عرض للطباعة
السلام عليكم يا شبااااااااب
دي أول مشاركة لي في المنتدي الجاااامد جداً مع اني متابع جيد من حوالي سنه
المهم عشان مطولش عليكم، أنا ناوي أشتري عربية كمان شهرين ان شاء الله ومحتار جداً، أولاً أنا عاوز حاجة في حدود ال 80000 ومش فارق معايا مانيوال ولا اوتوماتيك، المهم تكون عفشتها كويسة بس تكون فول اوبشن مع العلم ان اخوكم مالوش في الجري :120105~352:
بفكر مبدئيا في نيو أكسنت، يالا مستني نصائحكم الغالية
محمود
ممكن نيو أكسنت أو كيا ريو
لو هاتش باك ممكن جيتز
واحتمال كبير على ماتيجى تشترى تكون ال i20 نزلت
مشكله الهيونداى ... عدم وجود عوامل امان
http://img121.imageshack.us/img121/5...5555555505.jpg
ممكـن كمان تفكــر فى بروتون جين2 (2air bags , abd , ebd)
عريبه جميله جدا ... والحمد لله اغلب ملاكها راضيين عنهــا
مانيوال فل اوبشن : 84900
اوتوماتك فل اوبشن : 90900
+
فى تخفيض -2500- قابل للازديــاد ... لاعضــاء نايل موتورز
وانــا تحت امرك فى اى استفســـار فى بروتون
وربنــا يوفقك للاختيــار الخيــر -ان شاء الله-
تحيــــــــــــاتــــىhttp://i122.photobucket.com/albums/o.../th_eclown.gif
شكرا يا شباب
علي فكرة يا أيمن انا بحب ال Gen2 جداً بس عندي 4 مشاكل معاها:
1- التابلوه رديييييييء جداً
2- الوكيل
3- توفر قطع الغيار
4- ال Multi function فيه مشاكل
يا ريت ترد علي كراجل بروتوناوي :) ومستني مقترحات جديده
لو ناوى على هاتش استنى i 20
غير كدا عندك رينو سيمبول مانيوال كاملة 80,000
كيا ريو الشكل الجدييد اوتوماتيك و اير باج 1600cc ب 87,000
هيونداى اكسنت كاملة اوتو ب 84,000
و ال proton الفيها عيوب بسيطة اوى و مش فى كل العربيات و كلها حاجات تتظبط فى الضمان
و لو عايز حاجة احسن من ده كلو جبلك الينترا اول فئة الهيا مانيوال كاملة ب 93,000
او ياريس half option لو كان لسه فاضل فى المعارض ب 86.500
نيسان صني عليها تخفيضات هائلة
هي الهيونداي i20 نازله امتي ان شاء الله؟
بروتون ساجا اوتو...................:36_1_1[1]:
اي توينتي يمكن كمان 20 يوم مع معرض الفورميولا
+1اقتباس:
المشاركة الأصلية كتبت بواسطة mohamed_rhem
أنا افضل جين 2 بس حضرتك ليك عليها ملاحظات
تبقى النيسان صنى مع ملاحظة أن غالبا هينزل منها شكل جديد غير الشكل الحالى وده سبب التخفيضات فلو كان شكلها عاجبك ( انا شايفها حلوه من وجهة نظرى ) يبقى خليك فى الصنى
اقتباس:
المشاركة الأصلية كتبت بواسطة mabdelhaleem
- هو حضرتك بتقصد خامات تابلوه موديل -2009- ؟؟؟
هى خاماته نفس خامات بقيه السيارات اللى فى نفس الفئه ... بل وكمــان تصميمه شبابى ومختلف عن الباقــى ...
مش عارف حضرتك تقصد بخاماته ايه , وبتقارنه بايــه ؟؟؟
.
.
- التوكيــل ... فعــلا كان سىء وكانت الشكــاوى كتيره منه
ولكــن الان فى تحسن مستمــر ... مافيش حد بيشتكى من حاجه الا وبتتحل مشكلته فى اسرع وقت .
يعنى مشكله قطع الغيار ... بقيت الدفعات بتدخل كل اسبوعيين او تلاته ... زمان كنت ممكن تقعد شهر ونص عشان مستنى اكصدام !!!
زمان كان فى حاجات مش بيجبوها غير بالطلب (زى مثلا اللوجو بتاع بروتون) دلوقتى بقوا عامليين ستوك من حاجات كتيره .
الصيانه حسنوها كتير ... بدءا من تعيين طاقم استقبال محترف(ماكنش فى الكلام دا قبل كده) , انشاء صيانه سريعه داخل التوكيل , زيادة مراكز الخدمه اللى تابعه للتوكيل , حاليا بيتم فتح مركز جديد فى القريه الزكيه , و مركز جديد لخدمه عملاء مدينه نصــر والمناطق المجاوره (قريبـــا -تحت الانشــاء-)
الخــلاصه ... فعلا وكنت بقولها زمان عيب بروتون فى مصر كان التوكيل ... بس حاليـــا التوكيل بيتحسن ومهتم جدا بالتطوير وتنفيذ اقتراحات عملائـه
.
.
- قطع الغيـــار زى ماقولتلك مشكله انك تقعد تستنى القطعه شهر والكلام دا قل جدا جدا ... هى لسـه موجوده وفى ناس لسه بتشتكى ... انما بقيت مش محسوسه زى زمان ... وعلى الخطوات اللى ماشيين عليها ... اظن ان الفتره الجايه هتنتهى
.
.
- المالتـى فانكشــن ... الشكوى منه فى حته ان فى زرار بيبدل وظيفته مع التانى ... ودا عشان فى تراب بيدخله ... حلــه :
1- تضغط على الزرار ضغطه لمده ثانيتين كده ... وبتلاقيه اتضبط (دا اللى انا بعمله لما علق معايا) ... انا مش عارف بيكون فيه ايه عشان لما اضغط عليه يتضبط ؟؟؟
2- تفك وش الطاره ... وشويه هوا تنظفه ... وبيرجع زى الاول
--------
شوف مافيش عربيه كامله ... كل عربيه فيها مميزات وعيوب
فانا مثلا قبل ماجيب الجين كنت عارف ان ممكن يطلعلى عيوب تقفيل ... وان التوكيل مش حلو ومقرف
بس لما حسبتها حسيت انى ممكن اتاقلم مع الحاجات دى ... فى مقابل انى عاوز مميزاتها .
مش عارف كده رديت رد وافــى على حضــرتك ولا لم اوضح بعض النقــاط
ربنــا يوفقك للاختيـــار الخيــر -ان شاء الله-
وانا تحت امرك فى اى استفســـــار
تحيــــــــــــــاتـــىhttp://i122.photobucket.com/albums/o.../th_eclown.gif
رينو سيمبول فول اوبشن مانيوال و 1400 cc يعنى موفرة للبنزين وتوكيل محترم
نيسان صني عليها تخفيض
وهي عربيه قويه قريبه جدا من التمن الي انت عايز تشتري بيه
اظن انها احسن فئه سعريه في اليباني
عيوبها مش جوهريه اوي عشان الواحد يخاف منها
نيسان صنى
رينو سيمبول
نيو أكسينت او كيا ريو
برتون واجا او جين
أعتقد دول الحلوين اللى فى رينج ال 80
يا سلام عليك يا أيمون، رد وافي جداً ما شاء الله ومش محتاج اسأل علي ال Gen2 بعده :S_thum1[1]:
والله يا ريت نيسان تغير شكل السني وانا ساعتها اجيبها من غير تفكير
يعني كده الواحد ممكن يحصر اختياراته في الاتي:
1- Gen2
2- New Accent
3- Nissan Sunny
4- Kia Rio
يلا ربنا يقدم ما فيه الخير ان شاء الله
علي اي حال جزاكم الله خيراً جميعاً علي المشاركات الفعالة وان شاء الله اعرفكم قريباً أول ما ربنا يسهل واستقر علي عربية :vctry:
اقتباس:
المشاركة الأصلية كتبت بواسطة mabdelhaleem
ربنــا يوفقك يــارب للاختيــار الخيــر
لو عاوز تتفرج على العربيه ... انا تحت امرك فى اى وقـت
لو عاوز تقابل اكبر عدد من ملاكها ومهندسيين من التوكيــل عشان تستفر اكتــر ... ممكن تحضر اى مقابله من اللى بنعملهــا
وانا تحت امرك فى اى استفســــــار
تحيــــــــــــاتـــــىhttp://i122.photobucket.com/albums/o.../th_eclown.gif
+111111111111اقتباس:
المشاركة الأصلية كتبت بواسطة ayman_52
فعلا التوكيل اختلف كتير عن الاول وماهما كان ارحم من غيره زى غابور ومنصور
وقطع الغيار بقت موجوده بالكامل تقريبا فى التوكيل وكمان موجوده فى محلات خارج التوكيل ومنها التايوانى والصينى الرخيص كمان (بس محلات قليله شويه)
وانا فى رأيى ان الجين 2 والبرسونا احسن عربيتين فى فئتهم السعريه (مميزات مقابل عيوب)
خامات التابلوه اعتقد انه احسن من السيراتو مثلا اللى ب100 ومش عارف كام وعربيات تانيه كتير برده و تصميمه بيحسسنى انى راكب بورش
الاكسنت مانيوال او الفيرنا اوتوماتيك
هاقولك أختيار غريب شوية
إسبرانزا m11 روح أتفرج عليها واحكم
لو مابتحبش الصيني يبقى ولا كأني قلت حاجة
نيسان صنى عربية محترمة قطع غيار متوفرة
أولا:حضرتك عملت أول حاجه صح بعد قرار شراء سيارة(أيا كان نوعها) وهو تحديد السعر
ثانيا:لازم حضرتك تحدد إنت عاوزإيه من السيارة:
- حدد هل تحتاج سيارة أوتوماتيك أم مانيوال؟ولو مش فارقة خليها مانيوال لأنها غالباً أرخص.
-حدد هل تحتاج السيارة بشنطة كبيرة أم هاتشباك؟
-حدد هل تفرق معاك أسعار قطع الغيار ولا مش أوي؟
-حدد هل السيارة للسفر أم داخل المدينة؟ولو كلاهما فحدد أيهما أغلب علي إستعمالك
-حدد طبيعة الطرق التي تستعملها غالباً هل هي مستوية أم مكسرة ومليئة بالمطبات والحفر؟
-حدد إستعمالك للسيارة والأحمال التي معك هل سيارة عائلية فقط أم ربما تحمل بضائع معك أو أشخاص أخرين؟
-مما سبق يسهل عليك تحديد قوة الماتور المطلوب في السيارة.
-أخيراً حدد هل ستتعلم السواقة علي هذه السيارة أم أنك تجيد القيادة؟
ثالثا:حدد ميزانية للسيارة بعد الشراء شهرياً
رابعا:هل هتبيع السيارة بعد سنتين أو ثلاثه على الأكثر أم هي سيارة العمريعني حدد عمر السيارة معك وبالتالي نصل إلى
خامسا:تحديد ماركة السيارة وسوف تجد نفسك قد قلصت الإختيار على سيارتين فقط
ولو فيه أي استفسار بعد كده أنا في الخدمة.... والله الموفق...
نيو اكسنت
او ماتركس
هيونداى وخلاص يعنى ؟؟؟؟!!!!اقتباس:
المشاركة الأصلية كتبت بواسطة tigernet
تحياتى