يا ترى أسعار المستعمل ايه مع بداية 2010
عرض للطباعة
يا ترى أسعار المستعمل ايه مع بداية 2010
سؤال مهم جدا
ويريت الرد من الخبراء
انا والله كنت عايز اشتري عربية قبل كده
لاى سمعت عن موضوع احلال الملاكى دا
فهل دا مكن ولا ايه نظامه ولا ايه؟
يريت الرد من الخبراء
اى عربية بيعدى عليها سنة اكييد سعرها بينزل بس عندنا هنا فى حاجات غريبة
الاسعار حتفضل زي ماهي ولا حيحصل حاجه
اولا مفيش احلال علي الاقل دلوقتي
ثانيا بالنسبة لتخفيض الجمارك حتنزل من 40 % ل 36 % يعني الموضوع كله 4 %
باختصار لو عربيه تمنها 100 الف زي الالنترا حتنزل ل 96 الف بس وفيه عربيات كتير اسعار الزيرو بتاعتها رفعت شويه من شهر عشان اما تنزل ال 4 % يبقي ماخسروش حاجه ده غير ان فيه فروق في الاسعار من الف لالف ونص مابين المعارض يعني التخفيض حيبقي زي قلته
عموما لو عاوز تشتري وانت متطمن استني لاخر الاسبوع فاضل يومين ع السنه الجديده
اخيرا ,, حتي لو اتفاقيه الجات اتطبقت وتم الغاء الجمارك بالكامل وبقت زيرو % ماتفتكرش ان اسعار العربيات حتبقي ببلاش زي ماناس كتير متخيله
اولا الجمارك وخصوصا ع السيارات بتتدخل للبلد مليارات كل سنه فمستحيل حيتم الاستغناء عن مورد دخل مهم زي دلوقتي اكيد حتتم زيادة الرسوم وضريبة المبيعات وكل الكلام ده وحيبقي فيه رسوم اغراق وحاجات كتير جدا
لان لو تم الغاء الجمارك بشكل كامل وبقت اسعار العربيات زي الاسعار في الخليج مثلا
حيتجه الجميع لشراء العربيات المستورده وكل مصانع تجميع السيارات اللي في مصر حتقفل
بالنسبه لموضوع الاحلال فيه اشاعات كتير جدا انتشرت انه حيتطبق من اول السنه
وفيه ناس زودت الاشاعه وشطحت في الكلام
وقالت ان الاحلال بيتم ((( تجريبه ))) في الجيزة وبعدين قالو في اسماعيليه واخيرا بيتجرب في اسكندريه ( احنا ملوك الاشاعات ياباشا )
لا وكمان قالو ان القسط حيبقي حوالي 250 جنيه وفي الاخر مفيش حاجه حتحصل
- اول ماتم تطبيق الاحلال في الاجره وكان الهدف منه تنشيط السوق وتشغيل مصانع العربيات اللي اتاثرت بسبب الازمه الماليه العالميه و افلاس جنرال موتورز وغلق عدة مصانع ل ( تويوتا ) في اسيا
الهدف الاساسي من موضوع الاحلال كان تشغيل مصانعنا
المهم ان معظم اصحاب العربيات والسواقين خافو من الدخول في المشروع الجديد بسبب بنديرة التاكسي العاليه , لكن اول ماتم تطبيق المشروع و نجح سواقين كتير جدا عاوزين يدخلو الاحلال هما كمان ودلوقتي فيه طلبات لاكتر من 6 شهور قدام وبيقولو انه اخر ميعاد لتقديم طلبات الاحلال ( بالنسبه للاجره ) حيكون اخر 12 - 2009
يعني باختصار اما يخلصو طلبات الاجره يبقي يعملو احلال للملاكي ياباشا ,, والله اعلم
و نسيت الميكروباص كماناقتباس:
المشاركة الأصلية كتبت بواسطة zezo13178