رجااااااااااااالة بكل ما استطعتم جين تو ولا ماتريكس ؟

**شريف شعبان السيد** · 05-12-2007 05:17 PM

اولا من حيث قطع الغيار اسعارها وايهما معمر و الكماليات والقيادة السلسة التسارع انا عارف ان الاتساع الداخلى الماتريكس افضل يعنى سيارة عائلية بس ده مش يفرق معايا وشكرا لكل من ادلى بعلومة وكل عام وانتم بخير

**Heshaam** · 05-12-2007 05:31 PM

للأسف معرفش كتير عن الماتريكس - لكن هأقولك اللي أعرفه

الكماليات والضمان أعتقد الجين تو

أسعار قطع غيار الجين تو فيه موضوع في منتدى بروتون عامله أ. tutankhamoun ممكن حضرتك تطالعه؛ وهي معمرة في الاستخدام العادي

الجين تو تسارعها ممتاز - سواقتها ممتعة

**الريس** · 05-12-2007 05:40 PM

لو علو الماتريكس عن الارض و وسعها مش فارق معاك
يبقى جين تو طبعا احسن
هي تكسب في القيادة السلسة و التسارع و الشكل .. ده اكيد
و تخسر في اعادة البيع و سعر قطع الغيار ...

**شريف شعبان السيد** · 06-12-2007 12:17 PM

المشاركة الأصلية كتبت بواسطة الريس

لو علو الماتريكس عن الارض و وسعها مش فارق معاك
يبقى جين تو طبعا احسن
هي تكسب في القيادة السلسة و التسارع و الشكل .. ده اكيد
و تخسر في اعادة البيع و سعر قطع الغيار ...

هو علو الماتريكس ميزة فى القيادة ولا ميزة فى المحافظة على العربية من المطبات خصوصا انا غايب عن مصر من فترة ومش عارف ايه التغيرات الى حصلت

**abo3bdolrahman** · 06-12-2007 01:37 PM

خلوص الجين 2 من الأرض مساوى تماما لخلوص الماتريكس و ده بالقياس و العربية الماتريكس كانت موديل 2004 كورى معرفش الجديدة التركى أعلى و لا لأ و الجين 2 ما فيش أى مشكلة فى المطبات و أسعار قطع الغيار لنفس الوظيفة السعر متقارب جدا و يمكن الجين 2 أرخص فى بعضها و عن خبرة.اما الجين 2 أفضل فى التسارع و الإتزان عن تجربة و ليس كلام فى الهواء

**amrya** · 06-12-2007 06:43 PM

gen 2 gen 2 gen 2 gen 2

**zezo13178** · 07-12-2007 12:41 AM

سوقت الماتريكس بس ماسقتش الجين 2 بس اسمع ان الجين عربيه ثابته جدا ع الارض وموتورها قوي
الماتريكس اوسع انتشار و قطع غيار متوفره وصيانتها سهله لكن توكيلها سئ
الجين 2 شكلها اشيك وشبابي اكتر يعيبها تقفيلها السئ خصوصا في الصالون ويعيبها برضه صعوبه الرؤيه من البرابريز الخلفي لانه مايل شويه
الجين 2 صاجها قوي جدا