طبعا فيلم يسوء سمعة كلية الفنون الجميلة و طلبتها ... و الكلام إللى فى الفيلم مش بيحصل طبعا ..
منك لله ياللى فى بالى!
عرض للطباعة
طبعا فيلم يسوء سمعة كلية الفنون الجميلة و طلبتها ... و الكلام إللى فى الفيلم مش بيحصل طبعا ..
منك لله ياللى فى بالى!
على فكرة يتم الصرف على الازهر من اموال هيئة الاوقاف المصرية وبعض التبرعات
بالنسبة للفيلم عيب ان احنا نتكلم على الزبالة دي أسف على اللفظ وربنا يهدي فاروق حسني :Ka_che1[1]: يهديه ويتجوز :shyy:
اصفخس على خالد يوسف و افلامه .
دول قوادين مش مخرجين , حد شاف اعلان فيلم كلمنى شكراً ؟
لم اكن اتصور ردود الافعال لهذا الموضوع تكون بهذه الصورة وبهذا العدد ولكن الاجمل هو طبيعة ردود الافعال نفسها والله شئ يفرح ان الاغلبية ماتزال على قدر عظيم من الايمان بالله والخوف منه او على الاقل يتحلون بالعقول السليمة والفطرة النقية التى تابى ابدا ان تنتشر الرذيلة والفاحشة باسم الفن والابداع كما يتشدق العلمانيون والمتاسلمون ولقد شعرت اننا والله مازلنا بخيرونسال الله عز وجل الا يؤاخذنا بما فعل السفهاء منا ونبرا اليه منهم كما قال الله عز وجل فى سورة الاعراف (واذ قالت امة منهم لم تعظون قوما الله مهلكهم او معذبهم عذابا شديدا قالوا معذرة الى ربكم ولعلهم يرجعون فلما نسوا ما ذكروا به انجينا الذين ينهون عن السوء واخذنا الذين ظلموا بعذاب بئيس بما كانوا يفسقون)
وتقبلوا تحياتى
??????????????????? ميين هههههههههههاقتباس:
طبعا فيلم يسوء سمعة كلية الفنون الجميلة و طلبتها ... و الكلام إللى فى الفيلم مش بيحصل طبعا ..
منك لله ياللى فى بالى!
مفيش تعليق دى حاجة تكسف بجد ,ما ينفع نسكت عن الحق , دى مناظر , عشان الارباح بقينا ننتج اى حاجة مش مهم دماغ الناس تتلوث بالافكار المغلوطة و الاخلاق الفاسدة ,حسبى الله و نعم الوكيل فيمن يفسدون الاجيال , ربنا هيسال كل واحد عن عمره و مرة تانية عن شبابه فيما افناه و عن ماله فيما انفقه (اكيد ان شاء الله مش على الافلام دى) ,
((و ما خلقت الانس و الجن الا ليعبدون)) العبادة صلى صوم و عبادات تانية عارفينها , نجى (للعمل) الهوا نفسه عباده طبعا محدش يقول انى يغنى عن الفروض (معلش يا جماعة سامحونى عشان سمعتها من البواب لما سالته مجيتش تصلى الفجر ليه يقولى بلمع العربيات " وبعدين مش العمل عبادة " مرارتى اتفقعت والطحال كان هينفجر ) اه العمل بالنسبة لفيلم بالمستوى المنحدر ده الباين من اعلانه , هل ده عمل يعتبر عبادة يعنى العاملة بيتقرب به للخالق سبحانه , الناس البتعمل مثل هذه الافلام تفووق بقى افلام جريئة و برعاية وزارة الثقافة == يعنى يقولوا فيلم ثقافى و يخلوهم صرحه , و الله انا خايف على ولادى و مراتى ال لسه مجوش ..
انا لا مؤيد ولا معارض و لا كسبان منهم حاجة
بس انا مؤيد لحرية الرأي و التعبير بدون حدود و ضد اي محاولة لقمع اي رأي و تعبير
و الناس لها حق التقييم و رفض او قبول و اللي مش عاجبة حاجة ميشوفهاش يا سيدي، لكن انا ممكن اتفق ان مفروض الإعلانات لا تحمل اي دلالات ممكن توضع تحت بند المشاهد الغير المقبولة للصغار
و لكن ليس لأحد حق المنع تحت اي بند حتي لو كان واحد بيحرض علي الإرهاب أو الكراهية
يعني زي ما أنا قابل حرية الرأي لبن لادن اللي في أقصي اليمين كمان قابل حرية الرأي لأي واحد ربما يراة الناس منحل
و بس
أتمني يكون رأيي وصل للناس
قصدك يعني ضميرنا و نخوتنا و خجلنا العربي الشرقي المسلم الجميل يأخدوا أجازة!!!
يعني ايه حضرتك _مع احترامي لشخصك و عقلك كأخ_ ضد سياسة المنع!!!
يعني مفيش حاجة تتمنع ولا تتفلتر ولا تنقح خالص!!مفيش ضوابط لأي حاجة!!تعرف كان في واحد قريبنا زمااااااان و احنا عيال برضه بيقول نفس كلامك ده و بينفذه مع ابنه و بنته..و سايب ابنه ولا يمنعه من عمل ي شيء بحجة انه الواد لازم يتعلم من غلطاته و يجرب علشان يطلع واد خشن و مطقطق كده و فله و البنت كانت عادي تحظى بالرعاية و الحب و دفء الاسرة...
مرة قابلناهم في المصيف و كنا كلنا عيال..راح لعب و حضن كلب معفن جربان من الشارع كأي طفل جريء وابوه ما نطقش لغاية مارجعلنا العشة(كنا في راس البر) و الكلب كان مسعور و هبشه في رقبته و رجل هدومه كلها دم و يصرخ و جريوا بيه عالمستشفيات و حقن و غرز و حكاية و أمه قلبها هيتقطع عليه..و مرة تانية قرر يتسلق نخلة و وقع للأسف و قعد متجبس شهور........كل ده لأنه مفيش منع و لا توجيه
تعالى شوف اخته أصغر منه اتخرجت من تجارة بتقدير جيد و تزوجت و انجبت طفل جميل و لسه البيه أخوها في تجارة برضه للسنة التاسعة يمكن عالتوالي !!!!!!!
طيب ليه ما يبقاش فيه منع ما دمنا بلاد جميلة متدينة أو مش متدينة حتى يا سيدي لكن عالأقل محافظة شرقية مازال الرجل فيها شهم و البنت عفيفة خجولة تتمسك بشرفها و قيمها لتهديها لزوجها حلالها...ليه عايزين ننسي الناس انها تكافح علشان تتجوز و الأهالي يشتروا جهاز بنتهم و الفرح يتعمل و الأصحاب و الأقارب ييجوا و يحيوا و يسهروا للصبح أحلى فرحة..........
ليه عايزينا فعلا نبقى مسخ !!! لا احنا شرق ولا احنا غرب !!! طيب بتقول العالم الحر بطل المنع و النتيجة كانت ايه!!طيب ما هما غيرنا اساسا في كل حاجة..هما ما عندهمش تحرش جنسي جماعي في الأعياد..معندهمش بنت بقى عندها تلاتين سنة ولسه عذراء و بتموت لو حكت في راجل حتى في اتوبيس و تتحرش بالرجال أكتر ما يتحرشون بها..ما عندهمش مشاكل فقر و فوضى و قهر و امن مركزي زينا..ما عندهمش تعليم ممل و عقيم زينا..و غيره كتير
غير كده الغرب اللي ما بيمنعوش زي ما بتقول بيتصرفوا في اطار تربيتهم و ثقافتهم يعني الأب ما يقدرش حتى يوبخ أولاده أو يضربهم حتى لو ضرب ما يعورش زي أي أب نفسه أولاده يكونوا احسن ناس..ما يقدرش يمنع بنته انها تمارس الجنس مع اي شاب لمجرد انها تمت 16 سنة مش احنا اللي الست بتعدي الخمسين و الستين و تروح تبوس ايد ابوها و تقول (و اخفض لهما جناح الذل من الرحمة و قل ربي ارحمهما كما ربياني صغيرا)..........
مش عاجبك من الغرب غير انهم ما بيمنعوش!!!!! يعني ما نمنعش ابنائنا لو دخلنا عليهم و لقيناهم بيشاهدوا فيلم اباحي!!مش هنمنع بناتنا لو شفناهم في الشارع طالعة من مدرسة اعدادي و مستنيها واد بلا ضمير و يقولها وحشتيني و يشبكوا صوابعهم في بعض و يتمشوا و الله اعلم هيعمل معاها ايه تاني!!!
هل انته شايف اننا لازم نكون زي العالم الحر اللي ما بيمنعش و نلاقي واحدة بتتزوج كلبتها أو حتى بتتزوج نفسها لأنها لم تحب أحد اكتر من نفسها زي ما قالت واحدة في المانيا!! نعمل قوانين تسمح بالبغاء و الدعارة و مقاهي التعري و نسمح بزواج نفس الجنس من بعضهم و نصرح بالشذوذ ولا نمنع شيء لا في الفكر ولا العمل ولا الابداع ولا السينما و عادي لو صورة رائعة لأمرأة تمارس الجنس فازت مثلا بجائزة الدولة للفنون لأنها فعلا مرسومة بابداع!!!!!!
لا يا عزيزي.........كل واحد بيسمح او بيرفض ما يتناسب مع قدراته و دينه و طباعه و عاداته و ظروفه....و اعتقد ان العالم الحر اللي بتحكي عنه برضه بيمنع و بيمنع كتير و بيتهض الاسلام و الأقليات و بيقتل في العراق و افغانستان و بيحارب ايران و سوريا و في نفس الوقت بيطاطي لكوريا الشمالية..بيمنع بناء المأذن في سويسرا و الحجاب في تركيا و فرنسا و بيقولك تعمل ايه و ما تعملش ايه.....و من أول لحظة بوصل اوروبا أو امريكا لازم تعرف لستة الممنوعات و المباحات...........
لا وألف لا لمشاهد الاباحة و العري و القمار واساءة الأدب مع الله سبحانه و تعالى عما يصفون و مش هتغيرونا مهما عملتوا......
لأننا (((لحمنا مش رخيص أوي زيك يا عالم يا حر))).............
الحمد لله , بلدنا بخير طالما لسه فيها شباب عنده غيره على دينه وعرضه
ربنا يباركلنا في شرفاءنا ويزيح عنا سفهاءنا
كل مجتمع و ليه ضوابط بتحكمه - مفيش حاجة متسابه علي الاخر حتي المجتمع الامريكي و الاوروبي ليه ضوابط
هنا في المنتدي علي سبيل المثال المواضيع بتتراقب و بيتشال الكلام المسيء و السباب و كل دة هل من الافضل ان المنتدي يبقي متساب من غير رقابه و كله يقول اللي هو عاوزة و هل لو بقي كدة حد هيأمن علي اخته او ولادة انهم يدخلوا عليه
احنا كمجتمع شرقي - و مش هقول اسلامي لان اللي مسموح بيه و اللي بنشوفه مش بيقول اننا مجتمع اسلامي - لبنا ضوابط و تقاليد و قواعد زي الريف الاروبي مثلا و الريف الامريكي موضوع فقدان العذريه و الجنس مش مباح للاخر زي ما الافلام بتصورة
الافلام دي بتسيء للمجتمع اكتر ما بتفيدة واحد عايز يكسب قرشين يجيب شوية بنات و يقلعوا و يقول قضية و حريه تعبير و هو و لا بيناقش قضية و لا حريه تعبير هو عايز يجمع فلوس بارخص اسلوب و دي برضة مشكله الافلام الاجنبي انها بتنقل صورة مش مشابهه للواقع
يعني فيلم زي حين ميسرة لما حد بيشوفه من خارج مصر هل الفيلم دة مفيد لينا كشعب مصري
هل هو بيشرح حاله الغالبيه العظمي من الشعب المصري
فيلم بالالوان الطبيعيه هل بيعرض ظاهرة و لا بيعرض حالات شاذة عن المجتمع
فيلم عمارة يعقوبيان هل قضيه الشذوذ حالة مستفحله في مصر يعني المفروض في القصة انها بتقدم شارئح من المجتمع المصري هلي الشذوذ بقي شريحه من المجتمع و انا برضة مش بتكلم عن الفيلم و بس انا بتكلم عن القصة كمان
و لو اتكلمت يقولك انت عايزنا ندفن راسنا في الرمل معنه بيتكلم عن حالات تعتبر شواذ عن القاعدة في مصر مش هي القاعدة علشان نناقشها
في النهايه احلي حاجة في الموضوع دة ان كلنا بنتناقش باسلوب كويس يعني من المواضيع القليله في المنتدي اللي وصلت ل 6 صفحات و الحمد لله محدش اتخانق مع التاني ربنا يستر
أنا معاك و أؤيد كل كلامك بقوة........
انا كواحد حاليا برة مصر...لو واحد شاف فيلم زي حين ميسرة ولا الريس عمر حرب ولا عمارة يعقوبيان ولا غيره كتير من الأفلام المعتمدة على الشهوات و العري و الجنس وخلاص بلا مضمون ولا هدف ولا حتى متعة للمشاهد هيقول علينا ايه و هيبص لبلدنا ازاي؟؟
هل ده هيكسبنا احترام و لا هيغير واقع مر ولا هيحرك مشاعر!!بالعكس هيثير اشمئزاز الأسوياء و الشرفاء و هيحرك غرائز المراهقين وهيزيدهم ضلال و تفاهة و سفه و تخلف...
ماذا يفيد المجتمع انه يقولك في فيلم حين ميسرة مثلا في بداية لفيلم للأسف لم نستطيع تصوير الواقع لأنه مؤلم جدا عما قمنا بتصويره!!ايه المبالغة دي و الكلام الفارغ ده!!و بقيت السياق كله ما بين مشاهد اغتصاب أو جنس بين اطفال الشوارع و عيال مش عارفين ولاد مين و رقص و سفالة و انحطاط و بعد كده ظلم واستبداد من الشرطه و قهر و اخيرا المنطقة العشوائية تولع باللي فيها اللي المفروض مصريين بس في داهية يروحوا......
و كذلك الزفت عمر حرب اللي و الله محد فاهم ايه المقصود منه و تصويره لنوادي القمار اللي برأيكم كام واحد في مصر كلها اصلا وهل هيه فعلا دنيا وعالم يستحق البحث!!و المشاهد المختلفة للعري و ايحاءات ممارسة الجنس لأبطال الفيلم و الأصوات و الاهات و كل ده ماذا اضاف للمشاهد غير الابتذال........
عمارة يعقوبيان اللي صور ابشع الصور للمصريين من الفساد و الرشوة والتطرف و الفقر و الكراهية و الحقد و البغاء و الزنا......
انه الربح المادي فقط ولأن الجسد من اكثر الوسائل للربح فلا مانع من استخدامه عمال على بطال.........
لا تقولي رسالة ولا هدف ولا ابداع ولا حرية......الحرية لما تبئى زي الأفلام دي تبقى وقاحة و قلة أدب..........
و كلكم شفتم الدعاية بتاعة ميلودي (الحقيقة وراء تايتانك) وشفتوا تهامي باشا لما بيقوله(شكلك كده عايز تعمل فيلم في لحمة كتير.......قولي...) و رماله فيلم لحم رخيص و قاله (خد لحمة يا وديع...صور ده)......و رد عليه وديع..........أستااااااااااااا ااااذ...................هوه ده الواقع يا سادة............لحم رخيص.............مش اكتر
لو حضرتك أخدت بالك حتلاقي كل الكلام اللي قولتة هو كلام شبهه أخلاقي لأنة مرتبط بنظرة جنسية للغرب و فقط !
و كأن الغرب دة مفيهوش غير شقق دعارة و نوادي ليلية للشواذ و فقط، و إن كنت أعتقد ان الغرب فية حاجات تانية واضح أن حضرتك متعمد متشوفهاش
زي ما في أفات و امراض في مجتمعنا حضرتك برضة متعمد متشوفهاش، و يا ريت متدينيش مبرر ان الفساد الأخلاقي ( و الأخلاق لا تعني الفساد الجسدي أو مايسمي في بعض الأدبيات بالحرية الجنسية) ليس إلا سبب إننا مش متمسكين بالدين و سايبينة و حاطينة علي جنب و كل الكلام الغير الواقعي دة، لأن لو حضرتك عايز تشوف شعب متدين معتقدش انك ممكن تلاقي اكتر من المصريين في العالم كلة و اعتقد دة أثبتتة كل الأبحاث الحديثةفي هذا الشأن ( بل يمكن المصريين زودوها شوية و اتدروشوا حبتين)
علي فكرة في أوربا و في أمريكا في ناس بتقول زيك نفس الكلام برضة علي المجتمع الغربي و بيسموهم هناك محافظين إجتماعيا، و لو روحت الريف الإيطالي ولا الإنجليزي ولا الفرنسي ولا اليوناني ممكن تشوف جرائم شرف عادي جدا، و بنت بتتجوز و هي عذراء
يعني اللي بنقولة مش اختراع يعني احنا منفردين فية، ولا كمان المجتمعات الأوربية دية كانت طول عمرها منفتحة كدة، و انما الحريات الفردية في أوربا ولا في امريكا هي نتاج صراعات إقتصادية و انتاجية ظهرت بعد الثورة الصناعية، يعني يادوبك عمرها 300 سنة مثلا و لا بتاع، قبلها كانت كانت اوربا متفرقش اي حاجة عن كفر البلح عندنا
حضرتك راجل محافظ و دة حقك، في واحد تاني منفتح و دة حقة
كل المطلوب لا حضرتك تفرض رأيك علية بما أنك بتتسلح بسلاح الدين و الأخلاق و الشهامة و النخوة
و لا هو يفرض رأية عليك بما أنة متسلح بقيم الحريات الفردية و معاداة مصادرة الحرية و العولمة و الثقافة الغربية و كل الكلام دة
و ارجو انك متعتقدش بما أنك بتتكلم تحت بند الدفاع عن الدين و الأخلاق يبقي أنت لوحدك اللي صح مطلق، لأن الدين حمال أوجهه و الأخلاق نسبية من مجتمع لمجتمع
و بس
و يا ريت تطبق نظريتك علي السياسة و تقولي هي حتفرق اية لو عملنا اللي بتقولة في نظام سياسي
احيانا حسيتك متشدد اكتر من الأخوان اللي مستعدين يقبلوا اختيار الناس في اختيار شيوعين لحكم بلد ! بس انت مش قابل !
ما هو يا سيدي العزيز لو الناس عملت افلام عن مشاكل عامة حنلاقي في السنة 5 افلام كل واحد منهم بيتكلم في نفس الموضوع
ما هو مفروض الأفلام تتكلم في كل حاجة، سواء عامة او خاصة
و لا تحب ناخد سنة 2002 مثلا نتكلم عن الإرهاب و نعمل كل افلامها عن الإرهاب
و ناخد سنة 2003 نتكلم عن المخدرات
و ناخد سنة 2004 نتكلم عن الرشوة
و هكذا
دة كدة موضوع تعبير محطوط من وزارة التربية و التعليم و لازم نجاوب !
و بعدين اللي عمري ما سمعت ان فيلم الأب الروحي مثلا شوهه صورة أمريكا لأنة قال ان فيها نواب كونجرس فاسدين ولا عصابات اعمال، ولا حتي في جزئة التالت الفاتيكان إعترض و قال انتوا بتشوهوا سمعة الفاتيكان لأن فية كارندينال فاسد
ولا كمان سمعت ان أميركان باي بكل أجزاءة شوهه سمعة شباب امريكا و جايب شوية شباب و بنات و لامؤاخذة يعني بالعامية المصرية
مش عارف انا لية بسمع الكلام دة في مصر بس !
واضح انك قاعد في بلاد الخليج .... لأن مفيش حد بيدي الأحكام دية غير بعض الخلايجة اللطاف الظراف !
أنا لا متشدد ولا حاجة انا واحد عادي بأشوف الأفلام و التلفزيون و بأدخل سينما و بقعد عالأهوة مع اصحابي و بهزر و بنضحك و كله ولكن.............
عمرنا ما سبينا لبعض عمرنا ما عاكسنا واحدة عمرنا ما شتمنا حد ولا اتخانقنا و قلعنا الاحزمة و الكلام اللي بالك فيه ده عمرنا ما قلينا أدبنا على حد و و و وو ..............
يعني على رأي عادل امام........(نعم......أحب ان أكون على خلق).....يعني نفسي كل الناس تقول عليا اني محترم لأني في الأساس بأحترم نفسي قبل ما احترمهم...........
الفكرة كلها اني انسان مصري عادي ما يعجبوش الحال المايل........حاسس ان مصر هيه الجدعنة و الحشمة و الأدب و التسامح و الضحكة الحلوة و اللي لو واحد حصله حاجة ألف يجري عليه يشيله و يساعده في محنته...........
لكن لما يتقال كلام زي خليهم يبدعوا ولا أصل برة ما بيمنعوش ولا أصل الحكومة عاملة وصي وهيه فاسدة أساسا و غيره........كل ده ما بيعجبنيش.......برة قلنا بيمنعوا حاجات و بيسمحوا بحاجات و الدنيا مش عالبحري كده...و حتى لو ما بيمنعوش دول ناس غيرنا في كل حاجة و عندهم حضارة و علم و تطور مش عندنا......ياراجل ده احنا مش عارفين نعمل عربية لحد دلوق و هما بقالهم فوق المية سنة هاريينا موديلات و عربيات و ابتكارات.........و في حتة الأفلام و الانفتاح و الفن ما نجيش نقدم وقاحة و عري و تطاول على الله و ألفاظ خارجة و قصص بلا هدف ولا مضمون ولا قضايا تهم حد و نقول اصله حرية وابداع.........لأ طبعا مش حرية وابداع و انا قلت امثلة كتير على كده من أفلام مختلفة........
انا لا أفرض شيء على أحد و لو عايز تطفي الكمبيوتر و تقوم تروح تنزل تروح أقرب سينما تروح الفيلم روحه براحتك (بس ابئى احكيلنا قصته الهادفة طلعت ايه؟؟!!)....ولا من حق غيري يقولي لأ ده أصلا ابداع و انتوا اللي مش فاهمين و لازم حرية و مش عارف ايه!!!
لأني سبق وقلت الحرية و اللي بيقولوا لا لمنع اي انفتاح أو حرية...هما نفسهم لا يقبلوا هذا الشيء على أولادهم أو بناتهم أو أمهاتهم.........و الا عوضنا على الله في الشرف و الأخلاق و العادات و التقاليد بتاعتنا........
احنا ننفتح عالعالم في كل شيء دون المساس بالحتة المصري الحلوة بتاعة النخوة و الغيرة والحياء و كده والا زي ما قلت هنبئى مسخ.........لا غرب و متطورين ولا شرق محافظين.......
هنبئى عين في الجنة و عين في النار........واحد معندوش مانع انه يشوف أفلام مبتذلة أو جنسية لكن لو شاف اخته بتشوفه ولا مصاحبة واحد من وراه ولا حاجة.........نهار ابوها مش معدي........طاب فين الحرية يا عم الحج...ما انته هتمنع اهوه!!
يا أما نبئى بيييييييس يا مان........و هيه حرة و أنا حر.......و عيش ياباشا و خلينا نعيش.........
ملحوظة: أنا ما قلتش أن كل أوروبا و الغرب شواذ و منحلين بالعكس أنا أعرف أجانب كتير و تعاملت معاهم و كانوا محترمين مش زي ما ناس بتصورلك انه كلهم بايظين لأ هما بايظين وقت البوظان و محترمين وقت الجد.....انما انا قلت اننا لو بنقول _(العالم الحر) ساب كل واحد يعمل اللي هوه عايزه و ما بيمنعش فهل المطلوب اننا برضه ما نمنعش اي حاجة حتى الزنا و الشذوذ و الخمر و القمار و غيره........و لا نبقى أحرار في اطار دينا و قيمنا و عادتنا و أصالتنا و حياتنا.............
في حد فينا يقبل يشوف ابنه حشاش...و لا بنته بايظة ولا ابوه سكران على طول و لا صاحبه كل يوم مع واحدة ولا أخوه قليل الأدب و مسقط البنطلون لركبه و عامل شعره مش عارف ايه و و و و و و............ما قلنا الحرية لا تكون الا في اطار المقبول لأننا اصلا كويسين يا جماعة ليه بقينا كده
لأنه في فرق كبير بين الانسان.......و الانسان المصري...........متنور و مطلع و في نفس الوقت أصيل و شهم و خلوق..........
و أخيرا ما فهمتش أخر سطرين دول....!!!!!! و أقول تاني أنا لما أقول ان برومو فيلم (ألوان طبيعية) ده منحل و فيه اساءة للذات الألاهية و اساءة للتعليم و اساءة لزملاءناو أصحابنا طلاب فنون جميلة و فنون تشكيلية و انه بلا هدف غير العري و ان مفيش كلية في مصر العيال بيقلعوا ملط و الدكتور يقولهم أرسموا بعض يالا و غيره..............ابئى ساعتها متشدد و متحفظ و معقد و مكلكع!!!!!!!!!!
يمكن!!!
أمال أمتى أبئى أكون لطيف و كول!!!!!!!
يا عم اشرف هو انا قولتلك انت متشدد و ارهابي و الكلمتين دول
انا بقولك انت محافظ، و دة مش شتيمة يعني ولا وصف سئ
للعلم انا شوفت الفيلم مثار الجدل دة، بالعكس الفيلم بناقش قضيتين تقريبا هما اللي انت بتقول عليهم
الفيلم بيتكلم في فكرة الإعتدال، يعني لا تبقي متطرف في الدين و شايف كل حاجة حرام، ولا تبقي منحل و شايف كل حاجة بيس يعني
لما يجيي يتكلم عن الإنحلال لازم حيجيب انحلال و لا حيجيب الإنحلال في برشامة يديها للمشاهد و هو داخل السينما
انا سبق و اتفقت مع ان الفيلم ليس للصغار و مفترض انة يبقي لمن هو فوق 21 سنة، و زي ما قلتلك انا محترم رأيك جدا و عايزة يفضل موجود، و عايز المنحل يفضل موجود مش بس لأن دة جزء من الطبيعة البشرية اللي ربنا نفسة اقر بيها في كل الأديان، لكن لأن دة الإختبار زي ما في جنة و نار
زي ما انا مرة قولت سابقا في بعض المناقشات أنا ضد منع الخمور و برضة الكلام معجبش الناس، لأن الإختبار الحقيقي تبقي الخمور قدامك و متشربش، إنما يا فرحتي الخمور ممنوعة يبقي حضرتك عملت اية ربنا يختبرك علية اصلا ؟
هي نفسها فكرة أن ربنا يبتلي حد بمصاب، وقتها يبقي عندك فرصة عادلة لإختبار معدنك الحقيقي هل انت قادر علي الصمود و مؤمن بقضاء ربنا و تحاول تتعامل معاة ولا تفكك و تبيع القضية
انا مش متخيل ان ربنا يخير الناس بين جنة و نار و سايبلهم حرية الكفر
و البني أدمين احيانا حتي مش بيقبلوا الرأي الأخر
:ask:
يارب ارحمنا برحمتك
الدين والحياة وجهان لعملة واحدة
ديننا صالح للتطبيق في كل مكان وفي كل زمان وليس العيب فيه العيب في كيفية فهمنا له
وربنا يرحمنا وينجينا من كل سوء
ويهدي المراقبين ويصلحهم
ربنا يصلح المنظومة كلها
:ask:
اوك الفيلم بيناقش قضية موجودة فعلا بالمجتمع وهي التطرف سواء الديني او التطرف في الفساد الاخلاقي
لكن هل مينفعش اناقش القضية الا لما اجيب بنات تتعرى قدام الشاشة ؟؟
والله اعلاناته في التليفزيون عملت لي غثيان
قضية ايه اللي بيناقشوها في الفيلم دي ناس كل اللي يهمها الفيلم ينجح ويجيب فلوس بس وعمر الفيلم ما هايحل مشكلة المجتمع بالعكس سيزيد الفاسدين فسادا
أناعايز أعرف هو يعنى إيه الفيلم دا مخصوص للى فوق 18 وللا 21 سنة؟
هم الكبار مسموح لهم بمشاهدة العرى وحلال عليهم؟
وللا هو لازم علشان رسالة الفن السامية توصل لى إن الزنا غلط إنهم يعرضوا مشهد كده ومش هيفهم كده غير الناس الكبيييييييييرة اللى معندهاش شهوة اللى هم فوق ال 21؟
ممكن حد يقولى على فيلم عربى او اجنبى اتفرج عليه واستفاد منه فى الدنيا او الاخرة مهما كان محترم يا اعزائى كله تضييع وقت
فرصة الشباب يقف وقفة قوية ويقاطع الفلم القزر دة وتبقي بداية قوية لمقاطعة الافلام دي لانها كترت:_Alshmokh08[1]::khd:
يارب العالمين
ياشباب ...........
الي عاوز يناقش قضيه زنا مثلا ..مش لازم يجيب واحده عريانه نايمه مع واحد ولحمها عريان
كفايا انه يلمح للفكره ..عشان الفكره توصل..
يعني مثلا لما الشاب يتفرج على واحده عريانه بالمنظر ده ..هل مخه ساعتها هيفكر في فكره ان الخيانه والزنا شئ سئ ووحش ولازم يبعد عنه.
لا طبعا
ده هيقعد ويفرد رجليه ع الكرسي الي قدامه
وويولع سيجاره ..ويستمتع بالمشاهد
هوا صحيح الفكره هتكون بغرض توضح المعنى السئ..بس النتيجه هتكون عكسيه
وانا كده وصلت وجهت نظري
.
مش لازم اللحمه دي كلها تكون باينه عشان نوصل فكره للناس.
يعني مثلا
لو شيخ بيخطب في الناس ويقولهم ان الملابس الضيقه حرام.هيروح يلبس بنته ملابس ضيقه ويجيبها قدام الناس ويقولهم :" شفتوا ..ادي بنت لابسه هدوم ضيقه ..كده بقا حرام"؟؟؟
.
وربنا يهدي
قلت اللي اقصده بالظبط ومعرفتش اعبر عنه
مش لمجرد ان الرأي مش عاجبك ..انك تطلب حزفه..
الراجل شايف ان الازهر ملوش يتدخل او يعمل نفسه وصي على عقول الناي
الازهر طبعا لازم يكون له دور ..بس ..لما يكون على أد المسؤليه دي ..ويكون حر رأيه . ويكون بيتكلم كلام من منطق الدين الصحيح.
وطبعا ده مش موجود الايام دي ...الازهر وكأنه مش موجود الأيام دي.
وبرضوو
حريه الرأي أساسيه
لا يا سيدي انا مش عايش في الخليج انا عايش في مصر و شغال في شركه اجنبيه و بتعامل مع امريكان و انجليز علطول و ليا منهم اصحاب كتير اوي يعني مش من الخلايجة الظراف اللطاف اللي بحترمهم برضة بجد مش هزار زي اسلوب حضرتك
و علي فكرة انت اخدت مثالين
the God father - مع كامل اعتراضي انك تقارن تحفه فنيه زي دي بفيلم زي دة - دة بيناقش قضيه بتمس المجتمع الامريكي كله في الفترة دي لان عصابات المافيا كانت متغلغله في كل حاجة يعني فيلم بيخش عش دبابير و طبيعي طالما بيناقش دة فهيناقش علاقته بكل فئات المجتمع هناك
American Pie - اللي اكيد حضرتك شوفت اجزائة لوحدك مش مع العائله اكيد علشان تحميهم من المشاهد اللي فيه معنك مش من الخلايجة الظراف اللطاف و لا حاجة - يعني لما سالتهم عن النوعيه دي من الافلام قالولي ان لما بيجي اعلان عن فيلم زي دة في التليفزيون الامريكي بيبقي في تنويه قبليه ان الاعلان بيحتوي علي مواد اباحيه يعني انت كاب او اخ بتبقي عارف قبل ما تلاقي مشهد زي كدة في وشك ( و علي فكرة التليفزيون الامريكي فيه رقابه بس مناسبة لعادات المجتمع هناك )
و لو حضرتك ركزت في كلامي هتلاقي ان اعتراضي انه فيلم مش بيناقش قضيه اساسا لانها مش حاجة منتشرة دة لو موجودة اصلا فبالتالي بلاش يداري ورا موضوع قضيه و فيلم قصة و مش عارف ايه يعني افلام السبعينات مثلا كانوا عارفين انهم بيعملوا افلام تجاريه و بيقولوا علشان الفيلم ينجح لازم يبقي فيه رقصة و خناقة و اغنيه مكانوش بيداروا ورا حاجة و يصدعوا دماغنا بموضوع قصة و مش عارف ايه هو زي ما احد الاخوة هنا قال زي تهامي باشا فيلم فيه لحمه كتير و كذلك افلام خالد يوسف كلها علشان شباك التذاكر
لو عاوز افلام بتناقش قضايا
فيه طيور الظلام قضيه الارهاب و الفساد
فيه سهر الليالي علاقات اجتماعيه بتمثل فعلا ظاهرة زي الخيانه
اوقات فراغ بيمثل برضة شباب كتير بصدق من غير مبالغه
معن الافلام دي كان فيها مشاهد مش كويسة بس علي الاقل بتقول حاجة لما بتشوفها بتخرج تفكر فيها
في حتي افلام كوميديه هدفها الضحك و بس
يعني انا مش ضد الابداع بس انا ضد الادعاء و ان الناس دي تلبس حاجة مش بتاعتها
يعني انت بعد ماشفت حين ميسرة مثلا او الريس عمر حرب ايه الفايدة منه مفيش منه اي فايدة غير شوية المناظر اللي فيه للي عاوز يشوفها يبقي خالد يوسف ميقعدشي يلف علي كل الفضائيات و يصدعنا بفيلمه القصة الرهيبه اللي مفيش زيها اللي بيورينا المجتمع المصري كله و الناس اللي بتبيع جسمها علشان غلابه و و و و و و و ... لو فيه واحد بتبيع جسمها علشان فقيرة فيه قصادها مليون واحدة فقيرة محافظة علي شرفها يبقي اللي بتبيع جسمها مش هي القاعده اللي يتبني عليها فيلم لا المليون واحدة هما القاعده اللي يتبني عليها الفيلم
لو فيه طلبة كليات زي ما الفيلم دة بيصورهم فيه قدامهم برضة ملايين الطلبه انضف و احسن يبقي دول القاعده اللي الفيلم يركز عليها و يجيب النماذج التانيه كامثله خارجة عن المجتمع مش هي المجتمع
و في النهايه انا اسف علي التطويل و انا مش بناقش من وجهه النظر الدينيه لاني مش مؤهل ليها انا بناقش من وجهه النظر المجتمعيه
و تقبل تحياتي و تحيات كل الخلايجة الللطاف الظراف :36_1_1[1]:
ينصرررررررررر دينك يا أستاذ محمدددددددد.......
أنا معاك و بشدة.....ليه نسينا التلميح و الرمزية و الحرفية في العمل السينمائي بدل التصريح المباشر جدا جدا يعني الواحدة من دول تقلع و تتقطع بوس علشان يفهمك انها في حالة شهوة أو زنا و ده ضد الفن من اساسه اللي يعتمد على الرمز و التلميح و الحدق يفهم...
زي مثلا فيلم النوم في العسل لعادل أمام ان المشاكل و الكتمة السودة للناس سببتلهم عجز جنسي و حله الوحيد يا أما الهرب للخلاء و الصحرا و ترك الواقع المزدحم أو الصراخ بأعلى صوت فقط بكلمة (اااااه) المكتومة في الصدور....
و كذلك طيور الظلام لعادل أمام لما في أخر الفيلم في السجن بيقول لرياض الخولي أنا خارج و التاني يقوله و أنا كمان خارج و يجروا على الكورة عايزين يأخدوها (في تلميح واضح لأنها رمز للسياسة و السلطة) و الحكومة و التيار الديني يتنافسوا عليها و النتيجة انهم شاطوها لحد ما طارت و كسرت ازاز (مواطن غلبان) و تلميح لأن الصراع عالسلطه مستمر......
حتى ((فيلم ثقافي)) اللي كان من أنجح و أكثر أفلام تلك الفترة واقعية و دي مشكلة فعلا تمس كتير جدا من الشباب اللي بلا عمل و لا أمل ولا جواز و كل همه فيلم و لا صورة ولا لقطة من كتير الياس...عرض المشكلة بشكل محترم و كوميدي ساخر جدا و حل الموضوع انه العمل و الجد هيوصلك للجواز و الخطوبة و النجاح و ان سفور البنات أحد أسباب اثارة الشباب ده غير البطالة و اليأس.......و أعطاك أحساس بأنهم بيجروا ورا شريط اباحي دون أي ابتذال أو عري........حتى أخر لقطة لما فقدوا السيطرة على نفسهم و شهوتهم بطريقة قد تقزز من يفعل ذلك عندما يراهم في هذا الموقف......برمزية و دون أي ابتذال..........
و غيره كتيرررررر...........
و مازلت أؤكد دي أفلام تهامي باشا........................هتموتوا الصاروخ ليه؟؟؟؟ ده يبئى فيلم زبالة......
من غير صواريخ مش هيجيب فلوس..........لا الفيلم ولا الكليب...........
وده نفس السبب اللي خلى ايهاب توفيق ابن مصر الطيب يصور أغنية يا أحلى منهم مستخدما ييجي 40 مايوه بيكيني في بيروت بعد ما كان من عشر سنين بيقولك: مالهمش في الطيب يا قلبي يا طيب.......
لأننا في عصر التقليد و العري و الابتذال..............
و مفيش شباب مثقف....يفوت ليلة زي دي من غير ندوة.........:shyy:
و شكرا........
:M_yes[1]:قولوا لا اله الا الله تفلحوا
استاذ اشرف واستاذ محمد ربنا يباركلكم والله كلامكم من الاخررررر
الأزهر بعلمائه تابعين للحكومة فمالهمش دور
شيوخ المساجد غير مؤهلين يبقى مالهمش دور
الإخوان سعاة للسلطة فلمهمش دور
دعاة الفضائيات والإعلام ساعين للشهرة ومالهمش دور
شيوخ السعودية دخلاء مغرضون ومالهمش دور
آآآآآآآآآآآآآآآآآآآآآه
فهمت معنى الحرية بتاعة اليومين دول
عمر شوشو مايحلم بأكتر من كده
على وصف حضرتك للفيلم يبقى دا تقليد لفيلم اجنبي كمان (و مش هكتب اسمه)اقتباس:
فيلم أهبل وغبي
زي افلام الفيديو ..بنات بترقص ملط ..ورجاله عماله تـ * * * *
لأ وإلي يحرق الدم
بيسموها أفلام جريئه ...دي افلام بورنو يا شباب والله.
وبيناقش قضيه مش موجوده أساسا
يعني موضوع رسم التعري ده ..مش موجود اساسا
زي موضوع فيلم ( كازينــو ) ..مصر اصلا مافيهاش نوادي قمار مترخصه .
افلام غبيه ..وشباب - للأسف - اغبي ما يكـــــــــون
.
وكل واحد ييجي يقلع ملط في فيلم ..أو واحده تهز وسطها في فيلم
تقول إن لها رساله من ورا الفيلم ..وإن الفيلم هادف ..وإنه فيلم خارج عن المألوف وفيلم جرئ
ايه الجرأه في كده
دي اسمها سفاله وقله أدب وتربيه..
وهموت وأعرف
البنات الي شفتهم في اعلان الفيلم بيرقصوا عريانين كده ..ملهمش أهل
أبوها أو أمها أو قرايبها برضووو شايفين ان بنتهم لها رساله وهدف من ورا رقصها عريانه.
.
.
احنا في زمن المسخ ..زي ما عادل امام قال.
.واموووووووت واعرف ..بتوع الرقابه دول لزمتهم ايه..يفلتروا الافلام السياسيه بس ..لكن افلام البورنوو ..عادي ..خلي الشباب ينبسط
http://www.nilemotors.net/nile/image...t-bot-left.gif
يعني جتهم ستين خيبة عليهم و عالسينما و على افلامهم اللي بقت تقرف