نعرف تحكم ، بس بينى وبينك طالما فيه اجماع منهم على تغطية الوجه يبقى أكيد الموقف يستاهل ..

المشاركة الأصلية كتبت بواسطة ahmed4000

بصراحة مش حقدر اقول حاجة لغاية لما نعرف كانوا بيقولوا ايه
ومعلش مين اصلا خالد غريب وهو احبط ازاى اغتيال السادات؟ هو مش مات برده؟

الراجل ده اتولد في بيت بيبعت السلاح لعمر المختار المناضل الليبي - احبط محاولة اغتيال الرئيس السادات اثناء جنازة يوسف السباعي - واحرق محكمة العدل الدولية في لاهاي - وخطف طائرة هولندية - اكتشف محاولة اغتيال الرئيس مبارك في اديس ابابا في 94 وحذر منها قبلها ب 6 اشهر) الراجل بيحكي وكانه قاعد وسط اهله في البلد وفي اللقاء معاه مسدس عمر المختار
ودى لينكات لتحميل الحلقة كلها
Mehwer.Greeb.By.Mr.adrynoo.4ALZ.rar

MEGAUPLOAD - The leading online storage and file delivery service

http://www.2shared.com/file/10242104/89bee385
/MehwerGreebByMradrynoo4ALZ.html

**I.S.L.A.M** · 29-12-2009 10:51 AM

اكيد من كسوفهم المايكب وقع من وشهم وحبو يدارو
عالم فى غاية السفالة

**ahmed4000** · 29-12-2009 01:25 PM

المشاركة الأصلية كتبت بواسطة lovedbaby

الراجل ده اتولد في بيت بيبعت السلاح لعمر المختار المناضل الليبي - احبط محاولة اغتيال الرئيس السادات اثناء جنازة يوسف السباعي - واحرق محكمة العدل الدولية في لاهاي - وخطف طائرة هولندية - اكتشف محاولة اغتيال الرئيس مبارك في اديس ابابا في 94 وحذر منها قبلها ب 6 اشهر) الراجل بيحكي وكانه قاعد وسط اهله في البلد وفي اللقاء معاه مسدس عمر المختار
ودى لينكات لتحميل الحلقة كلها
mehwer.greeb.by.mr.adrynoo.4alz.rar

megaupload - the leading online storage and file delivery service

http://www.2shared.com/file/10242104/89bee385

/mehwergreebbymradrynoo4alz.html

بصراحة دى اول مرة اسمع عنه وعم تفاصيل العمليات دى، وده كان شغال ايه؟ وايه حكاية خطف الطيارة وحرق محكمة العدل دى؟
اعذرنى بس بصراحة لو واحد بيعمل كل ده يبقى سوبر مان فازاى عمرنا مسمعنا عنه قبل كده

**خالد** · 29-12-2009 01:56 PM

الراجل ده كان فى الصاعقة المصرية
وزى ماقالوا أخواتنا أنه من بيت وطنى 100 فى 100 لأنهم كانوا بيخزنوا السلاح وبيبعتوه للمقاومة الليبية من بيتهم فى الفيوم
الراجل عمل بطولات كبيرة جداً مثلاً خطف طيارة هولندية بدون سلاح ولا أى حاجة مجرد ورقة مكتوبة دخل بيها على الطيار أن الطيارة مخطوفة ... ثم بدأ التفاوض معاه على مكان نزولها حتى نزل بيها تقريباً فى ألمانيا (مش فاكر قوى) وكان عاوز يبعت رسالة للعالم بخصوص ظلم وجبروت إسرائيل وأمريكا
ودخل محكمة العدل الدولية بمزاجه بدعوى أنه أرهابى وبرضه علشان يوصل صوت العرب للعالم
ولما لم يستمعوا له جيداً ، خرج بره المحكمة وفيه كشك للحراسة بالخارج قام مولع فيه
أتحبس فى السجن ، وحاولت القاعدة تجنيده وهوة فى السجن ولكن لم يوافق ، فمندوب تجنيده قال له طيب بكرة تشوف حسنى مبارك هايموت بعد شهور وبره مصر ، ومن هنا طلب الأتصال بالسفارة المصرية وقال وحذر من اللى هايحصل بره وبالتالى السفارة أخدت الإحتياطات اللازمة
وبعتوا من مصر سيارة مصفحة فى أديس أبابا وفشلت محاولة الإغتيال
الراجل ده عظيم جداً بجد
بس للأسف الشديد مقدمى البرنامج هما اللى مش كويسين خالص ودى مش أول مرة يعملوا كده مع ضيوفهم سواء تليفونياً او موجودين بالأستوديو
والحكاية بأختصار أنهم بيستهزأوا بالراجل ده وأعتبروه أنه القرموطى وبيحكى حكايات فشنك
أو أبو العربى ، وبيقولوله أيه ده أنت سهل قوى كده أنك تقابل المسئولين فى مصر والعالم كله؟
ومن كتر الضحك اللى ماسكهم وهيقعوا على الأرض من الضحك بيداروا وجوههم من الكاميرا!!
من راجل وطنى صرف وأحسن منهم تلاتين ألف مرة ، مش بقولك مذيعين مش كويسين خالص!!!
اللى بيعجبهم يفضلوا يمدحوا فيه ، واللى مش عاجبهم يخسفوا بيه الأرض !!