الموضوع: الأزهر يعترض على "بالألوان الطبيعية"

انا اللي اعرفة ان الأزهر مش عاجبة الفيلم يقول الفيلم مش عاجبنا و الناس حرة تروح أو متروحش

ما هو ده اللي بيحصل

و هذا غير كاف للاسف الشديد ...

لكن مش فاهم لية الأزهر عامل واصي علي عقول الناس و كأن الناس هبل مثلا و مش فاهمين أو الأزاهرة متدينين أكتر مننا مثلا

الازهر ليس ذو وصاية علي احد و لا كهنوت في الاسلام ..

الازهر يقوم بدوره المنوط به كجهة اختصاص - من حيث تخصصه و تعمقه بدراسة الدين - و بالتالي يفتي و يقدم توصياته للناس علي اثر هذه الخبرة مثل الطبيب و المهندس و المحامي و المحاسب

و لا يعطي صكوك غفران

و لا يتتبعك لكي يري مدي التزامك بما اصدره من رأي علمي في الدين مستند الي القرائن ..

يعني بهوات الأزهر بيتعلموا من فلوسنا و بيقبضوا من فلوسنا و كمان عايزين يعملوا حراس أخلاق علينا ....... مش كفاية عليهم تأييد النظام الفاسد ولا هما أسود علي الأفلام و نعام علي النظام ؟

مش عارف ..

طيب لو جماعة من المصريين احنا مش مبسطوين منهم نقطع عنهم الماء و الكهرباء لأنها بفلوسنا

مفيش حد بيتصرف عليه من جيب حد كل واحد بيتلقي خدمات في مقابل ما يقدمه هذا هو المفروض

و الفلوس اللي حضرتك متضايق منها انها بتصرف علي الازهر من جيب الناس هي السبب في الوكسه اللي الازهر فيها

حيث فقد استقلاليته تماما كجهة كان يصرف عليها من ريع الاوقاف و تم ضم الاوقاف الاسلامية و المسيحية الي وزارة الاوقاف لتدخل الي ميزانية الدولة

يعني مش بعيد يكون الازهر هو اللي بيصرف علينا

هل تعلم ان ميزانية الازهر كمعاهد و جامعة و تتقلص سنويا ؟

هل تعلم حجم المساعدات التي تأتي للازهر كل عام و تستولي عليها الحكومة لتغطي عجزها

و تظل مشروعات في الازهر غير مكتملة من سنوات طويلة

انا شخصيا ضد تدخل الأزهر في اي شئ في الحياة و ان يتحول إلي جهه ليست لها مهمة إلا البحث في الشؤون الدينية فقط لا غير و إصدار الكتب و الأبحاث الدينية و ان يكون تمويلة بالتبرعات مش من ضرايبنا (لأن بصراحة مستشفيات وزارة الصحة أولي منهم 100 مرة)

حاليا الازهر جهة ابداء راي و لا يتدخل في شئ كما تريد

و الحمد لله حالنا واضح جدا لا يحتاج لتوضيح

و ياليت تمويله يرجع الي الاوقاف و التبرعات التي تأتيه من الخارج و لا تستولي عليها الدولة

و علي فكرة اغلب ميزانية جامعة الازهر تذهب الي دعم مستشفيات الازهر الجامعية " الحسين و السيد جلال بباب الشعرية و الزهراء " و ميزانية الجامعة تتقلص كل عام

مما اثار ضيق رئيس الجامعة المطالبة برعاية هذه المستشفيات التي تكلفه الكثير من ميزانيته و تقتطع من الجامعات الاخري ..

يعني برضه ميزانية الجامعة موجهة لمستشفيات الغلابة ..

احب اقول لصاحب الموضوع ان حضرتك اصلا معترض على دخول السينما ومشاهدة الافلام وده كان رايك فى مشاركات قبل كده وواخد موقف من الفيلم قبل موضوع الازهر ده وياريت يا جماعة الاعتراض على الفيلم يكون من الاشخاص الى شافوة عشان يكون فيه موضوعية فى النقد والفيلم بيناقش الصراع بين الدين والفن والعمل من اجل المال والعمل من اجل الرغبة فى العمل وازى ان اغلب الناس بقى بيتبع مبدا الغاية تبرر الوسيلة للوصول الى اهدافة فى الحياة وتخبط افكار الشباب فى فترة الجامعة بين التدين والفكرالغربى والعادات الشرقية فى علاقات الحب والارتباط بس الحق يقال ان المخرج زودها فعلا فى طريقة تحدثة مع ربنا وكمان دلوقتى معروف ان اى فيلم بينزل السوق لازم يحط فى الاعلان اللقطات الى تخلى الفيلم يجيبلو فلوس بغض النظر ازا كان الفيلم ده وحش ولا لأ وده موضوع قديم ومعروف وكمان الفيلم قضيتة مش الرسومات العارية زى ما العضو الفاضل ما قال الفيلم كله بيناقش تكوين فكر الشباب خلال المرحلة الجامعية واحنا متعودين فى مصر ان اى فيلم بيتكلم عن اشخاص معينين ويمس حياتهم لازم يتكلم عشان ينزلو ضيوف فى البرامج التلفزيونية والى حصل من عميد الكلية حصل من اهل بورسعيد فى فيلم ابو العربى ومن المحامين على افلام عادل امام ومن مدرسين اللغة العربيةعلى فيلم محمد هنيدى..................... والاعتراضات كتيرة وكمان الفيلم من احداثة بيجيب احداث الكلية من عدة سنوات مضت وده كان باين للشافو الفيلم .

المشاركة الأصلية كتبت بواسطة a.saad

الفنادق الخمس نجوم فيها نوادى بس ممنوع دخول المصريين فيها

+11111111111111

المشاركة الأصلية كتبت بواسطة A7MED_PHARMA

مش معاك يا اسلام

مهما كانت (القضيه) الي الفيلم الغبي ده بيناقشها
مهما كانت
ايه فايده اللحمه دي كلها الي شفناها في الاعلان بس..
انت ممكن توصل فكره - مثلا - ان البطله بتخون البطل ..عن طريق مشهد محترم جدا ..أو تلميح للخيانه يتفهم منه انها خاينه..تمام كده



تحياتي يا اسلام ..وحشني والله

انت واحشنى اكتر والله يا احمد باشا بس على فكرة اللقطات الى جت فى الاعلان هى دى كلها الى فى الفيلم وانا مش بدافع على الفيلم من الناحية دى ابدا انا كمان معترض على تسويق الفيلم من ناحية طالبى المتعة بس الى انا اقصدة ان الفيلم ما ينفعش نختزل انتقاض الفيلم فى اللقطات دى بس وننسى قصة الفيلم او الحكاية نفسها والى عايز يتفرج على لقطات ماهو عندو الدش والنت مليان بلاوى مش لازم يدخل سينما ويقعد فى بيتهم احسن ولو تفتكر فيلم اوقات فراغ اول ما نزل اخد نقد اكتر من كده واتهاجم كتير وكان برضو الاعلانات كلها بنفس الحكاية بس لما الفيلم اتعرض ناس كتير شكرت فيه .

طبعا هو كل واحد حر في رأية بس الاخوة اللي بيدافعوا عن الفيلم و بيقول نتفرج عليه الاول انا بقوله المشكله مش مشكلاله الفيلم المشكله ان المشاهد دي بتدخل البيت و لو حد عندة بنات في سن صعيرة ممكن يتاثروا بالحاجات السافله دي
و المشكلة الاكبر ان دة اعلان بيجي علي قنوات كتير يعني الواحد مش عارف يقفل ايه و لا ايه
انا مش بتكلم حتي من المنطلق الديني دة حتي المنطلق الاجتماعي مش صح من اي زاويه رؤيه مش صح لا دين و لا مجتمع و لا تربيه و لا اي شيء يقول ان اللي بيحصل دة تحت شعار الحريه
و اي فيلم دلوقتي لازم تلاقي في منتقبات زي موضه الجلابيه البيضة و الدقن كل واحد عاوز يقول انه بيقدم رساله يجيب واحد متخلف و يلبسة جلابيه و دقن و يقعد يصرخ طول الفيلم
و القضية اللي الفيلم بيناقشها ( و دة اللي انا فهمته من الاعلان ) كلية فنون تشكيليه و بيناقش حاجة حتي لو بتحصل اعتقد نسبة 1% يعني متعتبرشي ظاهرة تستحق الدراسه

الافلام الامريكي اللي المفروض فيها مناظر و بلاوي بيتقال قبل الفيلم ان دة تصنيفه r1 , r2 , و هكذا مش تلاقي مناظر زي دي قصادك علطول حتي كمان مش بيداروا ورا مناقشة قضية و لا حاجة هما واضحين فيلم زي دة بينزل علي الفيديو علطول و اللي بيحب الحاجات دي يجيبها

انا مش ضد السينما لاني كل كام اسبوع بروح السينما و عندي علي الكمبيوتر كل الافلام الامريكي الجديدة يعني مش بتكلم حتي من المنطلق الديني انا بتكلم من المنطلق الانساني لاني ضد حاجة تضر بيتي و اهلي و حريتي الشخصيه اني مشوفش مشاهد زي دي الا بتنويه عنها في الاول و اللي عاوز يتفرج يتفرج

ربنا يهدينا و يهديهم