الموضوع: نكت جامده (الزعل ممنوع )

المشاركة الأصلية كتبت بواسطة النوبي

حرام عليك تأدب مع الله

علي فكره انا مش كاتبهم انا ناقلهم
ومش شايف فيها حاجه غلط بصراحه

المشاركة الأصلية كتبت بواسطة النوبي

ياسيدي والله اريد لك إلا الخير لا اكثر ولاكن الهزر شيء والهزر بذكر الله شيء اخر
للعلم لا اعترض علي نكت الصعايده ولاكن لا اريد لك سيئه لمجرد مزحه سخيفه ممكن ان نستعيض عنها باي شيء اخر وتذكر قول الله تعالي
( ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون ( 65 ) لا تعتذروا قد كفرتم بعد إيمانكم إن نعف عن طائفة منكم نعذب طائفة بأنهم كانوا مجرمين ( 66 ) )
الا تري يااخي ان الله ذكر في الآيه اسمه قبل آياته واقرء هذا الحديث

قال أبو معشر المديني عن محمد بن كعب القرظي وغيره قالوا : قال رجل من المنافقين : ما أرى قراءنا هؤلاء إلا أرغبنا بطونا ، وأكذبنا ألسنة ، وأجبننا عند اللقاء . فرفع ذلك إلى رسول الله - صلى الله عليه وسلم - فجاء إلى رسول الله وقد ارتحل وركب ناقته ، فقال : يا رسول الله ، إنما كنا نخوض ونلعب . فقال : ( أبالله وآياته ورسوله كنتم تستهزئون ) إلى قوله : ( مجرمين ) وإن رجليه لتنسفان الحجارة وما يلتفت إليه رسول الله - صلى الله عليه وسلم - وهو متعلق بنسعة رسول الله - صلى الله عليه وسلم - .

جزاك الله خيرا
فعلا فاتت عليا
المفروض ما ادخلش الله في الهزار
ربنا يسامحني هو عالم بالنوايا
طيب انا دلوقتي مش هينفع امسح الكلام المكتوب اعمل ايه ؟؟

المشاركة الأصلية كتبت بواسطة islamislam

طب خد دول كمان(منقول):

أيام الرسائل عن طريق الحمام الزاجل: واحد بعت طير لصديق له ولما وصل الطير بص الصديق على رجل الطير ما لقاش ورقة او رسالة فلما شاف صديقه يلي بعت له الطير من غير رسالة سالوا ايه قصة الطير يلي مافيش برجله رسالة بعتوا ليه ؟ قام قال له اصلي بعتلك مس كول

واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عارف ليه حاسس انك نحس

مرة واحد كل لما يعدى من شارع يشوف واحد بيشرب سجارتين فساله : ليه كل لما اعدى من هنا اشوفك بتشرب سجارتين؟ قاله: اصل انا كان ليه واحد صاحبى متعودين انو احنا نشرب سجاير هنا وصاحبى ده سافر فانا بشربلى وبشربله.. بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه؟ قاله: اصل انا بطلت سجاير

بتقول لجوزها: تعالى ودينى المستشفى .. ماما هناك وعندها حالة تسمم ... راح جوزها رادد عليها : لازم عضت لسانها بالغلط

مرة 5 دخلوا كلية الهندسة اثنين طلعوا مهندسين وثلاثة مدينة نصر

واحدة بتقول لجوزها بعد ما نجح فى الانتخابات هاتلى هدية غسالة بقى عشان انت مش حتبقى فاضى

سواق تاكسى دخل ينام مراتة قفلت علية الباب ندهلها وقالها افتحى الباب واقفلية تانى

واحد حب يعمل فهلوى قال انا هاصطاد بالموسيقى راح الغابة اول يوم وقعد يعزف يعزف جت النمور جنه ونامت راح ماسكها وحطها فى الاقفاص تانى يوم عمل نفس الحكاية واصطاد غزلان ثالث يوم شاف اسد قال لازم اصطادة النهاردة راح قعد يعزف يعزف والاسد راح هاجم عليه المهم الاسد اكل صاحبنا دة فكان فيه اتنين نسانيس على الشجرة واحد قال للثانى مش قلت لك هايقع من الاسد الاطرش


لية الصعيدي الصغير أذكي من الصعيدي الكبير .؟ لأنة مابقالوش كتير صعيدي

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح من الناحية الأخري

مره واحد بلديتنا طوبه جت في صدره بص وراه

واحد بلدياتنا عمل 2 إيميل، واحد دوت كوم للشتاء وواحد نص كوم للصيف

واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها،، دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت

مرة واحد بلدياتنا عرف ان الجلد موضة مشى عريان

مرة واحد اسمه محمدين خبط فى عمود نور ، كل محمد راح فى سكه

مرة واحد صعيدى أتجوز واحدة عندها الأيدز ، جبلها البلهارسيا


مدرس رياضيات اتجوز مدرسة رياضيات انجبوا طفل متساوى الساقين

واحد مسطول رجع مع صاحبه البيت الفجر . مراته بصت من البلكونة: بقينا الفجر و لسه جاى , اطلع يا منيل". قال لها : اطلع فين ؟؟؟ انزلى شوفى جوزك مين فينا

عربية كحيانة صاحبها سابها قدام بيت مهجور...ليه؟؟ عاوزها تبقى عربية شبح

مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق

مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا

ثلاثة مساطيل قاعدين في سهرة
الأول : أنا عندي فلوس أشتري فيها أمريكا الشمالية
الثاني : وأنا عندي فلوس أشتري فيها أمريكا الشمالية و الجنوبية
الثالث : و مين قالكم إني رح أبيع

واحد سباك سايب رسالة على التليفون يقول اترك اسمك وعنوانك بعد سماع صوت السيفون

واحدفاتح محل سمك ابنة مات فقال كان لسة صاحى وبيلعب

مره عشرة بلديتنا ماشيين ورا بعض وقعوا في حفرة واحدة

مرة واحد بلدياتنا نزل في محطة الرمل رجلة غرزت

واحد بلدياتنا رجع من السفر لقى الشقة مليانه صراصير.. غير قفل الباب

واحد بلدياتنا بنى جامع لقى الناس بتجيه كتير قـلـبه مـطـعـم

مرة قمبلة وقعت علي قهوة عملت بنننننننننننننننننننننننن ننننن


مره واحد بيقول لصحبه انامراتى زى الملاك قاله يا بختك انا مراتى لسه عايشه

غبي أذانية محروقة قالولوا : ليش اذنك محروقة؟؟
قال: كنت اكوي قميصي ورن التليفون ورديت بالمكوى
قالوا : والثانية ليه محروقة؟؟
قال: الحمار أتصل مره ثانية

مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

مرة واحد عجلاتى قعد على قهوة طلب كاوتشينو




Game over مهندس كمبيوتر مات............ كتبوا على قبره

سالوا سائق: مين المطرب المفضل عندك ؟؟؟ قال : مايكل داتسون

واحد مشغول اتجوز واحدة مشغولة خلفوا ولد مش فاضلهم

مرة واحد دكتور احول فى مستشفى.. اجاله مريض احول.. قال الدكتور الاحول: "متخشوش على بالاثنين!".. قالو المريض الاحول:" انا مش جاى الك جاى للدكتور اللى جنبك

واحد جاب دش كبير اوي و حطة علي سطح البيت عندة,خاف علية لحد يسرقة فنزل الشارع وقال للناس محدش يطلع السطح علشان جاب كلب كبير قوي فوق.و بعدين اتنين اخدهم القضول قواحد قال للتاني تعرف تطلع؟قالوا اة اعرف...طلع و لما نزل كان خايف فصحبة قالة شوفت الكلب؟قالو لا بس شقت الطبق اللي بياكل قية

مرة مدرس رياضيات خلف ولدين و استنتج التالت

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كده احنا بعدنا أوى

واحدة اتجوزت واحد شخصيته مهزوزة . ركبت له أريل

اتنين سكرانين ماشيين في صحراء قاحلة ... قال الأول للتاني
تسمح لي بكلمة على انفراد

واحد بيقول لخطيبته: أنا مش غني ولا عندى مرسيدس ويخت زى محمود ، لكن أنا بحبك من كل قلبى. قالتله: وانا كمان بحبك بس احكيلى أكتر عن محمود

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

قهوجى خلف ولد من غير وش



واحد بلديتنا اتعزم على حفلة تنكرية بعت اخوه

عشرة بلدياتنا أخذوا شقة و كل اسبوع يطردو واحد ليه ؟ يقلدو ستار أكاديمي!!

مرة ممثل كبير جاله دور برد , رفضه

مرة مذيعة عملت عملية في ظهرها...شالولها فقرة ..و حطوا برنامج

مرة واحد مسطول بيلعلب كورة اخد الكورة على صدرة طلعها من منخيرة

همبورجر وبيبسى و بطاطس بيجروا فى الشارع لية؟ عشان وجبات سريعة

واحده بلدياتنا قالت لجوزها قولى كلمه حلوه ، قال لها بسبوسه
قالت له يا اخى قولى كلمه تهزنى ، قال لها مرجيحه
قالت له قولى كلمه احس فيها انى مراتك
قال لها انتى طالق

مرة واحد بلدياتنا واقف في الشارع و بيتكلم في المحمول و عمال يزعق و يقول: بس دوري تاني ، دوري كويس
قام واحد معدي في الشارع جه قال له: في إيه
قام بلدياتنا قال له: طلبت رقم قامت طلعتلي ست عمالة تقول
(الرقم الذي طلبته غير موجود في الخدمة)

واحد بلدياتنا دخل بار، فجلس بجوار جيمس بوند، فقال له: عايزين نتعرف، اسمك
الكريم إيه؟
قال له: (بوند, جيمس بوند)..أند يو؟
رد عليه بلدياتنا و قال له: (دان, حمدان)


جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت

كان فيه خمسة صعايدة سموا نفسهم الشجعان التلاتة

واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل , وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى


حكم كوره أعد على قهوه ...طلب واحد صفر

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها

واحد سباك نفسه اتسدت غرقت الشقة

واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

مرة واحد وقف تاكسي و قاله : فاضي ياسطى ؟؟؟ قاله : ايوه فاضي.. قاله: طيب تعالى اقعد معايا عالقهوة شوية!!



التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد

كفايه كده
والله النكت ده اجمد حاجه
بتخلي الواحد يضحك من قلبه