الموضوع: الأزهر يعترض على "بالألوان الطبيعية"

الحمد لله ان ناس كتير رائيهم فى الفيلم انو تافه و مبتزل
كويس ان الواحد مش عايش غريب بفكره

اللهم أرنا الحق حقاً وارزقنا اتباعه، وأرنا الباطل باطلاً وارزقنا اجتنابه

السلام عليكم

هأقولكم رأيي يا جماعة ويا رب يجعل كلامي خفيف على قلبكم


1- اللي عايز يتكلم بجراة صحيح يتفضل ويتكلم على نظام الحكم والحرامية اللي فيه من كبيرهم - من كبيرهم - لصغيرهم

2- فيه حاجات كويسه جدا في المجتمع المصري وبتوع الأفلام عمرهم ما شافوها
عمرهم ما جابوا قصص الناس اللي بتضحي بنفسها علشان تقف قدام الظلم والفساد
عمرهم ما ركزوا على الناس المتمسكة بمبادئها رغم كل الظروف
بصوا لأعضاء المنتدى هتلاقي أغلبهم ناس محترمه ومتعلمة ومتحضرة
أنا كنت شغال في شركة الكهرباء في الإمارات واتناقشنا عن تدهور أخلاق الشعب المصري كما يصورها الإعلام
ومثال لذلك فيلم الكيت كات
كل أعضاء الفيلم بيمارسوا الرزيلة تقريبا
من الشيخ حوسني لمرات بتاع الدهب لأم مراته لبناتها لمرات السواق لآبن الشيخ حوسني للي ماشي معاها
سألت الموظفين اصحابي
كام مصري في الشركة معانا
تقريبا مئات
قولتلهم كام واحد فيهم بيدخن سجاير
عديناهم لقيناهم قليلين
سألتهم كام واحد بيصلي معانا في المسجد
تقريبا الكل ما عدا البعض
قولتلهم حد يتخيل إن غالبية الناس المصريين دول بيشربوا خمرة ومخدرات وبانجو وحشيش وبيمشوا في الحرام مع ستات تانية

في الآفلام عمرهم ما اتكلموا عن الإسلاميين غير على شكل واحد لابس جلبية بيضاء وحاطط خشبة في جيبه وعمال يزعق ويقول حرااااااااااام
يا كفرة يا ظلمة يا مش عارف إيه

عمرنا شفناهم إتكلموا عن ناس زي الدكتور عبد المنعم أبو الفتوح ولا الفارس مجدي حسين وجابوهم في صورتهم الحقيقية ووضحوا وجهة نظرهم بكل أمانة ؟؟؟؟؟؟؟؟؟؟؟؟

3- أصبح مسموح حاليا سب ربنا والعياذ بالله لكن ما حدش يقدر يتكلم عن الرئيس مبارك بنصف كلمة غير بالتلميح البعييييييييييد
وكأن رؤسائنا هم أكرم عندنا من الله - تعالى الله عما يقولون

4- الرسم والفن قدامه مليون الف حاجة يتناولها
يعني كل مخلوقات ربنا اللي قدامنا دي ما فيش حاجة معبره فيها غير شكل واحد أو واحدة عريانة أوأعضاؤهم الداخلية باينه ولا صورة واحد وواحدة بيمارسوا الرزيله وهم عريانين

خلاص الدنيا ما بقاش فيها غير هذا المشهد ليتناوله الفنان ولو ما رسمهوش يبقى غير مبدع

ربنا أباح كل المشروبات اللي في الدنيا وحرم الخمر فقط فقطططط
فهل لو الواحد إمتنع عن شرب الخمر يبقى يا عين امه محروم من متع الحياه والدين مضيقها عليه

ربنا اباح كل الطعام ما عدا لحم الخنزير
فهل لو واحد اكل لحم الماعز والضأن والبقر والجمال وحتى الحصان والحمار وووو وكف نفسه عن اكل الخنزير القذر يبقى حياته جحيم

ربنا أحل كل الروائح والعطور لكنه حرم شم الهيروين لأنه بيدمر الجسم
يبقى اللي مش بيشم هيروين ده إنسان متخلف ورجعي حتى لو شم كل روائح الدنيا الطيبة

يبقى المشكلة إن الإعلام بيعمل حاجة إسمهافي علم النفس الفكرة المتسلطة أو المسيطرة ويركز بالكاميرا على شئ صغير في المجتمع بحيث يلغي جميع الأفكار التانية ويوجه أحاسيس الناس نحو شئ غير حقيقي أو غير عام

4- ربنا سبحانه وتعالى لما أراد أن يتكلم عن الحمل والولادة والعلاقة الجنسية في القرآن عبر بكلمات رهيييييييبة
اسمعوا قوله تعالى
بسم الله الرحمن الرحيم :
{هُوَ الَّذِي خَلَقَكُم مِّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا فَلَمَّا تَغَشَّاهَا حَمَلَتْ حَمْلاً خَفِيفًا فَمَرَّتْ بِهِ فَلَمَّا أَثْقَلَت دَّعَوَا اللّهَ رَبَّهُمَا لَئِنْ آتَيْتَنَا صَالِحاً لَّنَكُونَنَّ مِنَ الشَّاكِرِينَ} صدق الله العظيم

حد فينا حصلتله أي إثارة
كتب الدين والفقه مليانه كلام عن أصول الجنس وتفاصيله لكن حد فينا بيثار جنسيا لما يقرأ فيها
يعني مش ممكن نتعرض لقضبة جنسية من غير ما نهدم اخلاق المشاهدين ونعلق في اذهانهم المناظر الجنسية ؟؟؟؟؟؟؟؟؟؟؟

لو حد فيكم شاف فيلم عمر المختار أو بلاش كده فيه فيلم أمريكي على ما اتذكر اسمه الجرئ والجميل والأحمق لم أشاهد فيه منظر إمرأة إلا في آخر الفيلم كانت هناك إمرأة على الهامش ولم يكن فيه أي إثارة ورغم كده كان من أنجح الأفلام عالميا

ليه ما بقاش عندنا الحق إننا نقدم أمورنا طبقا لمفاهيمنا ومقاييسنا

5- الأزهر لو حضراتكم فاكرين إنه بيتصرف عليه من ضرائب الناس تبقوا غلطانين

فيه حاجة إسمها أوقاف الأزهر وفيه الأوقاف الإسلامية وفيه الأوقاف المسيحية
ودي أبنيه وأراضي تم التبرع بها من قبل بعض المواطنين عبر السنين
والوقف هو سنة ابتدعها الإسلام لم يعرفها العالم من قبل
الحكومة من عشرات السنين قامت بمصادرة جميع الأوقاف
وبعد رفع قضايا وخلافه قامت منذ عدة سنوات مشكورة بتسليم الأوقاف المسيحية للكنيسه المسيحية وبدخل هذه الأوقاف تقوم الكنيسه ببناء الكنائس ودفع الرواتب وهي ليست هينة ونشر الثقافة المسيحية

أما الأوقاف الإسلامية وأوقاف الأزهر - وهي خاصة بالأزهر فقط - فالحكومة رفضت الإفراج عنها ليصبح الأزهر أسير الرواتب التي تمررها الحكومة بالقطارة حتى لا يجد أئمة الأزهر ما يكفيهم ليتفرغوا لوظيفتهم الدينية وهكذا يستمر الأداء الديني مؤيد للحكومة ولا يوجد له إستقلالية
وعلى فكره وزارة الأوقاف من اغنى الوزارات في مصر ومؤخرا قامت ببيع أراضي كثيره لوزارة الداخلية بسعر بخس وقامت الوزارة بتهديد الأهالي المستأجرين لهذه الأراضي لطردهم من بيوتهم وأراضيهم ورفضت وزارة الأوقاف بيع هذه الأراضي لهؤلاء الفقراء رغم أحقيتهم فيها من منطلق قانون الشفعة

آسف للإطالة وأرجو إن الموقع لا يلغي مشاركتي لآي سبب

يا جماعة أنا مستغرب ليه الفنانين اللي بيقولوا إنهم بيحملوا قضايا مهمة مش بيقدموا النماذج والأمثلة الكويسه علشان الشباب يقتدي بيهم

والله يا جماعة أنا مش متحيز ولا عنصري لكن أقدر أقولكم بامانة إن الشعب المصري أكتر شعب متدين وأكتر شعب محترم وأكتر شعب طيب وأكتر شعب بيحافظ على أوامر الله ويقف عند نواهيه ويحترم حدود الله وأقل شعب فيه إنحراف

يا جماعة إحنا ثمانين مليون إنسان
لو عندنا مليون واحد فاسد ومنحرف أو متطرف يمينا او يسارا
يبقى معناه عندنا تسعة وسبعين مليون واحد محترم أو معتدل على الأقل

ومش معناه إن الواحد لو غلط يبقى منحرف
كل ابن آدم خطاء وخير الخطائين التوابون

أنا هأقولكم على قصة حصلت مع زوج أختى رحمه الله
كان في السعودية وتعرض لموقف بايخ أو كلام مش محترم من ولد سعودي صغير في السن
وكان فيه رجل كبير واقف معاهم
وجه كلامه لزوج أختى وقاله :
يا أبو أحمد لا عليك ولا تاخد على كلام هذا الصبي
أنا عشت أيام كنا نحن السعوديين بننتظر الحجاج المصريين لما يجوا في موسم الحج ومعاهم خيرات الله
كنا بننتظر الخير كله يجي من مصر وأهل مصر
وعشت لما شوفت كسوة الكعبة تتصنع خصيصا في مصر
وقاله كمان :
عارف يا أبو أحمد العالم الغربي ده مش بيحاربنا بجهل وخلاص كده
دول عاملين دراسات وأبحاث عن طبيعة شعوب المنطقة
هم عارفين إن أهل الخليج محدثي نعمة - حديث عهد بغنى يعني - وعارفين إنهم لما الواحد فيهم بيغتني فغالبا بيصرف فلوسه في الشهوات والملذات ويظهر فيهم الإنحراف
لكن المصريين لو الواحد فيهم بقى غني بيفكر إزاي يفيد الإسلام والمسلمين ويبنيله مسجد هنا ومعهد أزهري هناك ويوزع معونات على الفقراء
وعلشان كده هم حريصين إن المصريين يفضلوا فقراء والواحد فيهم همه إزاي يجيب مصارييفه هو وعياله


والله يا جماعة الحوار ده إتحكالي من أختى الكبيره ونقلتهولكم بكل أمانة

فليه بيشوهوا صورنا بس في الإعلام ومحسسينا إننا كلاب ضالة
صحيح فيه مشاكل وإنحرافات
لكن والله العظيم حتى الراقصة أو البغي لو خيروها بين إنها تنحرف أو يوفرولها ظروف كويسه وعيشه كريمة هتقول نفسي أتوب

حد فينا سمع عن فنانين غير مصريين بيعتزلوا أو الواحدة بتتحجب ؟؟؟؟

[QUOTE=Dr Zezo;3872241482]استاذ يوسف

سلمت اناملك و الله

ربنا يبارك فيك وفي كل أهل المنتدى



احب اضيف نقطة صغيرة علي تعليقك الشامل

تابعت مسلسل نبي الله يوسف ذو الانتاج الايراني

"و بغض النظر عن حرمة ظهور الانبياء ام لا لأن ليس هذا هو مقصدي"

المسلسل رائع و جذاب و يشد علي الرغم من بساطة انتاجه كما يبدو و ليس فيه لا خلاعة و لا مجون

طيب ما ممكن اهو يتعمل شغل نضيف و يبقي زي الفل


أؤيدك تماما في رأيك

بغض النظر عن رايى فى الموضوع
فانا احييكم على رقى الحوار
و ان كنت شايف ان الفكره هى : لنصل لاعلى قدر من الاستفادة العامة بالحرية هل نخضعها لبعض القيود المنظمة ؟
وهل من الممكن ان ناخذ النظامين الراس مالى و الاشتراكى بما لهما و ما عليهما كنموذج لهذه الفكرة ؟