لمن يعاني من صعوبة حركة عصا الفتيس

عصاية الفتيس كانت تقيلة شوية وبتعلق وساعات مش بتنقل وخصوصا الصبح

غيرت طقم حشو العقربة ومفيش فايدة

فبالصدفة كنت عايز أشوف ما هو حول عصا الفتيس داخل السيارة

ففكيت الغطاء الجلد الموجود حول عصا الفتيس ، ولقيت عصاية الفتيس حواليها وتحتها في حاجات بلاستيك عليها آثار شحم لكنه منتهي

اشتريت علبة شحم صغيرة بـ 3 جنيه وفرشاة صغيرة ، وشحمت كل الأجزاء المتحركة وحطيت حتة شحم على القطعة البلاستيك بتاعة الغيار الخلفي

النتيجة ولله الحمد الغيارات خفيفة جداااااااااااااااااااا وبطلت تعلق وخصوصا الغيار الخلفي بييجي بسرعة من أول مرة عكس زمان
الغيارات بتروح مكانها على طول بدون أي معاناة

الله ينور عليك

الله ينور يا باشا

كل فترة نبقي نعملها للمحافظة علي نعومة حركة الفتيس

انا بعانى من الغيار الخلفى مع العلم العربية جديدة
وهجرب اللى عملتة ....والله ينور عليك

الثقل النسبي عند اول الحركة بسبب الزيت لكن اول ما تتحرك و الزيت يوصل لكل الأجزاء جيدا الثقل دة بيروح بس عملية التشحيم للعصاية و الوصلات التي تحت الغطاء الجلد مهمة برضة وبتفرق كتير انا عملتها من شهر و علي فكرة ممكن تنضف ب wd 40 الشحم المتسخ وتزيلة وتحرك العصاية لكل النقلات شوية ثم ضع الشحم الجديد وبرضة التحريك لعدة مرات لكل النقلات بيكون مفيد جدا و الشحم بيوصل للوصلات كويس

الميكانيكى بتاعى كل فترة(كل كام شهر) بيفك الغطا الجلد اللى حوالين عصاية الفتيس و بيحط شوية زيت موتور على ألأجزاء المحيطة بعصاية الفتيس.

شكرا يا باشا بس الاحسن نحك شحم ولا زيت ؟؟؟؟؟؟؟؟؟؟؟؟؟؟

و الله أنا الميكايكى بتاعى بأثق فى كل حاجة هوا بيعملهالى فى العربية(بتعامل معاه من أكتر من 8سنين) و هو عالطول بيحط زيت مش شحم(شوية زيت مش كتير)

جربت الموضوع دا قبل كدة وجاب نتيجة كويسة
الشحم افضل لان المكان مفتوح

الله ينور يا جماعة

هو الموضوع ده ممكن نعمله بنفسنا ولا لازم ميكانيكي ؟

اقتباس:

---

المشاركة الأصلية كتبت بواسطة omrkhaled

جربت الموضوع دا قبل كدة وجاب نتيجة كويسة
الشحم افضل لان المكان مفتوح

---

كلام مظبوط

اقتباس:

---

المشاركة الأصلية كتبت بواسطة elakawy

هو الموضوع ده ممكن نعمله بنفسنا ولا لازم ميكانيكي ؟

---

بسيطه جدا يا أبو حميد

نظف مكان الشحم القديم
وحط شحم جديد مكانه من نوع محترم

وحرك العصايه العديد من المرات وأنت مبطل وممور
بهدف توزيع الشحم

شكرا للافاده..ومشاركة الخبرات

زيت الفتيس عندي يعتبر لسه جديد (كنت جايب موبيل مش عارف اي تفاصيل عنه) وطقم الدبرياج كله جديد ماشيين 20 ألف كيلو تقريبا
، وجبت طقم حشو عقربة وطقم اصلاح دبرياج بعني المفروض تكون الغيارات خفيفة جدااااااااااااا

اللي بيحصل العكس رحت عند أكتر من ميكانيكي يمكن 9 ميكانيكية واحد فيهم قاللي غير فتيس استيراد فقلت عيش وتعايش مع المشكلة

ولما فكرت ايه اللي ما كشفتش عليه من بداية عصاية الفتيس لغاية الفتيس لقيت الحتة دي

فكها سهل جدا بتطلع لفوق وفيها زي كلبسات ممكن أي حد يعملها بنفسه

أنا لقيت فيها اثار شحم مش زيت فاستعملت شحم زي ما موجود

المرة الجاية هاضيف زيت

شكرا على نقل التجربة
بس على فكرة أغلب العربيات الجديدة مكتوب فى الكتالوج بتعها ما معناه :فى الغيار العكسى (أو المارشدير) يجب الانتظار بعد ضغط الدبرياج على اخره لمدة ثانيتين على الأقل قبل تحريك عصا الفتيس.
الموضوع دة فعلا بيخلى الغيار الخلى يجيى بنعومة أكتر و يحافظ على أجزاء الدبرياج ( ديسك, اسطوانة ,...)

شكرا للافادة

الزيت افضل من الشحم واسهل كتير

اقتباس:

---

المشاركة الأصلية كتبت بواسطة tuttoo

الزيت افضل من الشحم واسهل كتير

---

الى بيتحط بسهولة بيروح بسهولة

الزيت تأثيرة مش بيدوم اكثر من اسبوع

اقتباس:

---

الى بيتحط بسهولة بيروح بسهولة

الزيت تأثيرة مش بيدوم اكثر من اسبوع

---

1+1+1+1+1+1

طيب ياريت تقولنا ازاى بيتفك الغطا بتاع الفتيس الكيس الجلد دا ؟

وشكرا

اقتباس:

---

المشاركة الأصلية كتبت بواسطة popahly

طيب ياريت تقولنا ازاى بيتفك الغطا بتاع الفتيس الكيس الجلد دا ؟

وشكرا

---

هالقى الكويتش دا ممسوك فى فريم بلاستك
اكبس علية بأيدك و شدة لفوق

ألف شكر علي الإفادة ، أنا كنت فاكر إني ممكن أرش wd 40 بس

الله ينور عليك يا باشا

شكرا جزيلا على الإفادة الله يبارك فيكم جميعا

الله ينور عليك