الموبينة البوش ب 810
عرض للطباعة
وابسط دليل على كدة ان العربية الحمدلله مظبوطة جداا فى استهلاك البنزين...يعنى مثلا فى سفر مباشر 370 كيلو استهلكت 28 لتر بنزين والحرارة تحت ال80 والتكييف شغال ومتوسط سرعة 200-220 وفى حوالى ساعتين ونص
علي فكره ياباشا بنسبه 80 في المايه اللي معدل عربيتي هو اللي معدل عربيتك
بس سؤال السوفت القديم كانت اللمبه عندك بتاعت التشيك مش مظبوطه ازاي وايه الفرق بين الموتور اليكوتيك الاوروربي والعادي وازاي اعرف ان موتوري زي اللي عند حضرتك ولا لا
ياباشا انا الحمدلله مش صغير عشان مش اعرف افرق الموتورين عن بعض...الموتور مكتوب عليه 20 تحت والورق بتاعه 2000 سى سى والموتور ماتفكش منه مسمار قبل كدة....اما بالنسبة لموتور 1800 فانا فعلا شفت الكلام ده بس ال1800 موتور كله مشاكل اساسا وحاجاته نادرة جداااا
واضح من كلام حضرتك ان المشكلة عدم توافق السوفتوير مع موتورك.
بمعنى ان ممكن يكون مواصفات الموتور الأوروبي من نسبة انضغاط غرفة الاحتراق وزمن الشرارة وخلافه تكون مختلفة عن النسخة المصري.
الحل انك تنزل السوفتوير الخاص بالموتور تحديدا
أو لو في امكانية تعمل تعديل على متغيرات السوفتوير عشان تظبط وقت الاشعال بما يتناسب مع موتورك.
حاول تشوف هل موتورك فيه knock sensor ولا لأ، ولو موجود هل شغال صح ولا بيدي قرايات غلط للوحده وعاوز يتغير
حاول تبحث عن معلومات عن موتورك وتعرف نسبة الانضغاط بتاعته لأن ممكن يكون مصمم انه يشتغل على بنزين عالي الأوكتان
على حسب معلوماتي هو سنسور بيكون راكب على عامود الكرنك و فكرة عمله زي الميكروفون ، أول ما بيحس بتسقيف بيدي اشارة لل ecu فبالتالي بيأخر الشرارة عشان يمنع التسقيف أو ال(knock)
يعني بمعنى اخر سنسور بيساعد الecu يقدم أو يأخر الشرارة اوتوماتيك علشان توصل لأفضل أداء
طب ده بيختلف ايه عن حساس الكرنك؟؟؟ ولا هو هو؟؟؟
في الغالب السوفت وير الجديد مضبط الاشتعال على نسبة انضغاط عاليه... و من وصفك ممكن يكون البنزين اللي الكنترول يونت متوقعه ٩٨ مش ٩٥ كمان.
جرب تستنى لما التانك يكون شبه فاضي و حط بنزين ٩٥ و شوف هيكون فيه فرق و لا لأ.