يبقى قضى الأمر
اقتباس:
من ضمن حساسات العربية حساس سرعة العربية و من خلالة الكونترول بيعرف اذا كانت العربية ماشية ولا واقفة و لو الحساس باظ او فيشتة اتشالت التشك بينور... كمان لو شيلت فيشة عداد السرعة اللى فى التابلوة التشك حينور برضة
كلام جميل
اقتباس:
دى ساعات بتحصل فى العربيات الزيرو لما تشتريها من معرض... البهوات بيكونوا فاكين فيشة العداد عشان يمشوا بالعربية و الكيلومترات متتسجلش بس ساعات بينسوا يركبوها تانى قبل البيع
وأنا الدليل
لأنها حصلت معايا بالفعل
أول ما أشتريت العربيه من المعرض
كانوا جايبينها من مصر للأسماعيليه
وكل ما أمشى ألاقى عداد الكم ( مش شغال )
أنا وصلتها بنفسى على الفتيس
والأمور من يومها على مايرام
اقتباس:
و اللى بيشترى بيلاقى التشك منور و عداد السرعة مش شغال...
:stink[1]:
هو ده سبب سؤالى ليك
لأن لما أشتريت العربيه
لم ألاحظ الموضوع ده
لأن فيشة عداد الكم ( كانت منشاله )
وأنا فاكر أن مفيش حاجه كانت منوره فى التابلوه
( الكلام ده من 3 سنوات )
على الرغم أن لمبة التشيك عندى تمام وبتنور ( وقت فتح الكونتاكت )
اقتباس:
انا حاولت افهم ليه الكونترول اصلا عايز يعرف العربية ماشية ولا لا ليه
شرحووووووو
هههههههههه
اقتباس:
الحاجة الوحية اللى لقيتها بتفرق بين حالة السكون و حالة المشى فى العربية هى ضبط سرعة الايدل...
صدقت
اقتباس:
الكونترول مش حيضبط الايدل على 850 و العربية سخنة الال لما تقف تماما
صدقت
اقتباس:
جرب تطلع بالعربية و هى لسة باردة و الRPM على 1200 او اى حاجة فوق 1000 و امشى بيها... حلاتاقى كل ما تمور و العربية لسة ماشية الRPM عالى و ثابت عند 1200 او القيمة اللى كانت موجودة ساعة ما انت مشيت... و لو مورت و العربية فضلت ماشية مسافة برضة الRPM مش حينزل الا لما العربية تقف تماما
مبلحقش
مجرد أنه بينط على 1600 أول الدواره
مفيش لحظات
وألاقيه نزل تحت ال 1000 لفه
اقتباس:
انا مازلت مش عارف لية لازم الRPM يضبط و العربية واقفة تماما برضة
أعتقد علشان السلانسيه زى ما أنت عارف
يعنى سرعة الحمل الخالى
يعنى لازم العربيه تبقى واقفه ومفيش أى أحمال على الموتور
على أساس أن وحدة التحكم تبقى فى حالة أنسجام كامل مع سرعة الحمل الخالى ( وحمل الموتور فى هذا الوقت )
ومع أخذ أحمال بعدها من الموتور ( مع حركة السياره )
بتبقى الأمور بأت عاديه
على أساس من خلال قراءات الحساسات المختلفه
وبرنامج السوفت وير ( داخل ذاكرة الوحده )
بتسير الأمور بعد كده على مايرام ( حسب الخطه )
اقتباس:
يمكن عشان فى حالة المشى ممكن السوق يعشق و يكمل مشى فى اى لحظة بالتالى مش مستحب اللعب فى سرعة دوران الموتور فى التوقيت دة؟؟؟؟ الله اعلم
ده أحتمال تانى ومقبول فعلا
على أساس أن تدخل السواق بيعتبر ألغاء لدور عملية التحكم
فى فهم الأمور من بدايتها
المهم
قوللى بأه
عداد ال RPM بيعتمد فى شغله على أيه بالضبط
هل على أشاره من البوبينا ( أشاره كهربيه ) بحيث تحولها وحدة التحكم لعدد لفات وبكده بتتحكم فى شغل العداد ده مثلا
ولا بناء عن خرج الدينامو ( على أساس مع مقدار خرج الدينامو من أمبير عند أى سرعه ) بيتعرف سرعة المكنه كام
ولا من خلال أشارة حساس الكرنك وعلاقته بوحدة التحكم
بيتعرف سرعة المكنه
ولا أيه النظام
لأن سيجنال العداد ده ( أى عدد لفات المحرك )
مش واضحه معايا الصراحه
ولا ممكن تكون سيجنال العداد ده بتعتمد على التخفيض العكسى بتاع فيشة حساس الكم (على الفتيس )
ولا أيه