جراند بونتو ال١٢٠ حصان
عرض للطباعة
جراند بونتو ال١٢٠ حصان
واضح انك بتحب الفيات يا يوكو باشا
بس معلش هاتعبك معايا وتدلنى على صور وامكانيات الجراند بونتو لانى ماشوفتش الشيب اللى فية بانوراما زى ما بتقولو
وهل الفيات قطع غيارها معقولة وبتعيش و عربية ثابتة زى الامانى كدا ولا اية ارجوك توضحلى لانى معرفش حد معاة فيات
انت شايف انى اجيب الجراند بونتو بدل الكروز؟
سيبلي الطالعة ده يا يوكو بص يا سيدي الجراند بونتو خوش على اليوتيوب وشوف فيديوهات الناس اللي معها جراند وبيجروه بيها وإنت هتشوف الثابت يبقى كده خلصنا من الثابت بالنسبة لا اللي بانورامة أنا عندي صورها بس مش عرف احطهملك بس إنت لو عملت سيرش على جوجل هتلقي كتير ب بانوراما بالنسبة بقى للعبتيون خد عندك الفئة السابعة ودى موتور تربو تلاتة باب
الكماليات
مانيوال - تكييف بكر - باور - سنتر - زجاج كهرباء امامى - 2 اير باجز - ABS - EBD - راديو سي دي - مالتي فانكشن - فوج لايت - زجاج فاميه - بلو اند مى - مثبت سرعة - جنوط 16 - Hill holder - Traction Control - سقف بانوراما
السعر
127 الف
ده عملينها علشان الجري واظن ده بين من الامكنيات بس في نقطة مهمة أو إن شكلها جامد قوي D:
نسيت حاجة مهمة قوي ده ايطالي تقفيل ايطالي
انا اتفرجت على الفديوهات بتاعتها على اليوتيوب
هيا العربية واسعة من جوة و الكنبة اللى ورا اللى هيعد فيها هيستريح ولا اية
واجيبها وبلاش افكر فى الكروز؟؟ مع ان شكل الكروز عاجبنى من برو جوا بس خايف منها عشان كورى
بش الكروز فيها ٣ عيوب رئيسيه أولهم مفيش أمان تانيهم ودي مصيبة لوحدها إن توكيله منصور (بعت عربيتي الأفيو بسببهم) ٣ موتور ضعيف بالنسبة لفئاتها
الجراند بونتو كويسه من ورا مش ضيقة قوي ولا واسعه قوي
بتجري بغباء مش هقلك إنك هتعلم على السيفيك والجولف ال١٦٠٠ مستريح (عن تجربة)
ثباتها خرافة بقلك باللينيا (النسخة السيدان من الجراند بونتو) أخدت ملف الي عند بنزينة شيرتون لو تعرفه عند مدخل المطار على ١٢٠ والعربيه كانت ماسكة نفسها
طلعت من فرنا من ٤٠ ل ١٦٠ معرفش يصغر الفرق بيني وبينه حتى
ونصيحة لو مش لازم هاتش باك ولا السقف البانوراما جيب اللينيا أرخص وشنطتها مفيش أوسع منها في مصر غير الأوكتافيا a5
ولو عايز أي حاجة أنا تحت أمرك
يبقى المناسب ليك الجراند بونتو 120 حصان حتبقى مشكله بكل المقاييس
او التيدا الهاتشباك تحفه و كبيره و وواسعه
ممكن تجيب الالنترا اوتوماتيك او سيراتو اوتوماتيك او نيسان صني السوبر صالون