الشرف ليا يا عبدة
انت جاري يا جميل يعنى ممكن بينى وبينك 10 د لو انت ساكن قرب مدرسه المنشيه
اخوك ساكن فى طوابق عند كعبيش كدة قرب عمارة شعبان عبد الرحيم ...:shyy:
عارف المنطقه ولا مش دايس هناك...
عرض للطباعة
يا لورد أنا أعرف الطوابق نص نص , بس كعبيش ما مشيتش فيها خالص , وأن ساكن خلف مدرسة منشأة البكارى الثانوية ومعظم طريقى من الطالبية أو المريوطية وان شاء الله لو جاءت فرصة فى أى وقت ممكن نتقابل وهبقى أكلمك ونحدد ميعاد وتشرفنا بمعرفتك يا لورد .
الجير بوكس يا شباب اللى هو صندوق التروس gear box اللى هو الفتيس اللى هو الحاجة اللى انت بتتحكم فيها بالعصاية اللى على ايدك اليمين اللى بتجيب بيها الغيارات اول وتانى وتالت ورابع، فى عربيات الدفع الخلفى بيكون تحت العصاية مباشرة اما فى عربيات الجر الأمامى (ومنها الماروتى ) بيكون بعيد عن العصاية ، فى حوض الموتور ،وحجمه بيكون قد نصف حجم المتور تقريبا، وهو لة زيت لازم لتشغيله غير زيت الموتور، تغيير زيت الجير بوكس بيكون كل 30 الى 40 ألف كيلومتر، لكن انا السبب اللى خلانى اقدم نصيحة تغيير زيت الجير بوكس للمرة الاولى فقط بعد 5000 كيلومتر انى لاحظت ان زيت الجير عندى كانت حالته سيئة بعد 5000 كيلومتر وده غالبا سببه تخرين السيارة لفترة مما يمكن ان يكون قد ادى الى ان الزيت اخد رطوبة وتلفت خواصه لسبب او لآخر، لذلك انا انصح بمراحعة حالة زيت الفابريكة وتغييره لو لزم الامر، وفى حالة تغييره فلا لزوم لتغيير الزيت الجديد بعد ذلك غير بعد 30 ألف كيلومتر، اتمنى الصورة تكون وضحت كدة