-
زيت الفرامل بينقص
السلام عليكم يا شباب
كان بعد أذنكوا عندي سؤالين :
1- زيت الفرامل لاحظت انه بقاله كام يوم بينقص من ساعه ما غيرت التيل ماركة جولد من حوالي شهرين بس ماكنتش بدي الموضوع اهميه لأن النقص في الزيت كان بسيط اوي ..لكن النهاردة وانا بشيك على العربية الصبح لقيت الزيت وصل النص بالضبط بين علامة Max وعلامة Min فياترى ايه السبب ؟ تفتكروا ممكن يكون التيل الجديد هو السبب ؟
2- السؤال الثاني كنت عايز اعرف ايه هي العقربة ؟
وشكــــــــــــــــــــــ ــــــــــراً.
-
بالنسبه للنقطه الأولى
ممكن يكون التيل فعلا تعبان وبيتاكل بسرعه
أو الطنابير حاميه عليه شويه وبيتاكل بسرعه
علشان كده الزيت بيقل فى التنك
عموما أكشف على كل دورة زيت الفرامل ودورة الدبرياج
علشان تطمن أن مفيش أى تسريب زيت واضح
بالنسبه للنقطه التانيه
العقربه دى سميت بهذا الشكل
لأنها عباره عن مجموعة شوك خاصه بالنقل فى أعلى الفتيس
عباره عن كذا شوكه ( شبه أرجل العقرب )
ليه بأه سموها عقربه ( بتاء الـتأنيث )
مش عارف الصراحه
المفروض كانوا سموها ( العقرب )
لأن الفتيس مذكر
مش كده ولا أيه يا أبو حميد
-
شكرا لحضرتك يا باشمهندس سمير على المعلومات المفيدة دي .
-
-
البشمهندس سمير دايما جاهز
-
راجع علي خراطيم الزيت الموصلة للاربع عجلات هي ومسماير اخذ الهواء وشوف فيه اي تسريب للزيت وبص كمان في اسفل ماستر الفرامل
Content Relevant URLs by
vBSEO 3.6.0 PL2