سلامو عليكم
في الحقيقة انا رحت انبارح بحمد الله و سجلت العربية خلاص في الشهر العقاري و كان النظام كالاتي
العربية هيونداي 2000 موتور 1300 سي سي انتاج محلي وطبعا في الشهر العقاري كانوا عاوزين يحسبوها كوري فطلبوا مني 735 جنيه فقلت لها بس العربية محلي مش كوري فقالت لي هات لي شهادة بيانات تقول انها محلي وفي الحالة دي هتدفع 525 جنيه بس،
بيني وبينكم لاقيت ان ده حقي ومش هسيبه رحت مرور حلوان اللي العربية تبعه عملت شهادة البيانات بعد عذاب وزحام الراجل جاب الملف وقالي العربية دي ورقها في المعادي روح مرور المعادي و هو هيشوف لك الملف
رحت جري ع مرور المعادي و بالفعل كتبوا لي فيها انها انتاج محلي و بكده دفعت مصاريف 525 جنيه في العقد المسجل بدلا من 735 و اصريت انقل الموضوع لكم للآفادة
والسلام عليكم ورحمة الله وبركاته