-
المشكله ان كل واحد مرتبط بمكان شغله ، الفتره اللى اضطريت اقعدها فى القاهره بسبب الشغل أو المشاوير اللى بضطر انزلها فى وقت الزحمه حاجه تجيب الضغط .. أو التبلد ، ومش القاهره بس لكن معظم المدن بقت كده وسلوكيات الناس بقت تقرف
وكتير جدا بيكون فى فرص اقامه فى اماكن رائعه خصوصا فى سينا لكن هتشتغل ايه هناك ! ممكن صياد بقى
لكن تبقى القاهره ساهره ... يعنى لو فى أى مكان تانى والدنيا ليل وعايز تخرج ولا تسهر فى أى مكان حلو مش هتلاقى وهيبقى احساس رخم جدا ان الدنيا ميته ، أما فى القاهره فا اجمل حاجه اصلا ان الواحد يخرج بالليل متأخر والشوارع ابتدت تفضى خصوصا فى الشتا
-
السلام عليكم
والله موضوع اكتر من رائع وشكرا لصاحبه
على فكره لو حد خاض التجربة هيحس بمعاناه لمدة كام شهر واكترها سنة وبعدين هيتأقلم مع المكان الجديد ولو رجع القاهرة لآي سبب مؤقت هيبقى حاسس بغربه وكأنه ما كانش عايش هناك خالص
يا سلام بقى لو كان القرار عائلي
يعني الواحد هو وإخواته ووالده ووالدته يقرروا يبيعوا بيوتهم وشققهم ويسافروا كلهم لسيناء او بورسعين او أي مكان تاني جديد ويشتروا عربيات حلوة ولا حتة ارض زراعية مستصلحة ويبدأوا فيها مشروح حلو كده بجانب وظائفهم وشغلهم الأساسي ويغيروا حياتهم
أكيد هيوفروا كتير في فرق سعر البيوت والأراضي وحياتهم هتتغير
-
الحمد لله انا عايش فى اسكندريه ومش عايز اسيبها بس نفسى احسن فيها شويه حاجات لان حرام البهدله اللى فى الشوارع والميه اللى فى كل حته اكيد سكان اسكندريه فاهمين قصدى
-
البعد عن القاهرة بشكل كامل صعب نظرا للمتطلبات اللى كل الناس عارفها بس العذاب هو انك تضطر انك تسوق داخلها يوميا ، و انا واحد من الناس كنت باسوق 70 كم يوميا 35 كم رايح وزيهم راجع منهم 7 كم فى كل كل رحلة ذهاب و عودة داخل المدينة و الباقى على الطريق الدائرى لكن ال 7 كم دول بياخدوا وقت و مجهود و عذاب غير عادى فى مقابل باقى المسافة 28 كم فى منتهى الجمال و النعومة ، يعنى لو حتسوق 100 كم فى الطريق السريع لا يقارونا بالقيادة كيلو متر واحد فى زحام المدينة
الحمدالله تغير الحال قليلا و و ال70 كم بقوا 40 كم لتغيير مكان العمل و توقيت الذهاب للعمل و الشكر ليك يا رب معاناتى قلت شوية ، بس لا زلت عندى امل انها تنتهى تماما و لهذا من 3 سنين اشتريت شقة فى الطريق الدائرى عند مدخل مدينة نصر فى كمباوند سكنى خاص تحت الانشاء و ان شاء نبتعد عن زحام القاهرة الكبرى بمشاكله و نقضى ما يتبقى فى العمر فى هدوء بعيد عن مستشفى المجانين التى تسمى بالعاصمة و كفاية علينا اطرافها .
Content Relevant URLs by
vBSEO 3.6.0 PL2