الموضوع: الأزهر يعترض على "بالألوان الطبيعية"

لما الاعلان لوحده بلاستفزاز ده يبئى الفيلم ايه!!!

من امتى كانت الألفاظ و المشاهد دليل على جرأة الأفلام!!و بعدين أنا شخصيا بقرف من الاعلان لكذا سبب أولهم لما يستهين بالذات الالهية و يعملوا انه يناجي أو يخاط الله -سبحانه و تعالى- بهذا الاسلوب المنحط و الألفاظ التي لا تليق ابدا بذات الله !!! و يقوله (أنا عدوك!!) (فهمني!!)
ده كلام يا ست (((((رقابة)))))) و يا نقابة ممثلين ياللي قلبتي الدنيا علشان صحفي اتهم و اساء لنور الشريف وقال عليه شاذ...ولا تتحركي لما يكون حوار بذيء بالشكل ده ليل مع نهار بييجي في التلفزيون طب عالأقل الفيلم مش كل الناس هتدخل تشوفه لكن الاعلان كل دقيقة على قناه.....

غير كده حوار الكلية دي جهنم و الطلبة حطب جهنم و الشيطان عميدها.....فعلا ونعم الكلام اللي بنعلمه لأولادنا و بنقدمهلهم و عادي يا حبيبي أشتم ابوك و خالك و مدرستك و بلدك لو مضايقاك !!!!و أنا مقدر فعلا مشاعر طلبة الكلية اللي هما جيرانا و أصحابنا و أخواتنا اللي طلعوا بالمنظر المقزز ده (طبقا للبرومو و الاعلان أنا ما شفتش الفيلم)

و الأهم من كده لما واحدة بنت حلال تقولك ( الرسم صنعة و الجنس صنعة و كل حاجة عندك صنعة) أنا مش فاهم الحوار ده بصراحة بس لا مانع من بعض مشاهد القبلات على الجملة دي علشان تستفز المشاهد انه يدخل الفيلم اللي هيطلع (جريء) و هتتبسط.......

ده غير قصة علم التشريح و الدكتور بيقولهم أقلعوا علشان يرسموا بعض و البنات و الولاد بيقعلوا فعلا...........ممكن حد يقولي الكلية دي فين!!!!!1في موسكو و لا القاهرة!!!!

و اخيرا و ليس أخرا لما بيصرخ البطل بأنه طز في العميد و طز في الدكاترة و المعيدين ..................فعلا جرأة السينما انك تقدم سيناريو و حوار و مشاهد (خالية من أي هدف أو أخلاق أو فايدة)............

و في الأخر لسه بنتناقش الأزهر يتدخل ولا ما يتدخلش!!!! يعني الناس اللي مش عاجبها تدخل الأزهر شايفة انه عادي لمفروض نكون كده!! انا لا اتكلم عن الأزهر و لا أؤيده أو أرفضه انا بأتكلم عن نفسي كأب لطفلة بأجري أقلب المحطه لما بأسمع صوت الأعلان ده رغم ان بنتي لسه طفلة عندها سنة و نص لكني مش متخيل هنوصل بقيمنا و أخلاقنا و جرأتنا لحد فين على ما تكبر شوية ان شاء الله !!!!!!

بكرة نلاقي أفلام جنسية و اباحية في السينمات و كفاية أوي أوي انه هيكتبلك عالأفيش بتاع الفيلم................للكبار فقط

و علينا العوض في الصغار اللي مش هيلاقوا حد محترم يربيهم....مستني منهم ايه..........!!!!!!

مش مهم الأزهر يقبل ولا يرفض لأنه ياما وافق على حاجات كتير ماحدش يقبلها ولأنه ياما رفض حاجات معقولة و مقبولة جدا..........المهم اننا ما نقبلش اننا نكون بالانفتاح ده و الجرأة دي لأننا شعوب شرقية و عربية وسواء مسلمين أو مسيحين فأحنا بنحب مساجدنا و كنائسنا وقلوبنا معلقة بهم ومتدينين و لو مشينا في السكة دي ما تزعلش بئى لو بكرة بقى عندك جيرل فريند و لقيت لحمك (أمك أو أختك أو بنت خالتك أو أو أو .......بعد الشر عنهم جميعا) لابسه بدي ستومك و ماشية مع بوي فريند هيه كمان..........أو أولادك قالوا أي لفظ أو تصرف انته من عشرين سنة ما كنتش تحلم تقوله قدام والدك أو والدتك........لأن كان فيه حاجة زمان أوي لو تفتكروا كان أسمها (((((((احترام و خجل))))))..........

لأن ده أول الطريق لده..................و ياريت حد يفهمنى موضوع (كل حاجة عندك صنعة ده لأني مش فاهمه بصراحة و هل هيه مدح أم ذم!!!!!!!).............

و ربنا يهدي الجميع..........