افرح ياللى معاك فيكترا 2007
يا جماعة بلاش والنبى اشاعات كتير عن الفيكترا الشكل الجدي اللى كل شوية واحد يجتهد ويدخل على موقع من برة ويجيب شوية صور تعملوا بيها احباط للى جابوا الشكل الجديد.....واللى كل الناس ما تعرفوش
اولا الشكل الجديد دة نازل برة باسم تانى غير الفيكترا ومش هينزل مصر اساسا لان سعة الموتور اكبر 2300 و2500
ثانيا الشكل اللى هينزل مصر دة اخر سنة السنادى 2008 كلها هيستوردوها من المانية والمفاجأة الكبرى هتتجمع فى مصر بدائا من 2009 وهوة هوة نفس الشكل وسعرها مش هيرخص او هيرخص بسيط اوى وهينزل منها اتوماتيك كمان وعلشان كدة بقول يا باختك ياللى معاك 2007 الالمانى وافرح وعيش وظأطط وقول انا راكب الالمانى
واللى كان بيقول على المنتدى انها سيارة اى كلام ومفيهاش ريحة اليابانى اقولوا حاجة من اتنين
يا اما انت طول عمرك راجل باشا بتركب جاجوار ومرسيدس وبى ام فلما ركبت الاوبل حسيت بالفرق
او يا اما حضرتك مش قادر تجيبها وبتقول اى كلام