اعادة رفع الموضوع...
الحمدلله ياجماعة انا كلمت فعلا للشيخ هيثم تانى فى الحرفيين وقولتله انى عاوز انزل السوفت وير بتاع الموتور بتاعى اللى هو الاوروبى x20 xev والسوفت ده هو اللى بيفتح بوابات الهواء الاضافية اللى فى المانيفول بتاعى وبيشغل egr كامل ...وده الفرق بينه وبين السوفت وير المصرى....وفعلا الراجل ماتاخرش عليا وحددنا ميعاد ونزلت عنده والراجل كان مجهزلى السوفت وير فعلا ونزلهولى على العربية وشغلى الegr وبوابات الهوا والمفاجأة ان الحمدلله السقفة راحت تماما والعربية سحبها زاد جداا جداا عن الاول وبقت حاجة تانى اقوى فعلا من الاول .....والراجل بصراحة عمل معايا واجب جامد جدا واخد 50 جنيه بس مصنعية على الكلام ده....بصراحة حسيت انى راكب موتور تانى خالص...اى نعم استهلاك البنزين زاد شوية عن الاول بس ده يقابل فرق القوة اللى زاد فى الموتور...على فكرة انا سالت برة وقالولى ان قصة تغيير السوفت وير دى بتتكلف 350 جنيه عند الناس اللى بتعملها ...ومش كل الناس اصلا بتشتغل فى الحكاية دى حتى لو كان عندهم الجهاز...ولسة ان شاء الله هنزل اشوف موضوع الفتيس بقى وربنا يسهل