دعوه لافساد مشروع جميل - ياترى دورك ايه

كلنا ياجماعه اعتقد قاسينا من التاكسى القديم فى النظافه ولا البنديره ولا حاله العربيه وفرحنا بمشروع التاكسى الجديد وقلنا هيبقى فاتحه خير ونحس فى اى حاجه فى البلد اننا بنى ادمين
فى اول نزول التاكسى الجديد كنت بتلاقى السائق بيجى لغايه عندك ومن غير مايسالك رايح فين و ممكن يفتح لك الباب المهم تركب وتدفع اللى فى العداد بدون خناق وتمشى وتكييف ونظافه بجد حاجه تفرح
لكن للاسف زى عاده المصريين بدا المشروع فى النزول للاسفل واليكم اللى بشوفه وعن تجارب شخصيه نظرا لكثره استخدامى للتاكسى
1- دلوقتى لازم السواق يسالك رايح فين ولو مش عاجبه المشوار مايروحش :whtauwant:
2- بدا بعض السواقين وللاسف الناس معاهم يركبوا والتاكسى محمل اصلا ومعرفش ازاى انا مع بنديره كبيره اقبل ان السواق يحمل حد تانى وللاسف اكتر من مره اسيب التاكسى وانزل علشان سعاده السواق والبيه اللى شاور عندهم استعداد للركوب :fdsa:
3- ابتدا بعض السواقين تعمل نفسها مش عارفه السكه علشان تلف والعداد يعد وان ماكنتش واخد بالك تلاقيك رايح مصر الجديده عن طريق الجيزه وانت فى رمسيس:3mla:
للاسف سلبيه الناس هى اللى هتدفع المشروع انه يتحول الى تاكسى قديم ( زى الابيض والاسود ) وتكلم الناس تقولك ياعم انا عاوز امشى واوصل مشوارى
رجااااااااااااااااااااااا اااء حار ياجماعه كونوا ايجابيين بلاش تدوا الفرصه لسواقين التاكسى الجديد فرصه يبوظوا علينا مشروع جميل
وياريت كل واحد يسال نفسه انا دورى ايه فى افشال او انجاح المشروع:rfds:

اقتباس:

---

المشاركة الأصلية كتبت بواسطة ash_rsi

للاسف سلبيه الناس هى اللى هتدفع المشروع انه يتحول الى تاكسى قديم ( زى الابيض والاسود ) وتكلم الناس تقولك ياعم انا عاوز امشى واوصل مشوارى
رجااااااااااااااااااااااا اااء حار ياجماعه كونوا ايجابيين بلاش تدوا الفرصه لسواقين التاكسى الجديد فرصه يبوظوا علينا مشروع جميل
وياريت كل واحد يسال نفسه انا دورى ايه فى افشال او انجاح المشروع

---

أشكر حضرتك على طرح الموضوع

أنا مش قاهرى .. ولما بنزل القاهرة بنزل بعربيتى

لكن الموضوع اللى حضرتك بتتكلم عليه .. يقاس عليه موضوعات كثيرة جدا فى مجتمعنا

بالفعل .. لابد من ايجابية شوية فى ردود أفعال الناس

علشان محدش بيعمل حاجة غلط .. غير لما يلاقى أن مفيش حد بيحاسبه

.. وكفاية سلبية بقى .. كفايــــــة

فعلا كلامكم صحيح جدا
من كام يوم كانت زوجتى بتعمل عملية ولما جينا نخرج من المستشفى وقفنا تاكسى لادا أبيض (نفسيا أنا مرتاح للأبيض لأن فيه عداد) وبعدين لما وصلنا البيت لقيت السواق عامل نفسه عبيط وبيقوللى إللى تدفعه وطفا العداد كمان فحاولت بالذوق أفهمه إنى مش هادفع غير المبلغ المسجل بالعداد عمل نفسه عبيط أكتر وحاول يقلبنى فى أى حاجة زيادة .
فعلا إحنا ماينفعش معانا سلامة النية أبدا يا جماعة .

هو احنا كده منعملش الحاجه كمله ابدا لازم لازم نصيب بصمه المصرين فى اى حاجه نعملها كويسه

انا مش بركبه كتير بس فى مره كان عيد او فيه مناسبه مش فاكر الراجل اديته الفلوس وكان فاضل 2 جنيه او حاجه ويقولى كل سنه وانت طيب يابيه اى خدمات والكلام بتاعه ده اتخنقت معاه وقولته امال العداد ده لزمته ايه ده بيحسبلك المشوار لصالحك انت وكمان عايز زياده وخدت منه الباقى

و الله عندك حق

اقتباس:

---

المشاركة الأصلية كتبت بواسطة mahamedaraby

هو احنا كده منعملش الحاجه كمله ابدا لازم لازم نصيب بصمه المصرين فى اى حاجه نعملها كويسه

انا مش بركبه كتير بس فى مره كان عيد او فيه مناسبه مش فاكر الراجل اديته الفلوس وكان فاضل 2 جنيه او حاجه ويقولى كل سنه وانت طيب يابيه اى خدمات والكلام بتاعه ده اتخنقت معاه وقولته امال العداد ده لزمته ايه ده بيحسبلك المشوار لصالحك انت وكمان عايز زياده وخدت منه الباقى

---

برافو عليك والموضوع خلانى دايما اخلى معايا فكه علشان محدش ياخد الباقى ويضربه فى جيبه ويبصلك بهبل انه ضحك عليك واخد الباقى بدون مناسبه ولا داعى

دا أنا مبسوط جدا من التاكسي الجديد ده بس أول مرة اعرف دلوقتي الحركات القرعا اللي بيعملوها دي !!!! ربنا يصلح حالهم و فعلا كلنا لازم منسبش حقنا و ندفع اللي في العداد بس

فعلا أنا جربت التاكسي ده في القاهرة أكثر من مرة وكل مرة السواق يعمل نفسه مش عارف السكة وبرضه في كل مرة معهوش فكة
أنا كنت باقول إنه فعلا مش كل السواقين عارفين السكة ولأن القاهرة كبيرة ولأن بتوع التاكسي الجديد بيروحوا أي حتة مش زي التاكسي القديم فطبيعي إنهم يكونوا موجودين في حتت مش عارفينها
وبرضه كنت باقول إن الأصل إني أدي السواق الأجرة بتاعته دون اعتماد على إنه حيبقى معاه فكة وباقي، ولو احتجت إنه يفكلي يبقى كده بيعملي خدمة وبالتالي لو الفكة مكملتش طبيعي إني أسيب الباقي لو حاجة بسيطة وأحيانا لو كبيرة بدل ما نقف ندور على حد يفكلنا والناس كلها مزنوقة أساسا...

بس الصراحة فعلا زي ما حضرتك بتقول الموضوع شكله استعباط مش أكثر

حد سمع ان التاكسي ده بيتلعب في عداده
اصل سمعت من واحد سواق ان ممكن يتلعب فيه لدرجة ان مع كل فرامل السواق يدسها يحسب ربع جنيه زيادة على الاجرة(مابالك في الزحام الشديد)
هو فعلا صح ولا لا

أصل إحنا شعب جعان و مفيش فايده فينا و هنفضل نشحت من بعضينا و ننصب على بعض كده لغاية ما تحصل معجزه تغيرنا فى زمن انتهت فيه المعجزات:dontudear:

اقتباس:

---

المشاركة الأصلية كتبت بواسطة dr_emad

أشكر حضرتك على طرح الموضوع

أنا مش قاهرى .. ولما بنزل القاهرة بنزل بعربيتى

لكن الموضوع اللى حضرتك بتتكلم عليه .. يقاس عليه موضوعات كثيرة جدا فى مجتمعنا

بالفعل .. لابد من ايجابية شوية فى ردود أفعال الناس

علشان محدش بيعمل حاجة غلط .. غير لما يلاقى أن مفيش حد بيحاسبه

.. وكفاية سلبية بقى .. كفايــــــة

---

:3_3_102[1]:+1

للاسف غياب الرقابة بيسمح لاصحاب النفوس الضعيفة انها تبتكر اساليب نصب تقدر تخدع بيها الناس لو عارفين ان في حد بيفتش عليهم كانو خافو ومشيو عدل كمان احنا سلبين اوي مبنحولش ناخد موقف لازم التغير يحصل من جوانا علشان نكون متحضرين بجد الشعوب الي كنا بنتريق عليهم اصبح سلوكهم احسن مننا بكتير

الحل هو الشكوى الجماعيه للشركه الي مشغلاهم او وزارة النقل او اي بلوة مشغلاهم بجد الواحد بقى قررررررررررررررف من الناس دي