أنا مرة ركنت عمودي على رصيف وكمان بين رصيفين على يميني وشمالي يعني مافيش مكان تاني للخروج غير من ورا مطرح مادخلت .. وأحلى حاجة إني كنت مسافر أبو كبيــــــــــــــــــــــ ـــــــر في الشرقية وقت ماكنت شغلي هناك وكمان كان آخر الإسبوع يعني راجع قرفان وتعبان جدا ومتخيل إني مش هاعمل حاجة غير السواقة لغاية البيت ... أبص ألاقي واحد قافل عليا بالعرض وحاطط العربية على الـ p أزق .. مش بيتزق طبعا ...
... فضلت مستنييه تقريبا ساعة ونص ومافيش حل تاني ... ماينفعش أمشي وأسيب العربية ... لأني الكلام ده في موقف عبود وأنا ساكن في زهراء مدينة نصر ساعتها وكمان قدرت إنه برضه ممكن يكون مسافر وهايوصل في أي أتوبيس بعد شوية ...
أحلى حاجة بقى لما جه وأنا بكلمه بقوله إنه كان المفروض على الأقل يسيب العربية من غير فرامل وفي وضع المور ... الاقي قلة الأدب إشتغلت .. وقعد يزعق بدون مناسبة ... وفيها إيه لما تستنى شوية مانا جاي من السفر برضه وتعبان وبعدين أسيبها ممورة عشان أي كلب يزقها ويرميهالي في وسط الشارع وقعد يزعق كده دقيقتين تقريبا ... من غير ما أرد عليه روحت راكب العربية وجايب مارشيدير وبضهر الـ 505 وروحت جايبله البابين بتوعه بالقايم وهوة واقف يتفرج عليها لسة هايتكلم وجاي يزعق وهايتخانق روحت عامله باي باي من الشباك وطلعت من على الرصيف اللى قدامي ومشيت
اقتباس:
المشاركة الأصلية كتبت بواسطة zanativich
طب خدوا الى تجيب شلل دى
انا بركب عربيتى يدوب قفلت الباب لقيت واحد ركن صف تانى و ساب العربية ومشى
اديلوا كلكسات يشور لى يقولى استانا
انا انشليت جاى يقولى ايه ماتتصرف
انا فتحت فمى وتنحت و من ساعتها وانا مش بتكلم مع البهايم
بجد دي شلل أنا مش مصدق إن في ناس وصلت لكده
اقتباس:
المشاركة الأصلية كتبت بواسطة tutankhamoun
المصيبة الأكبر أن الناس أصبحت مهمله و مستهبلة على الآخر
المشكلة إن عمر المصريين ماكانوا كده نفسي أعرف إيه اللى حصل !!!؟ ... ومحدش يقوللى الزحمة أنا شوفت النوعيات دي برضه في محافظات رايقة ومافيهاش أي زحمة لمجرد إنه مكسل يمشي شوية زيادة يقوم جاي يقفل عليك بالعربية عشان يبقى قدام الباب
اقتباس:
المشاركة الأصلية كتبت بواسطة marawansabry
الناس كلها منورة الموضوع .. وانت يا كريم باشا نورته بزيادة .. انت قلت يا باشا ان المضوع قلب معركة .. بالله عليك بعد المعركة كان اية احساسك .. انا ميش عارف طبعا هي رسيت على اية يعني .. شتايم وخلاص ولا الموضوع وصل لمد ايد .. او حتي تكسير عربيات .. بس متهيالي في كل الحالات دي الخسارة مبتبقاش ظريفة خالص .. معنويا .. جسديا .. خسارة مديه .. وممكن يتطور الموضوع اكتر من كدة .. حسب تهور الطرفين :b4_556:
بصراحة أنا بعد ما عملت كده حسيت بندم شديد لأني كنت قاسي عليه جدا ... هوة صحيح كان البادئ بس بيتهايئلي رد فعلي كان مبالغ فيه شوية خصوصا إن الخسائر كانت من الطرفين يعني عندي برضه غيرت الفانوسين اللى ورا صحيح مبلغ تافه شوية بس برضه إتخنقت لما إتكسروا ... وعموما أهه الواحد بطل يعمل كده وبقى هادي شوية عن الأول
اقتباس:
المشاركة الأصلية كتبت بواسطة karim_monir
وبحط الكارت بتاعي على التابلوة وفي رقم موبايلي ورقمي الدخلي وجنبة طبعا لوجو الشركة لانه بلون احمر مميز وبحط الكارت بطريقة واضحة ومش بشيلة خالص
جميلة جدا فكرة رقم التلفون دي أحييك عليها وإسمحلى أعملها زيك في المواقف اللى زي كده ... ربنا يباركلك