ازاي تمشي بالعربية و كابل الديبرياج مقطوع ؟

**mino** · 05-12-2007 04:34 PM

ازاي تمشي بالعربية و كابل الديبرياج مقطوع ؟

**TAG_Turbo0** · 05-12-2007 04:59 PM

كل مات عوز تنقل تطفى الكونتاك وتنأل وبعدين تدور ودوس بنزين

**3mr Farrag** · 05-12-2007 05:03 PM

لأ يا تاج مش لازم تطفي العربيه ده باس علي الاول.....يعني النقله الاولي بس تجيب الاول و بعدين تدور العربيه هتلاقي العربيه عماله تنط ...اعد تكارك بنزين لحد ماتدور ....و في بقيت النقلات انقل عادي بس براحه علشان هتلاقيها بتعمل صوت حشرجه شويه كده....
انا جربت الموضوع ده قبل كده في 128 و عملت زي مانا قلت كده

**seka** · 05-12-2007 05:20 PM

هو زى ما قال ا/ عمرو بس متهيالى مش هاتعرف تنقل لان مافيش ديبرياج وسبب ان بتبطل العربية وتعشق ع الاول ان التروس بتاعت الفتيس بعيدة عن بعض فتقدر تعشق وتمشى ع الاول بس بس دة طبعا غلط ع الفتيس والديسك والاسطوانة والكرونة والكردان لو العربية دفع خلفى وشكرا

**zeyad1810** · 16-12-2007 12:52 AM

انا بنقل من غير دبرياج وانا ماشى بس بيكون فية عضة فى الفتيس

**fahd_628** · 16-12-2007 01:11 AM

بص يا باشا فية حاجة ممكن تجيب اول و انت طافى العربية و واقف و بعدين تدور و تكون دايسبنزين حتلاقى العربية مشيت بس دة على الأول بس او ممكن على التانى (مش متاكد ممكن على التانى ولا لأ ) بس دة بيحمل على المارش جامد

**hazem_khidr** · 22-12-2007 02:19 PM

لو كابل الدبرياج قطع :
تعشقق الاول و العربيه مش شغاله و تدورها بالمارش عادي حتنط لحد ما تدور و انت دايس بنزين.
لما تيجي تعشق التاني او التالت او اي سرعه تقوم مبطل العربيه و معشق و بعدين تشغلها تاني.
دا احسن حل .
الله يرحم ال 125 كان الدبرياج بتاعها باكم و عمرها ما عملت حاجه من دي و كنت بفتري عليها و بنقل حتي من غير دبرياج و ما كنتش بتقول لاء بس لازم النقل يبقي بسرعه

**eng_mkhalaf** · 24-12-2007 09:16 AM

ان الدبرياج بتاعها باكم

يعنى اية باكمم

**أبو ياسين** · 27-12-2007 04:10 PM

فى مره كان معايا 128 و كابل الدبرياج قطع
فشفت ميكانيكى و لقيته و دها الورشه و ساق زى م استاذ

3mr Farrag

فجربتها بعد كده فى كذا عربيه فاشتغلت عادى ممكن تنقل عادى من غير دبياج
المشكله ان لو الطريق زحمه هتنطر تقف كتير و بالتالى هتجيب اول كتير لان العربيه هتبطل منك

**ahmed1981** · 27-12-2007 11:47 PM

الأول :تعشقه والسيارة مطفية وتدور العربية رجلك على البنزين لغاية لما تنط وتمشي
التاني :هتفصل الأول وتوازن بين سرعة الموتور وسرعة العجل عن طريق مدى ضغط رجلك على البنزين وتضغط الفتيس في مكان التالني بالراحة لغاية لما يلقط ويدخل مكانه
الثالث والرابع وغيره بنفس طريقة الثاني وبدون أن تطفيء السيارة

محاذير هذه الطريقة:
- لا تستخدم إلا في الضرورة القصوى
- غوايش الفتيس بيحصل لها تآكل تدريجي (تتطرم)
- نتيجة لهذا التآكل الفتيس يبدأ يعض حتى مع دوس الدبرياش
- ممكن تكسر ترس أو هلالة أو سنة ترس (مكونات الفتيس)

الختام : لا تفعل ذلك إلا عند الضرورة

الموضوع: ازاي تمشي بالعربية و كابل الديبرياج مقطوع ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

هل ينفع امشي بالعربية واطلع برة القاهرة بالعربية بدون نمر

سلك مقطوع مش عارف بتاع ايه؟؟؟

دية طريقة المشى بالعربية حتى لو سلك الدبرياج مقطوع

خرطوم مقطوع

ازاي العربيه تمشي علي عجلتين

الكلمات الدلالية لهذا الموضوع

المفضلات

المفضلات

ضوابط المشاركة