بتدي عربيتك لحد تاني يسوقها؟

**ahmedyehia515** · 29-12-2009 08:09 PM

المشاركة الأصلية كتبت بواسطة أحمد كمال

عربيتك زي مراتك ..... ماحدش يلمسها غير لو دكتور مضطر تروح له (التوكيل او الميكانيكي)

جدى الله يرحمه كان دايماً يقولى كده، اللى يسلف عربيته، يسلف مراته

**ابوهاشم** · 29-12-2009 08:34 PM

انا ممكن اخلى اخويا او صديقى يسوق مكانى وانا معاهم
لو رايحين مشوار سوا ود لثقتى فى سواقتهم
انا انى اسيبلهم العربيه مستحيل طبعا

**Eng.Geo** · 29-12-2009 08:45 PM

المشاركة الأصلية كتبت بواسطة mohabelnegm

(عربيتك - بندقيتك- وليتك)
مايتسلفوش بتاتا

ههههههههههههههههههههههههه ههههههههههههههههههههههههه ههههههههههههههههههههههه:poi nti~2[2]:
جامدة جدا
بالنسبة للموضوع:
انا كنت انا واصحابي عربياتنا واحدة
يعني انا عربيتي مش فاضية او فيها حاجة فبروح لاي واحد من اصحابي واخد عربيته عادي جدا بدون اي مشاكل وبكون محرص جدا علي عربية صاحبي اكتر من عربيتي
لغاية هذا الموقف : واحد صاحبي قاللي عايز العربية عشان رايح مشوار مهم وبعد نص ساعة اتصل بيا يقوللي تعالة عشان العربية مش شغالة (أنا قلت يمكن فاصلة كهربا ولا حاجة ) المهم نزلت رحتلة ولقيت المصيبة .............. العربية بقت هاتشباك
العربية كانت نيسان صني موديل اخر 2008
وعرفت تفاصيل الحادثة وهي انه كان بياخد غرزة ... تفاصيل الغرزة : الطريق اتجاهين يساعي عربيتين جمب بعض فقط .. فكان في عربية قدامه راح جاي في الاتجاه التاني علي يمين العربية عشان ياخد غرزة لقي عربية جاية في وشة راح دخل علي العربية اللي جمبه بالشنطة والعربية الي جاية في الاتجاه التاني دخلت برده في الشنطة ....عملوا الشنطة سندوتش
ومن ساعتها مبسوقش عربية حد من اصحابي وبعت العربية بعد ما صرفت عليها عشرة الاف .... وده بسبب اني اتشائمت منها وكانت تاعباني

**moudy88** · 29-12-2009 09:39 PM

انا راي مختلف معاكوا شويه ...العربيه مش زي مراتي ابدا (انا لسه متجوزتش عالفكره )
العربيه دي حته مكنه انا مشتريها بفلوسي زيها زي الموبايل والتلفزيون واي حاجه تاني وبتتغير لما ربنا يفرجها
ومينفعش تتقارن بمراتي (لانها بتبقى مره واحده في العمر ) ولا ايه رايكو ..

وانا مش مع منطق ان محدش يسوق عربيتي ابدا لمجرد المبدا بس ..انا شخصيا سوقت اكتر من 30 عربيه من عربيات اصحابي وقرايبي واخواتي ..وروحت بيهم مشواير ياما وساعات كنت بسافر بيهم كمان ..وياما اخوالي واخواتي خدوا عربيتي لاني واثق فيهم وياما انا واخويا الكبير بنبدل مع بعض العربيات ..وكتير من اصحابي في الكليه كانوا بيجربوها في الباركنج بتاع الكليه زي مانا بجرب عربياتهم وطبعا انا ببقى عارف سواقتهم..وكنت كل لما اغير العربيه اصحابي بيجربوها ..والحياه عادي يعني..بس طبعا في حالة اصحابي مش ممكن يسوقوا عربيتي من غيري ابدا (من منطق حرص ومتخونش)

وخليكو فرررررررري شويه (في العربيات بس مش اي حاجه تانيه )

**Eng.Geo** · 29-12-2009 09:44 PM

المشاركة الأصلية كتبت بواسطة moudy88

انا راي مختلف معاكوا شويه ...العربيه مش زي مراتي ابدا

(انا لسه متجوزتش عالفكره )
العربيه دي حته مكنه انا مشتريها بفلوسي زيها زي الموبايل والتلفزيون واي حاجه تاني وبتتغير لما ربنا يفرجها
ومينفعش تتقارن بمراتي (لانها بتبقى مره واحده في العمر

) ولا ايه رايكو ..

وانا مش مع منطق ان محدش يسوق عربيتي ابدا لمجرد المبدا بس ..انا شخصيا سوقت اكتر من 30 عربيه من عربيات اصحابي وقرايبي واخواتي ..وروحت بيهم مشواير ياما وساعات كنت بسافر بيهم كمان ..وياما اخوالي واخواتي خدوا عربيتي لاني واثق فيهم وياما انا واخويا الكبير بنبدل مع بعض العربيات ..وكتير من اصحابي في الكليه كانوا بيجربوها في الباركنج بتاع الكليه زي مانا بجرب عربياتهم وطبعا انا ببقى عارف سواقتهم..وكنت كل لما اغير العربيه اصحابي بيجربوها ..والحياه عادي يعني..بس طبعا في حالة اصحابي مش ممكن يسوقوا عربيتي من غيري ابدا (من منطق حرص ومتخونش)

وخليكو فرررررررري شويه (في العربيات بس مش اي حاجه تانيه )

انا كنت زيك كدة واكتر لغاية قبل الحادثة
بس بعد كدة مبسوقش عربية أي حد عشان مش اي حد يسوق عربيتي

**NoRmAl** · 29-12-2009 09:54 PM

لايمكن
مطلقا
وكمان فى مثل بيتقال على الحكايه دى بس مينفعش اذكره :)

**Ralliart** · 29-12-2009 10:02 PM

كان عندنا جالانت 91 2000cc وكانت جباره ومحافظين عليها زي الزيرو
لحد ما ابن عمي اقام عندنا فتره وبقا ياخدها العربيه بقت تخرف والفرش بقى كله نقر من السجاير وباظت خالص
حالياً محدش بيركب اللانسر غير انا واخويا ووالدي بس العربيه بتصعب عليا مبتقفش ولا دقيقه

**رزق** · 29-12-2009 10:15 PM

المشاركة الأصلية كتبت بواسطة moudy88

انا راي مختلف معاكوا شويه ...العربيه مش زي مراتي ابدا

(انا لسه متجوزتش عالفكره )
العربيه دي حته مكنه انا مشتريها بفلوسي زيها زي الموبايل والتلفزيون واي حاجه تاني وبتتغير لما ربنا يفرجها
ومينفعش تتقارن بمراتي (لانها بتبقى مره واحده في العمر

) ولا ايه رايكو ..

وانا مش مع منطق ان محدش يسوق عربيتي ابدا لمجرد المبدا بس ..انا شخصيا سوقت اكتر من 30 عربيه من عربيات اصحابي وقرايبي واخواتي ..وروحت بيهم مشواير ياما وساعات كنت بسافر بيهم كمان ..وياما اخوالي واخواتي خدوا عربيتي لاني واثق فيهم وياما انا واخويا الكبير بنبدل مع بعض العربيات ..وكتير من اصحابي في الكليه كانوا بيجربوها في الباركنج بتاع الكليه زي مانا بجرب عربياتهم وطبعا انا ببقى عارف سواقتهم..وكنت كل لما اغير العربيه اصحابي بيجربوها ..والحياه عادي يعني..بس طبعا في حالة اصحابي مش ممكن يسوقوا عربيتي من غيري ابدا (من منطق حرص ومتخونش)

وخليكو فرررررررري شويه (في العربيات بس مش اي حاجه تانيه )

بصراحة أنا مقدرش أعمل كده خالص.
أصلها مش بس مكنة, دي مكنة ممكن توديك في داهية لاقدرالله لاقدرالله لو مكنتش عارف إيه اللي حصل فيها وهي مش معاك.
يعني الكمبيوتر ده مكنة, ممكن تديه لقريبك ولا صاحبك سنين وتاخده تاني.
اخرك حتفرمت هارده لو معجبكش اللي عمله فيه.

إنما السواقة في رأيي محتاجة إنك تكون عارف كل حاجة عن عربيتك عشان تبقى ماشي مرتاح البال ماتتفاجأش بحاجة العربية بتعملها ف السكة.

مثل خيالي اكستريم شوية , لو معاك طيارة وسالفتها لواحد صاحبك ورجعهالك..حتسوقها وإنت مطمن ولا حتبقى قلقان؟