لأ يا نجد فيه فيكترا 4*4
عرض للطباعة
لأ يا نجد فيه فيكترا 4*4
صباح الفل...
هو يظهر ياجماعة انه حصل لبس عندكم فى بعض الامور او انا اللى اسأت توضيح الاموربالشكل المظبوط...
انا مقصدتش ان العربية كانت جر خلفى يعنى كرونة خلفية...انا قولت الفتيس نفسه خلفى....يعنى زى عربيات اليابانى اللى المارشليه فيها اقصى اليمين وللخلف ....انا المارشليه عندى كان سوسته لورا يمين....الفتيس ده عموما كان غريب جدا بس للأمانة كان اقوى فتيس مانيوال انا شفته فى حياتى.بس عيبه انه غالى جدا فى كل حاجته وممكن يأثر على الموتور بالسلب نظرا لعزمه العالى...بالمناسبة هو اسمه f23 وهتلاقوه موجود عند هانى العايدى فى الحرفيين او الشيخ محمد وهو اساسا مخصص للمواتير ال6 سلندر 2800 سى سى..اما موضوع ال2 كرونة فانا قصدى على كرونة الفتيس نفسها....وبعتذر مرة تانى لو كانت المصطلحات خانتنى فى التعبير او شرحت بصورة خطأ بحيث وصلتلكم معلومة غير واضحة
ماشي ياباشا بس برده ماجاوبتش علي سؤالي..هل كل واحد يركب موتور اوروبي استيراد بدل موتوره الايكوتك المصري لازم يغير السوفت وير ولا ايه ؟ ولو كان الموتور مش ايكو ,الموتور الاسودال8 صباب مثلا هل الكونترول بتاع الاوربي هيفضل زي ماهو ولا ايه؟ http://www.nilemotors.net/Nile/image...in1%5B1%5D.gifومشكور مقدما..
تكلفة تسقيط موتور 2000 على عربيه فيكترا 97 1600 الموتور الأسود كام وإيه اللى يتغير بالظبط وده أوفر ولا بيع وشرا على أبوها أفضل؟
وح تسقط ليه ياباشا بلاش وجع دماغ خلي 1600 احسن وااوفر
مهوا انا مستغرب من مواتير 1600 ع الفكترا اللى هنا كله 1800 و2000 و2200 بس مش اقل من كدا
معلش انا اسف والله انى جايز نسيت او ماخدتش بالى من سؤال حضرتك...
بص ياباشا الموتور ال1600 او ال2000 اللى نزلوا مصر (المواتير السوداء) يختلفوا كليا عن المواتير الايكوتيك بجميع انواعها...والاختلاف هنا مش فى الموتور بس او الكفائة بس او الكومبيوتر بس...انما كمان اختلاف فى ضفيرة الموتور والعدادات بتاعت الموتور اللى تلائم كفائته....
والموتور الايكوتيك نزل منه عدة موديلات مخصصة للأوبل وهى 1800-2000-2200...ودول نفس الشكل الخارجى تماما....وفيه كمان 2800 وده شكل مختلف شوية...وفيه كمان 3200 وده اكبر موتور اوبل نزل ...وفيه كمان الموتور ال2000 ديزل....
بالنسبة للموتور ال2000 ايكوتيك فنزل منه فيرجن خاص بمصر وبعض البلاد بيتشابه شكليا مع نفس نظيره الاوروبى فى حين انه بيختلف فعليا عنه فى حجم مانيفول الهواء لأن الاوروبى اكبر وفيه بوابات هواء زيادة بتدى قوة اكبر...وفيه كمان جهاز EGR بيعمل اعادة حرق للعادم الغير محترق كاملا مرة تانية وبالتالى بيكون صديق للبيئة وبيدى قوة اكبر...وكنتيجة مترتبة على كدة فكل موتور منهما ليه السوفت وير الملائم للتشغيل واللى بيتناسب مع امكانيات وكفائة الموتور...ولو جربت تبدل سوفت مختلف هختلف معاك حاجات كتير زى السقفة مثلا او لمبة الاعطال تفضل منورة لأختلاف المواتير ...يعنى الخلاصة ان كل موتور وليه السوفت الخاص بيه...انما كل مواتير الايكوتيك مابين 1800 و2200 نفس الكومبيوتر مفيش اى فرق بينهم واى سوفت لأى موتور منهم قابل انه يشغل اى موتور منهم بس مع اختلاف الكفائة طبعا وعدم التلائم هيكون موجود بصورة كبيرة
ارجو انى اكون وضحت لحضرتك كل حاجة واى استفسار تانى انا تحت امرك:vctry:
Ibrahim Hassan
اهلا بيك ياباشا...بالنسبة للموتور ال1600 الاسود فده انا بعتبره بعد التجربة والمقارنة بينه وبين الايكوتيك انه موتور اخره يركب على عجلة او موتوسيكل صينى مثلا....بجد مواتير سيئة جدا ومستهلكة للبنزين بطريقة رهيبة وقطع غيارها حاليا نادرة وغالية على الفاضى...
نيجى بقى للمواتير الايكوتيك...بجد ماشاء الله مواتير مظبوطة جدا وحرارة اكتر من ممتازة سواء داخل او خارج البلد سواء بتكييف او من غير هتلاقيها معاك ممتازة طالما الموتور بحالته ودايرة التبريد عندك كويسة....بالنسبة لموضوع التسقيط هجيبلك الخلاصة والاخر....الموضوع ده متعملوش غير عند واحد محترف وامين فى نفس الوقت...انما مش اى حد يقدر يقوم بالقصة دى...اللى هيتغير عند حضرتك هو الاتى:
1-ضفيرة الموتور
2-وحدة التحكم الكومبيوتر
3-العدادات
فقط لاغير...
بالنسبة للتكلفة الاجمالية فالموتور بتاع حضرتك لو سليم وبحالته ممتازة هيكون مطمع للتجار...يعنى ممكن تديلهم موتورك وعداداتك وضفيرة موتورك وتاخد نظيرهم من الايكوتيك ومتدفعش فرق اكتر من 1000 جنيه بالكتير...بشرط سلامة القطع بتاعتك...ده فى حالة ماانت اللى هتشترى الحاجات وتخلى حد يركبهالك...
بالنسبة للمصنعية بتاعت اللى هيركب هتكون فى حدود 500 جنيه تقريبا وهتستغرق حوالى من يومين لأسبوع...
انصح شخصيا بالشيخ هيثم فى الحرفيين لو عاوز تقوم بالحكاية دى وانت لك الخيار لأنى شفته بيشتغل ازاى وبيقسم الضفيرة ازاى من الكتالوج الاصلى بتاع الشركة اللى نازل من برة...يعنى كل حاجة بتكون على وضعها الاصلى...بالنسبة لجدوى الموضوع فهو مجدى جدا جدا وهتحس بفرق رهيب بين الموتورين واستهلاك البنزين اوعدك انه هيكون اقل من الموتور الاسود رغم فارق الكفائة والحرارة هتكون افضل بكتير ان شاء الله...
واى استفسار انا تحت امرك ان شاء الله