لو حد عنده فكره عن أسعار زيوت السيارت حاليا وأفضل الأنواع
وهل فعلا لازم الواحد يلتزم بالمسافه المكتوبه والا مش شرط
عرض للطباعة
لو حد عنده فكره عن أسعار زيوت السيارت حاليا وأفضل الأنواع
وهل فعلا لازم الواحد يلتزم بالمسافه المكتوبه والا مش شرط
حسب كتالوج السيارة هتلاقى رقم نوع الزيت ودرجته , الزيوت السايبة بتبقى أرخص عشان مابيحملكش تمن العبوة ( الجركن بس بتجيب جركن قديم من البيت ) , انا كنت باعمل كدة فى الفليشيا وكنت باحطلها موبيل الأسود
متاااااابع
كل زيت بيختلف من سيارة لاخرى حسب حالة الماتور ودرجة احكامة وتكنولوجيا الماتور نفسة وهل هية عادية ام رياضية
يعنى هنقول سيارة لسة معداش عليها 10 سنين وحالة الماتور جيدة جدا يبقى حضرتك قدامك لائما زيت تخليقى كامل او نصف تخليقى والزيت ادى الدرجة هيضعف من حالة الماتور بعد كدة
الزيت التخليقى ودة بيقعد 10000 كيلو وتمنة 240 جنية(فرق بضعة جنيهات بين كل شركة واخرى )
الزيت النصف تخليقى بيقعد 7000 كيلو وتمنة 160 جنية
الزيت الاحادى الدرجة ودة بيقعد 3000 كيلو وتمنة 100 جنية
زيت عادى او سوبر وتمنة 40 الى 60 جنية حسب الشركة
وطبعا يستحسن انك تغيرة فى مواعيدة او قبل مواعيدة لو لقيتة لزوجتة بقت خفيفة فبيبقى خطر على المحرك فى الوقت دة او لونة بقى اسود قوى ومليان شوائب وبردة يفضل انة مايقعدش فى الماتور اكتر من 6 شهور لعدم تفاعل المواد المكون منها الزيت مع مكونات الماتور
أنا شاكر بجد الفائده بس هل معنى كدا إن زيت كالتكس مثلا بنفس درجة كفاءة موبل يعني الشركات دي تقنيتها واحده والعمليه مجرد أسماء
والا فيه زيت مفضل عن زيت؟
ولو حد تكرم وكتبلنا أسعار الزيوت دي حاليا هيكون مشكور
ايه رأيكم في زيت توتال 20w50
او
Esso 20w50
انا كنت بحط esso الاول وبعد كده ناس نصحتني احط توتال 20w50
مازدا 323
ايه رأيكم
احسن زيت من الاتنين اللى انا جربتهم موبيل -شيل
شيل بكل ثقة بس انا بحط الالترا العبوة الرمادى تمنها 240 جنية وبتعمل من 8000 كيلو الى 10000 بس انا عشان عندى الماتور رياضى فلازم اخلصة بدرى بدرى يعنى ممكن اغيرة عند 7000 وحسب بردة درجة لزوجتة وصلت لحد فين ,لكن الموبيل ماقعدش معايا 1000 كيلو وبقى زى المية
ما فيش زيت بيكتب عدد الكيلومترات علي العلبه