محدش راضي يغير زيت الفرامل

**M.Zaher** · 29-12-2009 09:51 PM

السلام عليكم و رحمة الله
روحت النهارده لتاني ميكانيكي عشان اغير زيت الفرامل يقولي مابيتغيرش بيتزود لما بينقص
ورحت لبتاع زيت برده قاللى مابيتغيرش
قولت اغير زيت الباور
نفس القصه

اعمل ايه بقى

**MoMohsen** · 29-12-2009 10:57 PM

هتمشى وراء كلام الصنايعيه يبقوا هيودوك فى داهيه المانيوال بيقول تغير زيت الفرامل كل 30.000كم او كل سنتين .شوف انت عاوز تسمع كلام مين بس علبتين زيت بـ30 جنيه افضل 100 مرة ما تلاقى ماستر الفرامل ضرب او حتى جلد الماستر و اكيد مفيش حد عاقل فى الدنيا يقول ان تغيير اى زيت ليه اثر سلبى يعنى فى جميع الاحوال انت الكسبان.

**samirayad** · 29-12-2009 11:01 PM

و اكيد مفيش حد عاقل فى الدنيا يقول ان تغيير اى زيت ليه اثر سلبى يعنى فى جميع الاحوال انت الكسبان.

الكلمتين دول فيهم الكفايه الصراحه
حتى عن أى كتالوج

**رزق** · 30-12-2009 12:00 AM

المشاركة الأصلية كتبت بواسطة momohsen

هتمشى وراء كلام الصنايعيه يبقوا هيودوك فى داهيه المانيوال بيقول تغير زيت الفرامل كل 30.000كم او كل سنتين .شوف انت عاوز تسمع كلام مين بس علبتين زيت بـ30 جنيه افضل 100 مرة ما تلاقى ماستر الفرامل ضرب او حتى جلد الماستر و اكيد مفيش حد عاقل فى الدنيا يقول ان تغيير اى زيت ليه اثر سلبى يعنى فى جميع الاحوال انت الكسبان.

معلش حتة خارج الموضوع, بس لو عندك مانيوال النوبيرا تقدر حضرتك تبعتهولي بالميل عشان كل اللي بلاقيهم فيهم حاجات غلط؟

بنسبة لتغير الزيت, أنا لسة من حوالي اسبوع منزل كل الزيوت ومغيرها كلها بزيوت موبيل للاحتياط وقدر اقولك, أنا فعلا ماشي دلوقتي وانا مطمن بدل مروح لاي حد يزودلي زيت معرفش جابه منين.

عامةً كنت واقف على إيده وهو بيغير وقدر اقولك إنها يمكن أسهل من تفضيت زيت الموتور, بيقلب العلبة دي مش فاكر اسمها إيه ويا بياخد هوا بنسبة للفرامل يا بيخليك تحرك الدركسيون بنسبة للبوور.

وانا حاسس إن من ساعة مغيارت الزيوت إن العربية خدت كورس فرفشة كده.

**MoMohsen** · 30-12-2009 01:29 AM

المشاركة الأصلية كتبت بواسطة AngelicCore

معلش حتة خارج الموضوع, بس لو عندك مانيوال النوبيرا تقدر حضرتك تبعتهولي بالميل عشان كل اللي بلاقيهم فيهم حاجات غلط؟

بنسبة لتغير الزيت, أنا لسة من حوالي اسبوع منزل كل الزيوت ومغيرها كلها بزيوت موبيل للاحتياط وقدر اقولك, أنا فعلا ماشي دلوقتي وانا مطمن بدل مروح لاي حد يزودلي زيت معرفش جابه منين.

عامةً كنت واقف على إيده وهو بيغير وقدر اقولك إنها يمكن أسهل من تفضيت زيت الموتور, بيقلب العلبة دي مش فاكر اسمها إيه ويا بياخد هوا بنسبة للفرامل يا بيخليك تحرك الدركسيون بنسبة للبوور.

وانا حاسس إن من ساعة مغيارت الزيوت إن العربية خدت كورس فرفشة كده.

يا فندم انا فعلا كنت عملت موضوع من فترة و رفعت المانيوال بس من الواضح ان الناس مكنتش مهتمه على العموم الموضوع لسه موجود و لو فيه اى حاجة انا تحت امرك
http://www.nilemotors.net/Nile/10960...ical-data.html